نىكاھ ئوقۇلۇپ،بىر ئۆينىڭ بوسۇغىسىدىن ئاتلىغان قىز ئاياللىقىنىڭ چەكسىز باياۋانغان قەدەم باسقان بولىدۇ.بۇ باياۋندا ئۇ ئۆزىنىڭ ئاچ-ئۇسىسۇز قېلىشلىرىغا،ھېرىپ-چارچاشلىرىغا قارىماي ئائىلە ئاتالمىش ئېغىر يۈك بېسىلىغان ھارۋىنى سۆرىشى كېرەك.بۇ جەرياندا ئۇ تالاي بوران-چاپقۇنلارغا دۇچ كېلىدۇ،تالاي تىكەن-چاتقاللىقلاردىن ئۆتىدۇ،تالاي تەمتىرەشلەرنى باشتىن كەچۈرىدۇ.مانا شۇلارنى ئاقىللىق،چىدامچانلىق،چېچەنلىك بىلەن يېڭىلىپ ئۆتەلىگەن ئايالنى خۇشناۋا ئاۋازلار ياڭراپ تۇرغان ئېرەم باغلار كۈتۈپ تۇرغان بولىدۇ،ئۇ بۇ چەكسىز ھۆرمەت تەختىگە ئولتۇرۇپ،ئۆزىنىڭ تارتقان جاپالىرىنىڭ مېغىزنى چاقىدۇ.شۇنىڭ ئۈچۈن،ھەر قاندقا ئايال ھاياتلىق سەپىرىدىكى ئائىلىدىن ئىبارەت يۈك ھارۋىسىنى سۆرەشنى جاپا دەپ قارىمايدۇ.نامراتلىقتا قالغاندىمۇ،ئازاب-ئوقۇبەتلەر چاڭگال سالغاندىمۇ،ھەر قانچە راھەت-پاراغەتلەر چىراي ئاچقاندىمۇ،مال-دۇنياغا كۆمۈلۈپ كەتكەندىمۇ يەنە ئۇنىڭىدىن ۋاز كەچمەيدۇ.مۇشۇ سەۋەبلىك بولسا كېرەك،مەشھۇر ئالىم رىزائۇددىن ئىبنى پەخرۇددىن ھەممە گەپنى يىغىنچاقلاپ(ئايال-ئائىلىدۇر)دېگەنىدى.دېمەك،ئائىلىنى ئائىلە قىلىپ تۇرىدىغىنى ئايالدۇر.ئەگەر ھەر قانداق ئائىلىدە ئايال بۇ ھارۋىنى سۆرەشتىن ئۆزىنى تارتىپ بەل قويۇۋەتسە،ئەر زاتى مەيلى قانچىلىك كۈچەپ باقسىمۇ،ئائىلە ئاتالمىش بۇ ھارۋىنى بىر قەدەممۇ سلجىتالمايدۇ،ئەكسىچە ئۇنى ئاستا-ئاستا پاتقاققا پاتۇرۇپ قويىدۇ. مەن ئىز تورىغا بەك ئامراق
ھەقىقەتەن،بىر ئۆي ئايال زاتسىز ئائىلىگە ئايلىنالمايدۇ.چۈنكى، ئائىلە ئەڭ ئاددىي سۆش ىبلەن ئېيىتقاندا،ئىسىسىق تاماق،ئىللىق مېھى،يېقىملىق كۈلكە، پاكىز مۇھىت، ئۆزئارا يۆلەش،كۆڭۈللۈك پاراڭ...قاتارلىقلار بىلەن مەنىسىگە تويۇنغان بولىدۇ،ئەمما،بۇلارنىڭ ئايالسىز بارلىققا كېلىشى مۇمكىن ئەمەس،خۇددى رىزائۇددىن ئىبن پەخرۇددىن ئېيتقاندەك؛(ئايالىنىڭ ئىدارە قىلىشىدا بولمىغان بىر ئۆيدە تورغۇچىلار ئائىلە سانالمايدۇ.) تەتقىقاتلارغا ئاساسلانغاندا،ئائىلىدىكى ئايال قىلىشىقا تېگىشىلىك ئىشنى ئەگەر ئەر كىشى زىممىسىگە ئالسا،ئۇنىڭ ھۆددىسىدىن چىقالمايدىكەن.ئەمما،ئايال دادلانمايدۇ،دادىلىشىشىنى ئۆزىگە خوپ كۆرمەيدۇ،ئائىلە ئۈچۈن ھەر قانداق جاپا مۇشاقەتكە بەرداشلىق بېرىدۇ،ئائىلە يۈكنى ئەردىن كۆپرەك زىممسىگە ئېلىپ،تىنىمسىز ئالغا باسىدۇ،شۇنىڭ ئۈچۈن بىزنىڭ ئۇدۇمىمىزدا ئاتىغان نىسىبەتەن ئايالنىڭ ھەققى كۆپ، ئاتىغان قارىغاندا،ئانىنى مىڭ ھەسسە ئوبدان رازى قىلىش كېرەك. دەپ قارىلىدۇ.ئەمما، ئىسىمى-جىسمىغا لايىق ئايال بولۇش ئۈچۈن تۆۋەندىكى ئون يەتتە خىسلەت ۋە پەزىلەتنىڭ مۇجەسىسەم بولۇشى لازىمللىقىنى تەكتىلەيدۇ.
1.چېچەن ۋە چىن ئېتقادلىق بولۇش،2.شەرم-ھايا ۋە ئار نۇمۇشلۇق بولۇش.3.زېرەك ۋە پاراسەتلىك بولۇش.4.يېقىملىق بولۇش.5.ئۆز ئېرىگە مۇھەببەت قۇيۇش.6.تەبئەتەن جەسۇر بولۇش.7. ئەزىمە بولماسلىق.8. ئىتائەتكارلىق.9.دىلى پاك بولۇش.10 ئېرىنىڭ ئارقسىدىن غەيۋەت قىلىماسلىق.11پاكىزلىققا ئەھمىيەت بىرىش12.ۋەزمىن بولۇش.13جىددىيلىك.14.ئۇلۇغۋار بولۇش.15.ئېرىنىڭ ئېغىر دەملىرىدە ئۇنىڭىغا ھەمراھ بولۇش.16.مېھىرىبان بولۇش.17.سەۋىر تاقەتلىك بولۇش.
ئاياللىقنىڭ ئەڭ قىيامىغا يەتكەن چېغى ئۇنىڭ مېۋە بەرگەن،يەنى ئانا بولغان ۋاقتىدۇر.ھەر قانداق ئايال ئانا بولغاندىن كىيىن ئۆزىدە تېخىمۇ مىھىر-مۇھەببەتنىڭ ئويغانغانلىقىنى ھېس قىلىدۇ،شۇنىڭ ئۈچۈن ،ئانا بولغۇچىنىڭ ئائىلىگە بولغان پىداكارلىقى تېخىمۇ كۈچىيىدۇ.بۇ جەرياندا ھېرىپ-چارچىدىم دېمەيدۇ.بىردەم ئارام ئېلىۋالاي دېمەيدۇ.بۇنداق ھالەت بىر كۈن ئەمەس ،بىر يىل ئەمەس ئۆمۈر بايان قىلىدۇ.شۇنداق،ئايال زاتى ئەنە شۇنداق بىر ئۆمۈر ئىشىلەيدۇ،ئەمما دادلىمايدۇ،بىر ئۆمۈر تەر ئاققۇزىدۇ،ئەمما مىننەت قىلىمايدۇ.ئالەمچە جاپا تارتىپ،زەرچە شاتلىققا ئېرىشىسە،قانائەت قىلىدۇ،بىر ئۆمۈر مېھىنەت قىلىپ،تېرىقچە دان ئالسا،شۈكۈر دەيدۇ،مانا ھۆرمەت قىلىشىقا ھۆرمەتلىنىشىكە لايىق ئىنسان مۇشۇ ئەمەسمۇ؟ تور دۇنياسىدىكى چاقنىغان يۇلتۇز - ئىز تورى!
شۇنداق ( ئائىلە-ئايالدۇر)ئايال بارلىقىمىزدۇر.شۇنىڭ ئۈچۈن،بىز،ئاياللارنى ھۆرمەت قىلىمىز،ئانىلارنى بېغىشىمىزدا كۆتۈرىمىز(ئايال )دېگەن سۆزدىن ھوجۇدىمىزغا ئىللىقلىق تارايدۇ،(ئانا)دېگەن سۆزدىن قەلبىمىز سۇدەك ئېرىيدۇ.ھەر قاچان (ئانىنى شەرەپ گەۋھەرىنىڭ كانى بىل)(نەۋايى)دەپ ياشايمىز ھەم شۇنداق ياشاشنى شەرەپ بىلىمىز.
مەنبە؛شىنجاڭ ياشلىرى
تور دۇنياسىدىكى چاقنىغان يۇلتۇز - ئىز تورى!
