ئىگىلىنىشىچە ، 5–ئاپرېل چۈشتىن كېيىن ، توكيو ئېلېكتىر شىركىتى 2–نومۇرلۇق ئازگالغا ئۇلانغان تۇرۇبا لىنىيەسىنىڭ ئەتراپىغا ئالاھىدە خىمىيەلىك دورا كىرگۈزۈپ ، يۇقىرى رادىياتسىيەلىك سۇنىڭ سىرتقا ئېقىپ كېتىشىنى تىزگىنلىگەن .
2–ئاپرېل ، فۇكۇشىما 1–يادرو ئېلېكتىر ئىستانسىسىدىن ئېقىپ چىققان تەركىبىدە يۇقىرى قويۇقلۇقتىكى رادىئوئاكتىۋ ماددا بولغان سۇ 2–نومۇرلۇق ئازگالدىن دېڭىزغا قاراپ ئاققان ، توكيو ئېلېكتىر شىركىتى 2–نومۇرلۇق ئازگالغا سېمونت قۇيۇش ۋە ئازگالغا ئۇلانغان تۇرۇبا لىنىيەسىگە سۇ بىلەن ئۇچراشقاندىن كېيىن كېڭىيىدىغان ، نەملىكنى تارتىدىغان پولىمېرنى سېلىش قاتارلىق تەدبىرلەرنى قوللانغان بولسىمۇ ئۈنۈمى بولمىغان .
2–نومۇرلۇق گېنىراتورلار گۇرۇپپىسىنىڭ پىرقىرىغۇچ كومپىيۇتېر ئۆيىنىڭ يەر ئاستى ئۆيى قاتارلىق جايلاردا تەركىبىدە يۇقىرى قويۇقلۇقتىكى رادىئوئاكتىۋ ماددا بولغان سۇ بايقالغانلىقتىن ، توكيو ئېلېكتىر شىركىتى بۇ يۇقىرى رادىياتسىيەلىك سۇنى يېتەرلىك بوشلۇققا قويۇپ بېرىشكە كاپالەتلىك قىلىش ئۈچۈن ، 4–ئاپرېل كەچتىن باشلاپ ‹‹ تاشلىۋېتىلگەن ماددىلارنى مەركەزلەشتۈرۈپ بىر تەرەپ قىلىش ئۈسكۈنىسى ›› نىڭ ئىچىدىكى تۆۋەن رادىياتسىيەلىك سۇنى دېڭىزغا قويۇپ بەرگەن .
