چەت ئەل تاراتقۇلىرىنىڭ خەۋىرىگە قارىغاندا، دۇبەيدىكى بىر ئۆي زىننەتلەش شىركىتى يېقىندا 3D كۆرۈنۈشلۈك ھاجەتخانا پولنى بازارغا سالغان بولۇپ، بۇ پول ھاجەتخانىنى «دېڭىز–ئوكيان» غا ئايلاندۇرىدىكەن.
ئىگىلىنىشىچە، بۇ خىل پولنىڭ يۈزى سىرلانغان بولۇپ، مۇستەھكەم ياتقۇزۇلسا ئۇزاق يىلغىچە ئىشلەتكىلى بولىدىكەن، سىرى، شەكلى ۋە سىلىقلىقىدا ھېچقانداق ئۆزگىرىش بولمايدىكەن. بۇ پول مۇھىت ئاسراش مەھسۇلاتى بولۇپ، ھاجەتخانىغا يېيىتىلسا ھاجەتخانا دېڭىز–ئوكيان دۇنياسىغا ئوخشاپ قالىدىكەن، پول سۈرەتلىرى خېرىدارنىڭ تەلىپى بويىچە ئورۇنلاشتۇرۇلىدىكەن، ئاشخانا ۋە مېھمانخانا ئۆيلىرىگىمۇ يېيىتقىلى بولىدىكەن.