شىنخۇا تورى تەيبېي 28- ئىيۇن تېلېگراممىسى : شىنبېي شەھەرلىك سەھىيە ئىدارىسىنىڭ 28- ئىيۇن چۈشتىن بۇرۇن ئېلان قىلغان سانلىق مەلۇماتتا كۆرسىتىلىشىچە، شىنبېي شەھىرى سەككىز ئەۋلىيا باغچىسىدا يۈز بەرگەن ۋەقەدە يارىلانغانلار 516 گە يەتكەن بولۇپ ، ئايرىم - ئايرىم 39 دوختۇرخانىدا داۋالىنىۋېتىپتۇ، بۇنىڭ ئىچىدە ئېغىر يارىداردىن 194 ى بار ئىكەن .
مۇناسىۋەتلىك تارماقلارنىڭ بىلدۈرۈشىچە، 27- ئىيۇن كېچىدە سەككىز ئەۋلىيا باغچىسىدا چاڭ - توزانلىق پارتلاش ۋەقەسى يۈز بەرگەندىن كېيىن، مۇناسىۋەتلىك ئورۇنلار دەرھال جىددىي قۇتقۇزۇش مېخانىزمىنى يولغا قويغان ھەمدە تەيبېي، شىنبېي، جىلوڭ شەھىرى ۋە تاۋيۈەن ناھىيەسى قاتارلىق تۆت شەھەر ، ناھىيەدىكى سەھىيە ئىدارىلىرى ۋە ئۇلارغا قاراشلىق دوختۇرخانىلار بىلەن ئالاقىلىشىپ، كۆيۈك يارىسىنى داۋالاش بۆلۈمى قاتارلىقلارنى تەقلەپ، يارىدارلارنى قوبۇل قىلىشقا تەييارلىق كۆرگەن.