ئىنسان ئۆز تەقدرىنى ئۆزگەرتەلەيدۇ، ئۆز تارىخىنى ئۆزى يارىتىدۇ ياكى ئۆلمەس ياكى ئەرزىمەس تارىخى بىلەن خاتىرە قالدۇرغانلار مىليارت-مىليارت. لىكىن ئۇلارنىڭ مۇتلەق كۆپچىلىكى ئىز دىرەكسىز. بىرلىرى ھايات چىغىدا كىشىلەرگە تاغ بولۇپ كۆرىنىدۇ، لىكىن ۋاپات بولغاندىن كىيىن چالمىغا ئايلىنىپ قالىدۇ. بەزىلىرىچۇ؟ ئەكسىچە ھايات ۋاقتىدا چالما كىسەكتەك ئاياغ ئاستىدا پۇتلىشىپ يۈرىدۇ، لىكىن ئۆلگەندىن كىيىن يىللار، ئەسىرلەر ئۇنى تاغقا، ھەتتا قارىساڭ بۆكۈڭ چۈشكۈدەك بۈيۈك تاغقا ئايلاندۇرۇپ قويدۇ !
بىر بۇرۇن سانسىز ئەيىبنى ھەممىدىن تاپتى پۇراپ، يەتتە قات ئاسماندىن قۇسۇر ، كۆكتىكى ئايدىن گۇۋاھ. دىدى تاغ ماڭمايدىكەن، دەريا پەقەت تىنمايدىكەن، كۈن نىچۈن ئۆلمەيدىغان، تاپتى ئۇ سايدىن گۇناھ، نە ئۈچۈن ئوغۇل تۆرەلدى بۇ قورساقتا ھەي ئانا، نە ئۈچۈن ئۇيغۇر ياراتتىڭ بۇ جاھانغا ئەي خۇدا، نە ئۈچۈن بەردىڭ ئۇنىڭغا شۇنچە كەڭرى يەر زىمىن، مەن پۇراپ تاپتىم ئۇنىڭدىن يەرگە سىغماس چوڭ گۇناھ !
ئادەملەر كىمنىدۇر سىغىنماقتا، يۈرىكى كىمگىدۇر تەلپۈنمەكتە. ئەلۋەتتە ھەممىلا ئادەم ھايات مۇساپىسىنىڭ بىر بىكىتىدە، شىرىن چۈشتەك بىر سەرگۈزەشتىگە ئىرىشكەن بولىدۇ. بۇ سەرگۈزەشت ئۇنىڭ ھاياتىنىڭ ئەڭ مەخپى سىرى، ئەڭ شىرىن ئەسلىمىسى ۋە ئەڭ سىغىندۇرىدىغان خاتىرىسى ھىساپلىنىڭ. ئۇ شۇ بىكەتتە يۈرىكىنىڭ نازۇك رازىلىقى بىلەن مەسىت بولغان ياكى مەڭگۈلۈك جۇدالىق قارا تامغىسى بىسىلغان بىر پاجىئەنىڭ بىردىنبىر شاھىتى بولغان بولىدۇ، ياشلىقىڭدا بىرىگە كۆيگەنسەن ياكى شۇ كۆيۈك ۋىسال تىپىپ سەن ھايات لەززىتىنىڭ ئەڭ يۇقىرى چوققىسىغا يامىشىپ چىققانسەن ۋە ياكى ھەممە ئىش ئارمان بولۇپ قالغان بولىدۇ ! مەنبەسى: خاتىرەمدىن ! | 
يوللانغان ۋاقتى 
يوللانغان ۋاقتى 
بۇ يازمىنى ئاخىرىدا 0996BALISI تەھرىرلىگەن. ۋاقتى 2012-5-25 21:51 
