دوۋجىنىس سودا ئاخباراتىنىڭ خەۋەر قىلىشىچە، ئامېرىكا مالىيە مىنىستىرلىكى پەيشەنبە كۈنى 11-ئايلىق ئامېرىكىنىڭ خامچوت قىزىل رەقىمىنىڭ ئاشقانلىقىنى ئېيتقان، سەۋەبى بولسا ھۆكۈمەت چىقىمىنىڭ ئېشىش سۈرئىتى كىرىمنىڭ ئېشىش سۈرئىتىدىن ئېشىپ كەتكەن.

دوكىلاتتا كۆرسىتىلىشىچە، 11-ئايغىچە بولغان 12 ئاي ئىچىدە ئامېرىكا فېدېراتسىيە ھۆكۈمىتىنىڭ خامچوت قىزىل رەقىمى 461 مىلىيارد دوللار بولۇپ، گ د پ ئومۇمى قىممىتىنىڭ تەخمىنەن %2.6 نى ئىگەللىگەن، بۇ سان ئالدىنقى يىلدىكى ئوخشاش مەزگىلدىكى 436 مىلىيارد دوللاردىن يۇقىرى، ئەينى ۋاقىتتىكى خامچوت قىزىل رەقىمى گ د پ ئومۇمى قىممىتىدە %2.5 نى ئىگەللىگەن. بۇ يىل ئامېرىكا فېدېراتسىيە ھۆكۈمىتىنىڭ خامچوت قىزىل رەقىمى 2008-يىلىدىن بۇيانقى ئەڭ تۆۋەن سەۋىيەگە چۈشتى، ئەمما 11-ئايلىق قىزىل رەقەم بۇ يىلدىن بۇيانقى ئىككىنچى قېتىملىق ئالدىنقى يىلدىكى ئوخشاش مەزگىلدىكىدىن يۇقىرى بولدى.

     بۇ ئەڭ يېڭى دوكىلاتتا كۆرسىتىلىشىچە، 11-ئايلىق ئامېرىكا ھۆكۈمىتىنىڭ كىرىمىنىڭ ئېشىشىدا ئەڭ يېقىنقى بىر قانچە ئايدا تەڭلىشىش ھالىتى پەيدا بولغان. 11-ئايغىچە بولغان 12 ئاي ئىچىدە، ھۆكۈمەت كىرىمى %7.1 ئېشىپ، ئۈچ يىلدىن بۇيانقى ئەڭ كىچىك ئېشىشقا يېقىنلاشقان.

    شۇنىڭ بىلەن ئوخشاش بىر ۋاقىتتا، ئوخشاش مەزگىلدىكى ھۆكۈمەت چىقىمى %6.9 ئېشىپ، 2010-يىلىنىڭ دەسلىپىدىن بۇيانقى ئەڭ يۇقىرى ئېشىشنى ياراتقان، ئەينى ۋاقىتتا فېدېراتسىيە ھۆكۈمەت پۇل-مۇئامىلە كىرزىسىدىن كېيىنكى ئىقتىسادى قوزغىتىش بىلەن ئۇچرىشىشنى تاماملىغان.

    ئەڭ يېقىندىكى بىر قانچە ئايدىن بۇيان، ھۆكۈمەت چىقىمىنىڭ ئېشىشىنىڭ مۇھىم ئىتتىرىش كۈچى ئىزچىل داۋالىنىش سۇغۇرتىسى ۋە ئىجتىمائىي كاپالەت قاتارلىق پىلان بولدى.

11-ئايلىق ئامېرىكا فېدېراتسىيە ھۆكۈمىنىڭ خامچوت قىزىل رەقىمى 65 مىلىيارد دوللار. ئالدىنقى ئەسىرنىڭ 50-يىللىرىدىن بۇيان، ھەريىلى 11-ئايدا قىزىل رەقەم كۆرۈلگەندەك قىلىدۇ. ئالاھىدە بەلگىلەنگەن ۋاقىت تەڭشەلگەندىن كېيىن، بۇ قىزىل رەقەم ئالدىنقى يىلدىكى ئوخشاش مەزگىلدىكىدىن %28 ئەتىراپىدا ئاشتى.