版权声明：转载时请以超链接形式标明文章原始出处和作者信息及本声明
http://www.blogbus.com/kukyal-logs/95751158.html

كىشمىش(سايىكە) ئۈزۈمنىڭ ئۇيغۇر تېبابىتىدە ئىشلىتىلىشى

خېمىيەلىك تەركىبى: بۇنىڭدا گلۇكوزا، مېۋە قەنتى، ئاز مىقداردا قۇمۇش شېكىرى،ياغاچ شېكىرى،تارتىرات كىسلاتاسى،چۆپ كىسلاتاسى،لىمون كىسلاتاسى،ئالما كىسلاتاسى ۋە ۋېتامىن قاتارلىقلار بار.

دورىلىق تەسىرى: ئۈزۈمىنىڭ تەركىبىدە ئادەتتە ۋېتامىن پ نىڭ تەسىرى بار .

تەبىئىتى: بىرىنچى دەرىجىدە قۇرۇق سۇغۇق.

خۇسۇسىيىتى: غەيرىي تەبىئىي سەپرا خىلىتىنى سۈرۈش، كۆڭۈلنى خۇش قىلىش، يۈرەكنى قۇۋۋەتلەش، بۇزۇق ماددىلارنى تارقىتىش، ئۈچەينى يۇمشىتىش، كۆكرەكنى بوشىتىش، باھنى قۇۋۋەتلەش.

ئىشلىتىدىغان كېسەللىكلەر: خەفەقان، يۈرەك قوزغىلىش، يۈرەك ئاجىزلىق،يۆتەل، ئاۋاز پۈتۈپ قېلىش، باھ ئاجىزلىقى، زىيادە ئۇرۇقلۇق، كۆكرەك چىڭلىقى، قەۋزىيەت قاتارلىقلارغا ئىشلىتىلىدۇ.

ئىشلىتىش ئۇسۇلى:

1. 12 گرام كىشمىشنى كېچىسى قىزىلگۈل ئەرقى بىلەن دۈملەپ قويۇپ ، ئەتىگىنى مەزكۇر كىشمىشنى يەپ، ئۈستىدىن قىزىلگۈل ئەرقىنى ئىچىپ بەرسە ، خەفەقان ۋە يۈرەك ئاجىزلىقىغا شىپا بولىدۇ.

2. كىشمىشقا زەپەر بىلەن تۇخۇمنىڭ سېرىقىنى قۇشۇپ ، يانچىپ ، قاتتىق ئىششىققا سۈركىسە ئىششىق ياندۇرىدۇ.

3. كىشمىشنى سەبرى بىلەن قوشۇپ بۇغۇملارغا سۈركىسە ئاغرىق پەسەيتىدۇ.

4. كىشمىشنى مۇۋاپىق مىقداردا يەپ بەرسە ياكى چىلاپ سۈيىنى ئىچىپ بەرسە ، كۆكرەكنى بوشىتىپ، يۆتەل توختىتىدۇ. ئاۋازنى ساپلاشتۇرىدۇ.

5. شەربىتى زەبىب، شەربىتى رەيھان قاتارلىقلارنى تەييارلاپ ئىچىپ بەرسە بەدەننى قىزىتىدۇ، قان كۆپەيتىدۇ.

ئىشلىتىش مىقدارى: 7-12گرامغىچە.

دىققەت قىلىدىغان ئىشلار: سۇغۇقچان كىشىلەرگە زىيان قىلىدۇ. تۈزەتكۈچىسى – پىننە، بەدىيان.

ئورۇنباسارى: مۇناقى ئۈزۈم.

پىششىق دورا ياسالمىسى: شەربىتى زەبىب، شەربىتى رەيھان