ئىز تورى www.iz.la
ئامېرىكىلىق بىر ئايال چىش سالدۇرۇش ئوپېراتسىيىسى قىلغاندىن كېيىن، ئېنگلىزتىلىنى ياۋروپا تەلەپپۇزىدا سۆزلەيدىغان بولۇپ قالدى. باتلېر بۇ يىل 56 ياشقا كىردى. ئۇ ئامېرىكىنىڭ ئورىگان شىتاتىدا تۇرىدۇ. 2009-يىلى 11-ئايدا ئۇ چىشى ياللۇغلىنىپ قېلىپ، ئۈستۈنكى رەتتىكى بارلىق چىشى ۋە ئاستىنقى رەتنىڭ ئالدىدىكى بىر قانچە چىشىنى تارتقۇزۇۋەتكەندىن كېيىن، يالغان چىش سالدۇرغان. چىش سالدۇرغاندىن كېيىن، باتلېر ئۆزىنىڭ سۆزلىگەندىكى ئاۋازىنى غەلىتىلىك ھېس قىلغان. ئۇ باشتا ئوپىراتسىيەدىن كېيىنكى ئىششىپ قېلىش ئالامەتلىرى بولۇشى مۇمكىن دەپ ئويلىغان. بىر ھەپتىدىن كېيىن ئىششىققۇ يانغان. لېكىن ئۇنىڭ تەلەپپۇزى غەلىتە بولۇپ قالغان، دوختۇر: بۇ يالغان چىش سالغاندىكى قىسقا ۋاقىتلىك ھادىسە ئەنسىرەپ كەتمەڭ دېگەن.
لېكىن بىر قانچە ھەپتە ئۆتۈپ كەتكەن، بۇ غەلىتە ئەھۋال قىلچە ياخشىلانمىغان، باتلېر ئېنگلىزتىلىنى چەت ئەللىكلەردەك سۆزلەيدىغان بولۇپ قالغان، بەزىلەر ئۇنىڭ تەلەپپۇزىنى شىۋېتسارىيەنىڭ تەلەپپۇزى دېسە، يەنە بەزىلەر ئەنگلىيەنىڭ تەلەپپۇزى دېيىشتى. خىزمەتداشلىرىمۇ بۇ ئۆزگىرىشلەرنى ھېس قىلغان، لېكىن ئەدەپ يۈزىسىدىن سورىمىغان، باتلېر تەلەپپۇز دەرىسىگە قاتنىشىۋاتقاندۇ دېسە يەنە بەزىلەر ئۇ يۇرتىغا بېرىپ كەلگەن ئوخشايدۇ دېيىشتى.
www.iz.la
باتلېر بۇ ئىشنىڭ سەۋەبىنى بىلىش ئۈچۈن توردىن ماتېرىيال ئىزدەپ، ئۆزىگە «چەت ئەل تەلەپپۇزى ئۇنىۋېرسال كېسىلى» دەپ دىئاگنوز قويدى. بۇ خىل ئەھۋال تولىمۇ ئاز ئۇچرايدىغان بولۇپ، ماتېرىياللارغا قارىغاندا باتلېردەك بۇ خىل ئەھۋالدىكىلەر ئونغىمۇ يەتمەيدىكەن ھەمدە بۇ خىل كېسەللىككە گىرىپتار بولغانلارنىڭ كۆپىنچىسىنىڭ مېڭىسى زەخمىلەنگەنىكەن. لېكىن باتلېر سەكتىمۇ بولۇپ باقمىغان، باشقا كېسەلمۇ بولۇپ باقمىغان. تەتقىقاتچىلار بۇ كېسەلنىڭ سەۋەبىنى تاپالمىدى. ئورىگان سەھىيە پەنلىرى ئۇنۋېرسىتېتىنىڭ پروفىسورى ھامىر مۇنداق دېدى:بىز باتلېرنىڭ بۇ خىل كېسىلىنىڭ سەۋەبىنى راستىنلا بىلەلمىدۇق، لېكىن شۇنى ئايدىڭلاشتۇرۇشقا بولىدۇكى، بۇ ھەقىقىي مەۋجۈت بولغان كېسەللىك. ئىز تورى www.iz.la
باتلېر تەلەپپۇزىنىڭ ئۆزگىرىپ قالغانلىقىغا پەرۋا قىلىپ كەتمىگەن بولسىمۇ، لېكىن ئۇنىڭ ئائىلىسىدىكىلەر ئۇنىڭ تەلەپپۇزىنى زاڭلىق قىلاتتى. باتلېر تۇرىدىغان بازاردا 3500 ئاھالە بار، ئۇنىڭ بۇ خەۋىرى بىردەمدىلا بازارغا پۇر كەتتى. بۇ يىل ئاپرېلدا يەرلىك تېلېۋىزىيە ئىستانسىسى ئۇنى زىيارەت قىلىشى بىلەنلا ئۇ بىر كېچىدىلا داڭلىق شەخسكە ئايلاندى، ئۇ ھەركۈنى كۆپ ۋاقتىنى ئاخبارات ۋاستىلىرى بىلەن ئۆتكۈزدى، ھەتتاABC يەنى ئامېرىكا رادىيو شىركىتىمۇ ئۇنى زىيارەت قىلدى. ئاخبارات ۋاستىلىرىنىڭ زىيارىتىدىن باشقا، باتلېرنىڭ تۇرمۇشىدا ئانچە چوڭ ئۆزگىرىش يۈز بەرمىدى، ئۇنىڭ قىزى بەزىدە ئۇنىڭغا ئۈنئالغۇغا ئېلىۋالغان ئۆزگىرىشتىن بۇرۇنقى ئاۋازىنى ئاڭلىتىپ ئۇنىڭغا بۇرۇنقى تەلەپپۇزىنى ئەسلىتىدۇ. باتلېر مۇنداق دېدى:گەرچە تەلەپپۇزۇم ئۆزگىرىپ كەتكەن بىلەن مەن يەنىلا بۇرۇنقى باتلېر.
«چەت ئەل تەلەپپۇزى ئۇنىۋېرسال كېسىلى»： كېلىنكىدا ناھايىتى ئاز ئۇچرايدىغان بولۇپ، يۇقىرىدا ئېيتقاندەك سەكتە بولۇشى ياكى مېڭە زەخمىگە ئۇچرىغاندىن كېلىپ چىقىدۇ. بۇ خىل كېسەلگە گىرىپتار بولغانلار باشقىلارنىڭ تەلەپپۇزىنى تەبىئىيلا دورايدۇ. تەتقىقاتچىلار كېسەللىك سەۋەبىنى ھازىرغىچە تېپىپ چىقالمىدى. تىببى ساھە تارىختا 60 كىشى بۇ خىل كېسەلگە گىرىپتار بولغان. بۇ خىل كېسەلگە گىرىپتار بولغان تۇنجى كىشى دەل 2-دۇنيا ئۇرۇشىدىكى نورۋېگىيەلىك بىر ئايال، 2-دۇنيا ئۇرۇشىدا بومبىنىڭ پارچىلىرى بۇ ئايالنىڭ بېشىغا تېگىپ كەتكەچكە، شۇنىڭدىن باشلاپ ئۇ گېرمانىيە تەلەپپۇزىدا سۆزلەيدىغان بولۇپ قالغان.
بۇ مەزمۇن ئىز تورىدىن كۆچۈرۈلگەن
copyright by www.iz.la
