جاھان ئاگېنتلىقى 14-ماي خەۋىرى؛ لەگلەك تورى تەرجىمىسى: يەمەندە 12-مايدا باشلانغان ئۇرۇش توختىتىش كېلىشىمىگە يەنە خىلاپلىق قىلىندى. يەمەننىڭ تائىز رايۇنىدا پرېزىدېنت ئابدۇرەببۇ مەنسۇر ھادى تەرەپدارى خەلق قارشىلىق كۈچلىرى بىلەن ھۇسىي قۇراللىقلىرى ئارىسىدا يۈز بەرگەن توقۇنۇش ئارقىلىق 12-مايدا ئېلان قىلىنغان ئۇرۇش توختىتىش كېلىشىمىگە يەنە رىئايە قىلىنمىدى. يەرلىك دائىرلەردىن ئىگەللىگەن ئۇچۇرغا ئاساسلانغاندا، تائىز رايۇنىنىڭ ئەل ھاساب ۋە ئەل مۇرۇر مەھەللىرىلىردە پرېزىدېنت ھادى تەرەپدارى خەلق قارشىلىق كۈچلىرى بىلەن ھۇسىي قۇراللىقلىرى ئارىسىدا قاتتىق توقۇنۇش يۈز بەردى، تائىزنىڭ شىمالىدىكى ئەس سىتتىن كوچىسىدا پارتلاش يۈز بەردى. يەرلىك دائىرلەر، İbb ۋىلايىتىدە ھۇسىيلەرگە زور مىقداردا ياردەمچى قۇشۇن كەلگەنلىكى، ھۇسىي قۇراللىقلىرىنىڭ، زۇنۇج تېغى بىلەن ئەربائىن كوچىسىدىكى خەلق قارشىلىق قىسىملىرىنىڭ كونتروللىقىدىكى ئورۇنلارنى تارتىۋېلىش ئۈچۈن رايۇنغا كىرىشكە ئۇرۇنغانلىقىنى بىلدۈردى. يەمەندە 12-مايدىن باشلاپ 5 كۈنلۈك ئۇرۇش توختىتىش ئېلان قىلىنغان بولۇپ، ئۇزۇن ئۆتمەستىن دالى، تائىز ۋە جەۋف ۋىلايەتلىرىدە ئۇرۇش توختىتىش كېلىشىمى بۇزۇلغان. ئامېرىكا تاشقى ئىشلار مىنىستىرى جون كېررىي ۋە سەئۇدى ئەرەبىستان تاشقى ئىشلار مىنىستىرى ئادىل جۇبەيىر، يەمەندە ئىنسانىي ياردەم يەتكۈزۈش ئۈچۈن 12-مايدىن باشلاپ 5 كۈنلۈك ئۇرۇش توختىتىش ئېلان قىلىنغانلىقىنى جاكارلىغان ئىدى.