سىنا تورى خەۋىرى، لەگلەك تورى تەرجىمىسى: بۇ يىلقى «1-ماي» 126-قېتىملىق خەلقئارا ئەمگەكچىلەر بايرىمى.شۇ كۈنى، جاھاندىكى كۆپلىگەن جايلاردا كەڭ كۆلەملىك نامايىش يۈز بەردى.بۇ نامايىشچىلار شۇ جاي ئىشچىلار ئۇيۇشمىسى ۋە پائالىيەتچىلەرنىڭ تەشكىللىشى ئاسىتىدا، « كاپىتالىزمغا زەربە بېرىش » نامىدا ھەر قايسى دۆلەتتىكى ساقچىلار بىلەن توقۇنۇشۇپ قالغان.

«كۈندىلىك پوچتا گېزىتى»نىڭ خەۋىرىگە ئاساسلانغاندا، ئىتالىيە، گىرېتسىيە، كورېيە، مالايسىيا،فىلىپپىن قاتارلىق دۆلەتلەرنىڭ پايتەختىدە كەڭ كۆلەملىك توپلىشىپ كۈچ كۆرسىتىش نامايىش دولقۇنى كۆرۈلگەن بۇلۇپ، بۇ نامايىشچىلار ھۆكۈمەتنىڭ قىسقارتىش سىياسىتىگە، ئادىل بولمىغان ئەمگەك ئىسلاھاتى ۋە يۇقىرى سوممىلىق باج قاتارلىقلارغا ئېتىراز بىلدۈرگەن.

مىلان دۇنيا يەرمەنكىسى ئېچىلىش مۇراسىمى بىرىنچى كۈنىدە 30 مىڭغا يېقىن ئادەم قاتناشقان كەڭ كۆلەملىك نامايىش ئېغىر قوزغىلاڭغا ئۆزگىرىپ كەتكەن.نامايىشچىلار كوچا بويىدىكى ماگىزىنلارنىڭ دىرىزىلىرىنى چاققان، ئاپتوموبىللارنى كۆيدۈرگەن ھەمدە ساقچىلار بىلەن توقۇنۇشۇپ قالغان. شۇنىڭ بىلەن بۇ دۇنياۋى شەھەر ئۇرۇش مەيدانىغا ئايلىنىپ قالغان.نۆۋەتتە 10 ئادەم قولغا ئېلىنغان.

نامايىشچىلارنىڭ قارشىچە، ئىتالىيە ئىقتىسادى كاساتلاشقان ئەھۋال ئاستىدا دۇنيا يەرمەنكىسى ئۆتكۈزۈشى ھەشەمەتچىلىك ۋە ئىسراپچىلىق ھەركىتى. شۇنىڭ بىلەن بىر ۋاقىتتا بۇرۇن ئاشكارلانغان دۇنيا يەرمەنكىسى تەييارلىق جەريانىدىكى چىرىكلىك ھەرىكىتى كىشىلەرنىڭ گۇمانىنى قوزغاپ قويغان.

تۈركىيە 6-ئاينىڭ 7-كۈنى پارلامېنت چوڭ سايلامنى كۈتۈۋالىدۇ. پىرېزىدېنت ئەردوغان رەھبەرلىك قىلغان پارتىيە ئۈچتىن ئىككى قىسىم ئورۇنغا ئىرىشىشتىن ئۈمىد بار بولغاچقا پىرېزىدېنتنىڭ ھوقۇقىغا تايىنىپ ئاساسىي قانۇنغا تۈزىتىش كىرگۈزۈشنى ئاشۇرۇشنى رېئاللىققا ئاشۇرغان.بۇنىڭدىن بۇرۇن، ئەردوغان يەنە تور باشقۇرۇشنى يەنىمۇ كۈچەيتىش بۇيرۇقىنى چۈشۈرگەن.مۇشۇ ئارقا كۆرۈنۈش ئاستىدا تۈركىيەدە شۇ كۈنى كەڭ كۆلەملىك توپلىشىپ نامايىش قىلىش كۆرۈلگەن. نەچچە ئون مىڭ كىشى ئىستانبۇلغا يىغىلىپ يىغىن چاقىرغان ۋە ساقچىلار بىلەن ئېغىر تۇقۇنۇشۇپ قالغان.تۈركىيە ساقچىلىرىنىڭ دېيىشچە، 140 دىن ئارتۇق ئادەم قولغا ئېلىنغان.نامايىشچىلار مۇنۇلارنى بىلدۈردى: قولغا ئېلىنغۇچىلار ئېلان قىلىنغان مەلۇماتنىڭ قوش ھەسسىگە باراۋەر كېلىشى مومكىن.ئىستانبۇل شەھەر باشلىقى مۇنۇلارنى بىلدۈردى: 6 نەپەر ساقچى ئەمەلدارى ۋە 18 نەپەر نامايىشچى توقۇنۇشتا يارلاندى.نۆۋەتتە ساقچىلار تاكسىم مەيدانىغا بارىدىغان بارلىق قاتناش ئەسلىھەلىرىنى قامال قىلغان.چوڭ سايلامنىڭ يېتىپ كېلىشىگە ئەگىشىپ، تۈركىيە خەلقى ۋە ھۆكۈمەتنىڭ تۇقۇنۇشى تېخىمۇ كۈچەيمەكتە.