ئەسسالامۇ ئەلەيكۇم،ئەزىز قېرىنداشلار!
سۇرەتكە،چۇشۇش،رەسىم تارتىش مەسىلىسىسى،دىنىمىزدىكى نازۇك مەسىللىەرنىڭ بىرىدۇر،ئەلۋەتتە،بۇ مەسىلىگە نىسەبەتەن،پەيغەمبىرىمىزدىن بىزگىچە جانلىقلارنىڭ رەسىمىنى سىزماسلىق مەزمۇنىدىكى سەھىھ ھەدىسلەرنىڭ يىتىپ كەلگەنلىكى بىر ھەقىققەتتۇر.تورداشلارنىڭ ئېيتقىنىدەك،پەيغەمبىرىمىز ۋە خەلەف شۇنداقلا سەلەف ئۆلىمالىرىمىز دەۋرىدە،بۇ مەسىلە مۋجۇت بولمىغانلىقتىن،بۇ مەسىلىگە نىسبەتەن پەتىۋا بىرىش مەسىلىسىمۇ مەۋجۇت بولمىغانلىقىمۇ بىر ھەقىققەتتۇر.زامانىمىزدىكى ئۆلىمالارنىڭ بۇ مەسىلىگە نىسبەتەن رۇخسەت قىلىشى،سۇكۇتتە تۇرىشى ۋە قارشى تۇرىشىمۇ ئوخشاشلا رىئاللىقتۇر. بۇ مەسىلىگە نىسبەتەن رۇخسەت قېلىشمۇ،سۇكۇتتە تۇرۇشمۇ ۋە قارشى تۇرۇشمۇ ئوخشاشلا،ئىجمائ ۋە قىياس ئاساسىدا چىقىرلغاندۇر،شەرىئەتنىڭ بىرىنچى ئاساسىي بولغان مۇبارەك قۇرئان كەرىمدە رەسىمگە چۇشۇش ۋە ۋىدىئو قىلىش مەسىلىگە نىسبەتەن جاۋاپ يوقتۇر،شەرىئەتنىڭ ئىككىنچى ئاساسىي بولغان ھەدىستە،مۇشۇ مەسىلىگە مۇناسىۋەتلىك ،رەسىم سىزىشنى چەكلەش توغرىسىدا ھەدىس باردۇر.بۇ مەسىلىنىڭ پەتىۋاسى،شەرىئەتنىڭ ئۈچىنچى ۋە تۇتنىچى ئاساسىي بولغان ئىجمائ ۋە قىياس ئاساسىدا بىرىلگەندۇر.توغرا يولدا ۋە ھەقلىق رەۋىشتە رەسىم تارتىش ۋە ۋىدىئو قىلىش قۇرئان كەرىم ۋە ھەدىسنىڭ ھېچقانداق يىرىدە چەكلەنگەن ئەمەستۇر!!! شۇنڭدەك توردىكى قىسمەن قېرىنداشلارنىڭ دىگىنىدەك،نامەھرەم،زىنا،ئەۋرەتنىڭ ئېچىلىشىمۇ رەسىم تارتىش ۋە ۋىدىئو قىلىش ئىشى بىلەن بىردىنبىر مۇناسىۋەتلىك سەۋەپ ئەمەستۇر.رەسىمگە چۇشۇش ۋە ۋىدىئو قىلىشنى ھارام (ئەمەلىيەتتە،ھارام قۇرئاندىكى ساناقلىق ئىشلاردۇر)دەپ قارىغان زىيادە ئىھتىياتچان قېرىنداشلىرىمىزغا ئاللاھدىن،تەقۋادارلىقىغا مۇناسىپ ساۋاپلار بىرىشىنى ئۈمىد قىلىمىز. لىكىن ئۇلارنىڭ  بۇ قارىشىنى پۇتۇن ئۈممەتكە تېڭىشىنى راۋا كۇرمەيمىز. مەن سۇئالغا جاۋاپ بەرگۇچى قېرىندىشىمىزنىڭ جاۋابىنى تەپسىلىي قايتا قايتا ئۇقۇدۇم،بۇ قېرىندىشىمىزنىڭ تەقۋالىقىدىن سۇيۇندۇم،شۇنداقلا بەزى قۇرلاردىن چوڭقۇر ئويغا چۇمدۇم،ئەلۋەتتە،جاۋاپتا،مۇبارەك ھەرەمدىكى بىر مەسچىتىنىڭ ئىمامنىڭ جاۋابى نەقىل ئېلىنپىتۇ.مەسچىت ئىمامىمۇ بۇ ئىشلارنىڭ چەكلەنگەن،ناچار ئىشلىقنى تىلغا ئېلىپتۇ،بىراق،شەرىئەت نامىدىن ھارام قالپىقىنى كەيگۇزمەپتۇ.ئەلۋەتتە،بىزمۇ،چېكىدىن ئاشقان سۇرەت ۋە ۋىدىئو ھادىسىنى چەكلەنگەن ۋە ناچار ئىشلار قاتارىدىن سانايمىز.
بىراق،جاۋاپ بەرگۇچىنىڭ،سۇئالغا نىسبەتەن،رەسىم ۋە ۋىدىئو قىلىشنىڭ مەقسىتى توغرىسىدا،رەسىمگە تارتىلغان ئايالنى باشقىلارغا سۇپەتلەپ برىش،رەسىمگە چۇشمەكچى بولغان ئاياللارنىڭ يېرىم-يالىڭاچ سۇرۇنغا بېرىشى دەپ ئادىل بولمىغان بايانلارنى بىرىپتۇ.مىنىڭچە،بۇنىڭ مەقىسىتى نىمە بۇلۇشىدىن قەتئىنەزەر،ئىسلام ئادىللىقغا ۋە ئەخلاقىغا ياتتۇر.بۇ ھەتتە،شەيخ مۇھەممەد سالىھ ئۇسەيمىن رەھىمەھۇللاھمۇ ناھايىتى ئىھتىياتچانلىق بىلەن،بىزنىڭ ئاڭلىشىمىزچە،بەزى...دىگەندەك سۇزلەرنى قېتىپ قۇيۇشنى ئۇنتۇپ قالمىغان. ئاللاھ بىزنى ئادىل بۇلۇشقا بۇيرۇغان.ئىنشائاللاھ،سۇئال سورىغۇچى قېرىندىشىمنىڭ ئىمانلىق مۇسۇلمان كىشى ئىكەنلىككگە ئىشىنىمەن،بولمىسا بۇ سۇئالنى سىزدىن ۋە بىزدىن سورىماي،باشقىلاردىن سورىغان بۇلاتتى.شۇنىڭ ئۇچۇن،بىرىلگەن،جاۋاپ،مۇسۇلماننىڭ مۇسۇلمانغا بەرگەن جاۋابى بۇلۇشى كىرەك،قانداقتۇر،قېرىندىشىمىزنىڭ رەسىمگە چۇشۇش مۇشكىلاتنى ئاياللانىڭ يالىڭاچ سۇرۇنىغا تاقاش جاۋاپ بەرگۇچىنىڭ ئەخلاقىدىن ئەمەس!
خۇلاسە قىلغاندا،رەسىمگە چۇشۇش ۋە ۋىدىئو قىلىش،ئىسلام جامائىتىگە ۋە مۇسۇلمانلار تۇرمۇشىغا پايدىلىق بولسا(مەسلەن،خەۋەر،ئۇغۇرلۇقتىن ساقلىنىش دىگەندەك) ئۇنىڭ ھېچقانداق يامان يىرى يوق.ئەگەر مۆسۇلمان ئەرلەر ۋە ئاياللار زۇرۇر ئىھتىياجقا ئاساسەن رەسىم چۇشۇش ئىھتىياجى تۇغۇلسا،ئۇ دۇرۇس ئىشلار قاتارىدىن.ھەقىقەتەن،رەسىمگە چۇشۇشنى ۋە ۋىدىئو قىلىشنى شەھۋانىيلىقنىڭ،جامائەتكە تارقىتىشىنىڭ ۋاستىسىغا ئايلاندۇرۋالغان بولسا-ئۇ ئىش ھارام ۋە گۇناھ قاتارىدىكى ئىشتۇر.(ئىنكاس،ئىشخانىدا يېزىلغاچقا،خاتا نەقىل ئېلىشتىن ساقلىنىش مەقسىتدە،مۇناسىۋەتلىك بايانلار نەقىل ئېلىنمىدى)
ئاخىرىدا،ئاللاھنىڭ ھەممەيلەننى توغرا يولدا قىلىشىنى ئۈمىد قىلىمەن.