بەزى قىزلار چاچ بويىقىدا قاشنى بويىسا، قاشلىق سۈرگەنگە قارىغاندا تېخىمۇ قاپقارا،تېخىمۇ چىرايلىق بولىدىكەن،ھەم ئۇزۇنغىچە قارىسى يوقىمايدىكەن،دەپ قارىشىدۇ،لېكىن چاچ بويىقىنىڭ تېرىگە تەسىر كۆرسىتىدىغانلىقىنى،كۆزگە كىرىپ كەتسە كۆز ئاغرىقىنى پەيدا قىلىدىغانلىقىنى ئويلاپمۇ باقمايدۇ. بۇ مەزمۇن ئىز تورىدىن كۆچۈرۈلگەن
چاچ بويىقى بېنزول دىئامىن ۋە قوش ئوكسگېنلىق سۇدىن تەركىب تاپقان،بىنزول دىئامىننىڭ بوياق ماتېرىيالىنى ئوكسىدلاش رولى بولۇپ،ئاق چاچلارنى قارايتىدۇ.لېكىن،بۇ خىل بوياق تېرىگە تەسىر كۆرسىتىدىغان بولغاچقا،بوياقنى ئىشلەتكەندە ئىنتايىن دىققەت قىلىش كېرەك.چاچ بويىغاندا يۈز تېرىسىگە يۇقۇپ كەتسە دەرھال ئىلىمان لۆڭگە بىلەن سۈرتۈۋېتىش كېرەك،بولمىسا بوياق چاپلاشقان ئورۇن كۆيگەندەك ئاغرىيدۇ.
قاش گەرچە چاچنىڭ بىر قسىمى بولسىمۇ،بىراق ئۇ بىر قەدەر شالاڭ ھەم قاش بىلەن كۆزنىڭ ئارىلىقى يېقىن،چاچ بويىقى بىلەن قاشنى بويىغاندا،ئاسانلا تېرىگە چاپلىشىۋالىدۇ-دە،تېرە قىچىشىپ،ئېچىشىپ ئاغرىيدۇ.قول بىلەن قاشلىغاندا تېرە ياللۇغىنى كەلتۈرۈپ چىقىرىپ،قاشنىڭ تۈك خالتىسىنى بۇزۇپ تاشلايدۇ،قاشنى چۈشۈرۈپ ھەم قاشنىڭ رەڭگىگىمۇ زىيان يەتكۈزىدۇ.ئەگەر ئازراقلا بىپەرۋالىق قىلىنىپ،بوياق كۆزگە كىرىپ كەتسە كۆزنى قاتتىق غىدىقلاپ،كۆز ئالمىسىنى كۆيدۈرۈپ يارىلاندۇرۇپ،كۆرۈش قۇۋۋىتىنى تۆۋەنلىتىۋېتىدۇ،ھەتتا كۆزدىن ئايرىلىپ قالىدىغان ئەھۋاللار كېلىپ چىقىدۇ.مۇبادا ياخشى كۈننىڭ يامىنى بولۇپ كۆزىڭىزدە مەسلە كۆرۈلسە ئورنىنى تولدۇرۇپ بولغىلى بولمايدۇ،چۈنكى،كۆز روشەنلىكتىن ئارتۇق بەختنى ھېچكىم تېخى ھېس قىلىپ يەتكىنى يوق. مەنبە؛ئاياللار تۇرمۇشى
ئىز تورىدا ئىزلىرىمىز قالسۇن!
