ئىز تورى-爱智网

　　  جۇڭگو ئۇيغۇرچە رادىيو تورى 4-ئاپرېل بېيجىڭ خەۋىرى: بۇ يىل شىنجاڭدىكى نۇقتىلىق ئىلگىرى سۈرۈلىدىغان خەلق تۇرمۇشىدىكى 22 ئەمەلىي قۇرۇلۇشنىڭ بىر قىسمى بولغان «مۇقىم ئولتۇراقلاشتۇرۇپ چارۋىچىلىقنى گۈللەندۈرۈش»نىڭ 18 سۇچىلىق قۇرۇلۇشى 2-ئاپرېل يەتتە ۋىلايەت، ئوبلاستتىكى 18 شەھەر، ناھىيەدە بىرلا ۋاقىتتا باشلىنىپ، شىنجاڭنىڭ 2011-خەلق تۇرمۇشى قۇرۇلۇش يىلىدىكى بىر چوڭ يارقىن نۇقتىغا ئايلاندى. شىنجاڭ يېقىنقى يىللاردىن بۇيان ئومۇميۈزلۈك ئېتىبار بېرىشنى كۈچەيتىپ، تېخىمۇ كۆپ ھەر مىللەت ئاممىسىنى ئىسلاھات، تەرەققىياتنىڭ نەتىجىلىرىدىن بەھرىمەن قىلدى. شىنجاڭ ئۇيغۇر ئاپتونوم رايونلۇق پارتكوم، ھۆكۈمەت 2011-يىلىنى شىنجاڭنىڭ «خەلق تۇرمۇشى قۇرۇلۇش يىلى» قىلىپ بېكىتىپ، خەلق تۇرمۇشىدىكى 22 نۇقتىلىق ئەمەلىي قۇرۇلۇشنى ئىلگىرى سۈرۈشنى پىلانلىدى. خەلق تۇرمۇشىغا ئالاقىدار بۇ ئەمەلىي ئىشلار ئولتۇراقلاشتۇرۇپ خەلقنى بېيىتىش، مۇقىم ئولتۇراقلاشتۇرۇپ چارۋىچىلىقنى گۈللەندۈرۈش، ئۆي، ئىجتىمائىي كاپالەت، ئىشقا ئورۇنلىشىش، قايتا ئىشقا ئورۇنلىشىش، ئالاھىدە ئاممىنى داۋالاپ قۇتقۇزۇش، مائارىپ كاپالىتى، مال باھاسىنى تىزگىنلەش، ھەر مىللەت ئاممىسىنىڭ تۇرمۇش سۈپىتىنى ئۆستۈرۈش قاتارلىقلارنى ئۆز ئىچىگە ئالغان بولۇپ، ئاممىنىڭ تۇرمۇشى بىلەن زىچ مۇناسىۋەتلىك ھەر قايسى ساھەلەرنى قاپلىغان. بۇ يىل شىنجاڭنىڭ خەلق تۇرمۇشىغا ئاجراتقان سېلىنمىسى 140 مىليارد يۈەندىن ئېشىپ كېتىدۇ. شىنجاڭ ئۇيغۇر ئاپتونوم رايونلۇق پارتكومنىڭ سېكرېتارى جاڭ چۈنشيەن مۇنداق دېدى: بىز خەلق تۇرمۇشى سېلىنمىسىنى داۋاملىق كۆپەيتىپ، ھەر قايسى تەرەپلەردىكى كۈچلەرنى مەركەزلەشتۈرۈپ خەلق تۇرمۇشىدىكى ئەمەلىي قۇرۇلۇشلارنى ياخشى قىلىپ، ھەر بىر تۈرنى خەلق ئاممىسىنى رازى قىلىدىغان قۇرۇلۇشقا ئايلاندۇرىمىز.