جاۋ چۈنخۇانىڭ 16 - ئىيۇل ئۆتكۈزۈلگەن ئۈرۈمچى شەھىرىنىڭ رېلىس قاتنىشىنى ئاممىغا ئېچىۋېتىش كۈنىدىن ئىگىلىشىچە، ھازىر مېترو 1 - لىنىيەسىنىڭ تۈرلۈك خىزمەتلىرى مۇقىم، تەرتىپلىك ئىشلىنىۋېتىپتۇ. بۇنىڭ ئىچىدە، شەھەر شىمالىي بۆلىكىنىڭ قۇرۇلۇش سۈرئىتى تېز بولۇپ، تۆمۈر يول ئىدارىسى بېكىتىدىن تەنتەربىيە مەركىزى بېكىتىگىچە بولغان ئارىلىق قوش لىنىيە بويىچە تۇتاشتۇرۇلغان، سۇساي بېكىتى، جۇڭيىڭگوڭ بېكىتى، كىچىك ساي بېكىتى قاتارلىق بېكەتلەرنىڭ ئاساسىي گەۋدىسى بۇ يىل تاماملىنىدىكەن، تۆمۈر يول ئىدارىسى بېكىتى مېتروغا ئالمىشىدىغان بېكەت بولىدىكەن؛ شەھەر جەنۇبىي بۆلىكىدە ئۈچتاش بېكىتىنىڭ ئاساسىي گەۋدىسى پۈتۈپ بولغاندىن باشقا، بېكەت، يەر ئاستى رايون ئارا بېكىتى قاتارلىقلارنىڭ قۇرۇلۇشى پىلان بويىچە پۇختا قىلىنىۋېتىپتۇ.
ئىگىلىنىشىچە، مېترو 1 - لىنىيەسىدىكى 65 ئىش نۇقتىسىنىڭ 42ىسىدە ئىش باشلانغان بولۇپ، پۈتۈن لىنىيەدىكى 65 ئىش نۇقتىسىنىڭ %65 ىنى ئىگىلەيدىكەن. تەشمىنىڭ دەسلەپكى تارمىقىدىن 6.5 كىلومېتىر تاماملانغان (يەككە يول، يەككە لىنىيە). ھازىرغا قەدەر بۇ تۈرگە جەمئىي 2 مىليارد 71 مىليون يۈەن مەبلەغ سېلىنغان.
بۈگۈن مەن رېلىس قاتنىشى 1 - لىنىيەسىدىكى سۇساي بېكىتىدە، چوڭقۇرلۇقى 17 مېتىر، كەڭلىكى 21 مېتىر، ئۇزۇنلىقى 228 مېتىر كېلىدىغان تەگلىكتە بېتون قويۇلۇپ بولۇنغانلىقىنى كۆردۈم. 2 - بۆلەكنىڭ تاش تورۇس قۇرۇلۇشى تاماملانغان بولۇپ، قېلىپ قۇيۇش، پولات چىۋىق باغلاش قاتارلىق ئىش تەرتىپلىرى ئاياغلاشقاندىن كېيىن، بېتون قۇيۇشقا چۈشىدىكەن.
مېترو 1 - لىنىيەسىنىڭ ئومۇمىي مۇساپىسى 27.6 كىلومېتىر بولۇپ، پۈتۈن لىنىيەدە جەمئىي 21 بېكەت (يەتتە ئالمىشىدىغان بېكەتنى ئۆز ئىچىگە ئالىدۇ) تەسىس قىلىنغان. شەھەر شىمالىي بۆلىكىدە 14 بېكەت، شەھەر جەنۇبىي بۆلىكىدە يەتتە بېكەت بولۇپ، بېكەت ئارىلىقى ئوتتۇرا ھېساب بىلەن 1.3 كىلومېتىر كېلىدۇ، يەككە مۇساپىنى تاماملاشقان 40 مىنۇت ئەتراپىدا ۋاقىت كېتىدۇ.
قۇرۇلۇش پىلانى بويىچە، مېترو 1 - لىنىيەسى 2018 - يىلى 6 - ئايدا پۈتۈپ، شۇ يىلى 12 - ئايدا پۈتۈن لىنىيە بويىچە رېلىس تۇتاشتۇرۇلىدىكەن، 2019 - يىلى 9 - ئايدا سىستېمىنى تۇتاشتۇرۇش ۋە يەككە سىستېمىنى سىناق قىلىش تاماملىنىدىكەن، 12 - ئايدا پۈتۈن لىنىيەدە سىناق تەرىقىسىدە قاتناش باشلىنىدىكەن.