بۇ كۆرگەزمىگە قەشقەردىن كەلگەن ئېلى ياقۇپ ، مۇھەممەت ئېلى يۈسۈپ ، ئىلھام ئابلەت قاتارلىق ئۈچ ياش رەسسامنىڭ 43 پارچە ماي بوياق ئەسىرى قويۇلدى . بۇ ئۈچ رەسسام ئەل ئىچىگە چوڭقۇر چۆكۈپ تۇرمۇش ئىگىلەپ ، شىنجاڭنىڭ گۈزەل مەنزىرىسى ۋە مىللىي ئۆرپ ئادەتلىرىنى چوڭقۇر كۈزەتكەن ، ئەسەرلەرنىڭ تېمىسى مول ، ئاساسلىق قەشقەرنىڭ كونا ئولتۇراق رايونى ، مىللىي ئۆرپ ئادەتلىرى ، توغراق ، چۆل–باياۋان ، قايناق بازار ۋە تۇرمۇشتىكى كىشىلەر قاتارلىقلارنى ئاساسىي تېما قىلغان بولۇپ ، كۈچلۈك تۇرمۇش پۇرىقى ۋە سەنئەت تۇيغۇسىغا ئىگە بولغان .
ئىگىلىنىشىچە ، بۇ شىنجاڭلىق ماي بوياق رەسساملارنىڭ ئىچكىرى ئۆلكىلەردە تۇنجى قېتىم كۆرگەزمە ئۆتكۈزۈشى ھېسابلىنىدىكەن . بۇ كۆرگەزمە قەشقەرنىڭ تەسىر كۈچىنى ۋە جەلىپ قىلىش كۈچىنى ئاشۇرۇشتا ئىنتايىن چوڭ ئەمەلىي ئەھمىيەتكە ئىگە بولۇپلا قالماي ، قەشقەرنىڭ مەدەنىيەت ۋە سەنئەتتىكى ئىجادىيەت كۈچىنى تېخىمۇ ئاشۇرۇپ ، مەملىكەت ئىچىدىكى مەدەنىيەت ۋە سەنئەت بىلەن شۇغۇللىنىدىغان ھەرقايسى ساھەدىكى كىشىلەرنىڭ پىكىر ئالماشتۇرۇشى ، ئۆز ئارا ئۆگىنىشى ، بىر–بىرىنى ئۈلگە قىلىشى ۋە ھەمكارلىشىشى قاتارلىق جەھەتلەردە ئىنتايىن مۇھىم ئەھمىيەتكە ئىگە ئىكەن .
كۆرگەزمە 4–ئاپرېلدىن 6–ئاپرېلغىچە ھەقسىز ئېچىۋېتىلىدىكەن .
