بىر سەبىنىڭ نالىسى

ilnur

                                                      
                                                                  بىر سەبىنىڭ نالىسى

جان ئانا كەتمىگىن خوش بولاي،
سامادا كۆكلىگەن قۇش بولاي.
تىۋىنىپ باش قويدۇم پۇتۇڭغا،
ئايرىما دادامدىن خوش بولاي.
تاشلىما مەن جىگەر پارەڭنى ،
ئاتامدىن ئۆزمە قەلىپ تارىڭنى.

ئۆتىنەي مىڭ مەرتە كەتمىگىن،
موماملار ئۆيىگە يەتمىگىن.
ئىرغىتىپ يىتىمىلىك چۆلىگە،
ئۆزگىگە مىنى قۇل ئەتمىگىن.
كىرپىگىم مارجانلار تۆكمىسۇن،
جان قوزاڭ دەرتلەرگە چۆكمىسۇن.

بالىغا ئاتا بىر گۆھەر ئۇ ،
سىنىڭسىز بال يىسەم ،زەھەر ئۇ.
بىگۇناھ مەسۇم مەن قىل رەھىم ،
قۇلاق سال نالەمگە،كۆڭلۈم سۇ.
بۇل ماڭا بىر ئۆمۈر باشپانا،
تۇتمىسۇن ئۇۋالىم ئەي ئانا.

يۇت ئاچچىق ئەلەمنى ئەي ئا نا،
بول ماڭا مەڭگۈگە رەھنامە.
ئۆتكەندۇر دادامدىن سەۋەنلەر،
بىراق مەن بىچارەڭ بىگۇنا.
قاراپ قوي ماڭا بىر قاراپ قوي ،
خىسلەتتە ھەممىگە ياراپ قوي .

LOVE8

ئاتا-ئانىلارنىڭ بىگۇناھ بالىلارنى يىتىم قىلىپ خەقىنىڭ چىرايىغا قالاتماسلىقنى ئۈمۈت قىلىمەن ................. مەنبەنى ئەسكەرتىۋىتەرسىز ...............................

polatbora

بۇلىدىكەن مەنبەسى

nurul

بىچارە بالا! ھەجەپ نالە قىپتۇ، جەمىيەتتە ئاتا-ئانا بولۇشنىڭ نېمە لىكىنى بىلمەي تۇرۇپلا ئاتا-ئانا بوپقېلىپ كىيىن بالىللىرنى مۇشۇنداق نالە قىلغۇزىۋاتقانلارمۇ خېلى بار

gulzar520

ياخشى يېزىپسىز!!!

TANHATIVIX

ياخشىكەن .

520Studios

يىتىملىكتىن ئاللا ساقلىسۇن!