چەت ئەل تاراتقۇلىرىنىڭ خەۋىرىگە قارىغاندا، ئەگەر كىمكى ئايرودۇرۇم تىجارىتىگە قىزىقسا، ئىسپانىيەدىكى كيۇداد ئايرودۇرۇمىنى ئويلىشىپ باقسا بولىدىكەن، چۈنكى بۇ ئايرودۇرۇم نۆۋەتتە يېسىۋىلەك باھاسىدا، يەنى 1 فوندستېرلىڭغا سېتىلىدىكەن.
ئىگىلىنىشىچە، ئىسپانىيەنىڭ بۇ ئايرودۇرۇمى 2009- يىلى 100 مىليون ياۋرو مەبلەغ سېلىنىپ ياسالغان بولۇپ، ئەينى چاغدا ئىسپانىيەدە ئىقتىسادىي كىرىزىس يۈز بەرگەن، شۇڭا بۇ ئايرودۇرۇمغا « ئىنتايىن قىممەت ھەم كېرەككە كەلمەس » دەپ باھا بېرىلگەن. ئانا شىركەتنىڭ ئىقتىسادىدا قىيىنچىلىق كۆرۈلۇشكە ئەگىشىپ، بۇ ئايرودۇرۇممۇ ئۈچ يىلدىن كېيىن تاقىلىپ قالغان.
يەرلىك سوت ئەمەلدارى بۇ ئايرودۇرۇمنى 100 مىليون ياۋروغا سېتىشقا ھۆكۈم چىقارغان. لېكىن ئايرودۇرۇمنى سېتىۋېلىش ئۈچۈن بىرەسى كەلمىگەن. نۆۋەتتە، بۇ ئايرودۇرۇمنىڭ سېتىلىش باھاسىغا چەك قويۇلمىغان بولۇپ، سېتىۋالغۇچىلار ھەتتا 1 فوندستېرلىڭ خەجلەپ بۇ ئايرودۇرۇمنى سېتىۋالسا بولىدىكەن.
گەرچە باھاسى شۇنداق تۆۋەن بولسىمۇ، ئايرودۇرۇمنى سېتىۋالغان خېرىدار ئايرودۇرۇمنىڭ نەچچە مىليون فوندستېرلىڭ قەرزىنى تۆلىشى كېرەككەن. بۇنىڭدىن قارىغاندا، بۇ سودىمۇ ئاسانغا چۈشمىگۈدەك.
بۇ ئايرودۇرۇمنىڭ ئىگىلىگەن يەر كۆلىمى 28 مىڭ كىۋادرات ئىنگلىز مىلى بولۇپ، 5 مىليون يولۇچى سىغىدىكەن.
لەگلەك تور- تېخنىكا گۇرپپىسى : نەشىر ھوقۇقى لەگلەك تورىغا مەنسۇپ
ئېلان ھەمكارلىق تېلفۇنى : 18699111370 , 8555159-0991
Copyright ©2013-2015 by www.leglek.com all rights reserved