مۇڭلۇق كۈيلىرىڭ ئۈزۈلمىسۇن(فاتىمە)

fatima

مۇڭلۇق كۈيلىرىڭ ئۈزۈلمىسۇن

سۆيگۈ سىنى تىنماي قىينىغاچ،

مۇڭ قوينىغا غەمكىن چۆكەتتىڭ.

شوخ لىرىكاڭ بىلەن زوق ئېلىپ،

چىن سۆزىڭنى ئايماي تۆكەتتىڭ.

ھىجراندا قىينالساڭمۇ گەرچە،

لېكىن سەن يېزىپ كەلدىڭ ھارماي.

ئىرادەڭگە قايىل ھەتتا گۈللەر،

بۇلبۇل بۇلۇپ سايرىغىن قانماي.

بۇلبۇل باغقا ئاشىق بولغاندەك،

سەنمۇ ئاشىق مۇڭ كۈي يېزىشقا.

غايىبانە ئاشىق بۇلۇپ سەن،

چىن ئىشقىڭدىن جۆر بولدۇڭ مانا.

ئىزدىگىنىڭ گۈللەرنىڭ گۈلى،

تىكەنلەرگە پەرۋا قىلمايسەن.

گۈل بەرگىلەر ئىچىدىن تاللاپ،

پاك مىھرىڭ بىلەن جۆر بولغايسەن.

گۈلنى سەندەك سۆيمەيدۇ ھېچكىم،

پاك ئىشقىدىن مۇڭلىنىپ شۇنچە.

شوخ لىرىكاڭنى ئايماي يازغىن،

ئۇقۇپ تۇراي ئۇھسىنىپ شۇنچە.

مۇھەببەتلىك لىرىكا يېزىپ،

يۈرەك ھەسرىتىڭ شىپا تاپسۇن ،

چىن سۆيگۈڭگە بۇ دۇنياگۇۋاھ ،

مۇڭلۇق كۈيلىرىڭ ئۈزۈلمىسۇن.

قەلبىم

summayya

بەك ياخشى يېزىلىپتۇ،قەلەم قۇۋىتىڭىزغا قول قويدۇم،ماڭا بەك يارىدى~!

dartman119

شېئىر دېگەننى كارمەت يېزىپ قويدىكەنسىز جىمۇ ..بارىكاللا...تېخىمۇ تېرشىڭ...

salkin11

دىدى ، مۇھەببەت مۇڭلۇق رەۋىشتە ،
چىن سۆيگۈلا قالماس تەشۋىشتە .
مىسالىدۇر تايىرۇ ، زۆھرە ،
مىراس بولغان بۇرۇن ئۆتمۈشتە .

xaytan88

رەھمەت ياخشى يېزىپسىز ئاللا قۇلىڭىزغا دەرت بەرمىسۇن