ئەنگلىيە « كۈندىلىك پوچتا گېزىتى »نىڭ 18-يانۋارىدىكى خەۋىرىگە قارىغاندا، يېقىندا فىرانسىيە ژۇرنىلى « بىزنىڭ ئاياللىرىمىز »ژۇرنىلى مەلۇم ئالاقە تورىغا فىرانسىيەلىك بىر ئانىنىڭ بوۋىقىنى بىر مىنۇتتا ئۇخلاتقان ۋىدېيوسىنى چىقارغان. بۇ ئۇسۇل نۇرغۇن يېڭىدىن ئاتا-ئانا بولغۇچىلارنىڭ قارشى ئېلىشىغا ئېرىشكەن. ۋىدېيودا فىرانسىيەلىك بۇ ئانا مۇلايىملىق بىلەن بوۋاقنىڭ بېشىنى ئۇۋىلاپ يۈزىنى سىلىغان، نەتىجىدە بوۋاق بىر مىنۇتقا يەتمىگەن ۋاقىتنىڭ ئىچىدە ئۇيقۇغا غەرق بولغان. بۇ ۋىدېيونىڭ كۆرۈلۈش سانى 3 مىليوندىن ئاشقان. شۇنىڭ بىلەن بىرگە، يەنە بىر بوۋاقلارنى تىنىچلاندۇرىدىغان ۋىدېيومۇ كىشىلەرنىڭ دىققىتىنى قوزغىغان بولۇپ، مۇتەخەسسىس روبېرىت بىر قولىدا بوۋاقنىڭ ئىككى قولىنى مەيدىسى ئالدىدا جۈپلەشتۈرۈپ، يەنە بىر قولىدا بوۋاقنى تىرەپ 45 گىرادۇس سىڭايان قىلىپ، ئاستا تەۋرەتكەن، يىغلاۋاتقان بوۋاق تىنىچلانغان. نۇرغۇنلىغان ئاتا -ئانىلار بۇ ئۇسۇلنى قوللىنىپ كۆرگەندىن كېيىن « ئالاھىدە ئۈنۈمگە ئىگە ئىكەن » دەپ باھا بەرگەن.