(لاتىن ئامېرىكىسى ئاگېنتلىقىنىڭ 3 - ئاينىڭ 3 - كۈنى لوندوندىن ئەۋەتكەن تېلېگراممىسى) ۋىكى مەخپىي نۇمۇر يېشىش تورى 2001 - يىلى 9 - ئاينىڭ 11 - كۈنىدىكى تېرورلۇق ھەرىكىتىنىڭ باش پىلانلىغۇچىسى بولغان بېنلادىننىڭ جەسستىنى دېڭىزغا تاشلانمىغان ، بەلكى يۇشۇرۇنچە ئامېرىكىغا يۆتكەپ كەتكەنلىكىنى ئېلان قىلغان .
بۇ تور بېكەتنىڭ خايكېرلار گۇرۇپپىسى ئاشكارىلىغان ئېلخەت مەزمۇنىدىن يۇقارقى يەكۈننى چىقارغان . خايكېرلار ئامېرىكىدىن مەخسۇس ئاخبارات ۋە جاسۇسلار مۇلازىمىتى بىلەن تەمىنلەيدىغان سىتىراتىگىيىلىك ئالدىن مۆلچەرلەش شىركىتىدىن بۇ ماتىرىياللارنى قولغا چۈشۈرگەن . دەسلەپتە ئاقساراي خالايىقنى بېنلادىننىڭ جەسسىتىنى دېڭىزغا تاشلىۋەتكەنلىكىگە ئىشەندۈرگەن . بىراق بۇ سىتىراتىگىيىلىك ئالدىن مۆلچەرلەش شىركىتىنىڭ مۇئاۋىن دېرىكتورىنىڭ بىر پارچە ئېلخېتىدە كۆرسىتىلگەن پاكىتلار بىلەن قارىمۇ - قارشى ئىدى . بۇ ئېلخەت ئوباما زوڭتۇڭ بېنلادىننى ئېتىپ ئۆلتۈرۈش بويرۇقىنى جاكارلىغاندىن بىر نەچچە سائەت كېيىن يوللانغان . بۇنىڭدا : « جەسەت ھازىر بىزنىڭ قولىمىزدا ، تەڭرىگە شۈكرى » دېيىلگەن . 25 مىنۇت ئۆتكەندىن كېيىن ، يەنە بىر پارچە « جەسەت CIA ئايروپىلانى بىلەن دوۋېرDEغا ئېلىپ مېڭىلدى » دېگەن تېمىدىكى ئېلخەت يوللانغان . بۇنىڭدا تىلغا ئېلىنغىنى ئېنىقكى ئامېرىكا مەركىزىي ئاخبارات ئىدارىسىنىڭ ئايروپىلانى بولۇپ ، بېنلادىننىڭ جەسسىتنى مەخپىي يۆتكەپ كەتكەنلىكىنى كۆرسىتىدۇ . دوۋېرDE بولسا دېلاۋىيەر شىتاتىدىكى بازىسى بولۇپ ، مۇھىم بولغان ھەربىي بازىلارنىڭ بىرى ھېسابلىنىدۇ . ۋاشىنگتون بىلەن بولغان ئارىلىقى پەقەت 175 كىلومېتىر كېلىدۇ .
بېنلادىن 2011 - يىلى 5 - ئاينىڭ 2 - كۈنى پاكىستاننى غەربىي شىمالىي قىسمىدىكى تۇرالغۇسىدا ئامېرىكا دېڭىز ئارمىيىسىنىڭ « تيۇلېن » ئۇشتۇمتۇت زەربە بېرىش ئەترىتى تەرىپىدىن ئېتىپ ئۆلتۈرۈلگەن | 
يوللانغان ۋاقتى 
يوللانغان ۋاقتى 
