‹‹مەشرەپ›› ب د ت نىڭ ‹‹جىددىي قوغدىلىدىغان غەيرىي ماددىي مەدەنىيەت مىراسلىرى تىزىملىكى›› گە كىرگۈزۈلدى يەن رۇڭ خەۋەر قىلىدۇ: مۇخبىرنىڭ ئاپتونوم رايونلۇق مەدەنىيەت نازارىتىنىڭ غەيرىي ماددىي مەدەنىيەت مىراسلىرىنى قوغداش مەركىزىدىن ئۇقۇشىچە، 15 – نويابىر نايروبىدا ئۆتكۈزۈلگەن ب د ت مائارىپ، ئىلىم – پەن، مەدەنىيەت تەشكىلاتىنىڭ غەيرىي ماددىي مەدەنىيەت مىراسلىرىنى قوغداش ھۆكۈمەتلەر ئارا كومىتېتىنىڭ 5 – يىغىنىدا ‹‹مەشرەپ››نى ب د ت ئاپپاراتىنىڭ 2010 – يىللىق ‹‹جىددىي قوغدىلىدىغان غەيرىي ماددىي مەدەنىيەت مىراسلىرى تىزىملىكى››گە كىرگۈزۈش ماقۇللانغان.
‹‹مەشرەپ›› شىنجاڭدىكى ئۇيغۇرلار ئولتۇراقلاشقان رايونلاردا كەڭ تارقالغان، رايون ياكى رولىنىڭ ئوخشىماسلىقىغا قاراپ مەشرەپنىڭ ئىپادىلەش شەكىللىرى مول ۋە كۆپ خىل بولۇپ، ئۇ ئۇيغۇرلارنىڭ ئەنئەنىۋى ئۆرپ – ئادەتلىرى، مۇقام، خەلق ناخشىسى، ئۇسسۇل، ئەلنەغمە، دراما، سېرك، ئويۇن ۋە ئېغىز ئەدەبىياتى قاتارلىقلارنى نامايان قىلىدىغان مەدەنىيەت بۇشلۇقى، ئەخلاق، ئۆرپ – ئادەت، مىللىي قائىدە – يوسۇن، مەدەنىيەت – سەنئەت قاتارلىقلارنى داۋاملاشتۇرىدىغان ۋە ئەۋج ئالدۇرىدىغان مۇھىم سورۇن، ئۇيغۇرلارنىڭ ئەنئەنىۋى بايرام، مىللىي پائالىيەتلىرىنىڭ مۇھىم تەركىبىي قىسمى. ئۇقۇشىمچە، ‹‹مەشرەپ›› ئاپتونوم رايونىمىزدىن ب د ت نىڭ‹‹جىددىي قوغدىلىدىغان غەيرىي ماددىي مەدەنىيەت مىراسلىرى تىزىملىكى››گە كىرگەن تۇنجى تۈر ئىكەن.
مەنبە:تەڭرىتاغ تورى | 
يوللانغان ۋاقتى 2010-11-19 12:49
يوللانغان ۋاقتى 2010-11-19 14:17
