نيۇيورك ساقچى ئىدارىسىدا يارسېل ئىسىملىك بىر ياش ساقچى بار ئىدى . بىر قېتىملىق قوغلاپ تۇتۇش ھەرىكىتىدە جىنايەتچى ئاتقان ئوق ئۇنىڭ سول كۆزى ۋە ئوڭ تىزىغا تەگدى . ئۈچ ئايدىن دوختۇرخانىدىن چىققاندا ئۇ باشقىچىلا بىر ئادەم بولۇپ قالغان ، ئەسلىدىكى كېلىشكەن چىرايىدىن قىلچە ئەسەر قالمىغان ، بىر كۆزى قارىغۇ ھەم توكۇر مېيىپقا ئايلىنىپ قالغان ئىدى ... ئىز تورىدا ئىزلىرىمىز قالسۇن!
شەھەرلىك سقچى ئىدارىسى ۋە باشقا تەشكىلاتلار ئۇنىڭغا نۇرغۇن ئوردېن ۋە لەۋھەلەرنى بەردى . مۇخبىر ئۇنىڭدىن : < بۇندىن كېيىن قانداق قىلماقچى بولۇۋاتىسىز؟ > دەپ سورىغاندا ئۇ : < مەن پەقەت جىنايەتچىنىڭ تېخى تۇتۇلمىغانلىقىنىلا بىلىمەن > دەپ جاۋاب بەرگەن . ساق قالغان ئوڭ كۆزىدىن كىشىنى تىترەتكۈدەك غەزەپ ئوتى لاۋۇلدايتتى . شۇنىڭدىن كېيىن يارسېل باشقىلارنىڭ توسۇشىغا قارىماي ، جىنايەتچىنى قوغلاپ تۇتۇش ھەرىكىتىگە كۆپ قېتىم قاتنىشىپ پۈتۈن ئامېرىكىنى كېزىپ چىقتى . ھەتتا بىر قېتىم كىچىككىنە يىپ ئۇچىنى دەپ ياۋروپاغا بېرىپ كەلدى . تور دۇنياسىدىكى چاقنىغان يۇلتۇز - ئىز تورى!
توققۇز يىلدىن كېيىن يارسېلنى يارىلاندۇرغان جىنايەتچى ئاخىر ئاسىيادىكى بىر كىچىك دۆلەتتە قولغا چۈشتى . ياسېل بۇ ھەرىكەتتە ھەل قىلغۇچ رول ئوينىدى . بۇ قېتىمقى غەلىبىنى تەبرىكلەش يىغىنىدا ئۇ يەنە بىر قېتىم قەھرىمان ئاتالدى ، ئاخبارات ۋاستىلىرى ئۇنى ئامېرىكىدىكى ئەڭ قەيسەر ھەم باتۇر ساقچى ، دەپ تەرىپلىدى . ھالبۇكى يېرىم يىل ئۆتكەندىن كېيىن يارسېل ئۆز ھۇجرىسىدا تومۇرىنى كېسىپ ئۆلۈۋالدى . كىشىلەر ئۇنىڭ ۋەسىيەتنامىسىدىن ئۆلۈۋېلىش سەۋەبىنى ئۇقتى : < شۇنچە يىللاردىن بېرى مېنىڭ قەيسەرلىك بىلەن ياشىشىمغا تۈرتكە بولغان نەرسە جىنايەتچىنى تۇتۇش ئىستىكى ئىدى . ھازىر ماڭا زىيانكەشلىك قىلغان جىنايەتچى قولغا ئېلىنىپ تېگىشلىك جازاسىنى تارتتى ، ئۇنىڭغا بولغان ئۆچمەنلىكىم يوقالدى ، شۇنىڭ بىلەن تەڭ ھاياتقا بولغان ئىشەنچىممۇ يوقالدى . ئەمدى ئۆزۈمنىڭ بۇ مېيىپ ھالىتىمگە قارىسام ... قانداقمۇ ياشىغۇم كەلسۇن ؟ ... >
دەرۋەقە ، تۇرمۇشتا ھەر قانداق نەرسە __ ھەتتا بىرەر كۆز ياكى پۇت-قول بولسىمۇ كەم بولسا بولىدۇ . لېكىن ئىشەنچ كەم بولسا بولمايدۇ !
