تەشۋىشلەردىن خالى ئىدىڭغۇ ، يېگانە كۆڭلۈم ،
ئۆتكەن ئىدىڭغۇ تېچقىنا گەر بولساڭمۇ پىنھانە .
بۇ ئاراملىقىڭ بۇزۇلدى نە ئۈچۈن ، ۋە قايدىن ،
بولالمىدىڭ خاتىرجەم ، كۈلەلمەسسەن شاتلىقتىن ،
ئېيتقىنا نېمە بولدى ساڭا ، يېگانە كۆڭلۈم .
خۇشاللىق كۈنلەردىن ئەسلا ئەسەر يوققۇ ئەمدى ،
مىسكىن-غېرىپلىق بولدى ئەمدى بېغىڭ سۇلتانى .
خەندان ئۇرۇپ سايرىغان خۇش ئاۋاز بۇلبۇلۇڭ قېنى ؟
بەخت گۈلى ئۈزۈلدى ، كۆرۈنمەس ۋىسال باھارى ،
كۆز تەگدىمۇ ۋە ياكى ساڭا ، يېگانە كۆڭلۈم . ئىز تورىدا ئىزلىرىمىز قالسۇن!
چۈشۈم دەپ بىلگەنتىم بىرگە بولغان كۈنلەرنى ،
چۈنكى نە سەۋەپتىن ئۇچراشتۇق بىلمەسمەن ئۇنى .
تەقدىرنىڭ چاقچىقى دېسەم مەن ، ئويناتقان بىزنى ،
بۇ ئازاپ يوقالماس ، ھەسرىتىڭ تىلغاچ يۈرەكنى ،
خۇشاللىق يات بولدىغۇ ساڭا ، يېگانە كۆڭلۈم .
يات خالىماس كۆڭلۈمگە بۆسۈپ كىرگەنى سەنغۇ ،
تەنھا يۈرەكتە ئويغۇتۇپ مۇھەببەت ئۇچقۇنى .
مەيلىمنى بەرگىنىم بولدىغۇ ئازابىم ئەمدى ،
قالدىم ھەسرەتتە ، سەن يوق بولغاچ كۈنى ۋە تۈنى ،
تەسەللى تاپقاي قايدىن مىسكىن يېگانە كۆڭلۈم .
www.iz.la
مۇھەببىتىڭنىڭ بارمۇ ياكى ۋاقتى - قەرەلى ،
ئازاپلىرىم بولالمىدى شۇندىمۇ ئارارى ،
يىراقلاپ كەتتىڭ تاشلاپ يالغۇز تەنھا قەلبىمنى ،
بېرەلمىدىممۇ يا سەن تەشنا بولغان سۆيگۈنى .
سەنسىز ھېچ تاپالماس بەخت يېگانە كۆڭلۈم
www.iz.la
