ئاللاھ ئىگەم بىلىپ تۇرىدۇ باشقىلارنىڭ يانچۇقىغا قولىنى سوزغاننى،
تۈن نىسپىدە زىنا ئۈچۈن قەدەم ئالغاننى،
شۇم نىيەتنى كۆڭلىگە پىنھان پۈتكەننى،
ئاگاھ بولغىن، ئاللاھ ئىگەم بىلىپ تۇرىدۇ.
بىراۋلارنىڭ كەينىدىن غەيۋەت قىلغاننى،
بىلمىدى دەپ كىشى ھەققىنى سوقۇپ كەتكەننى،
ئاجىزلارنى مەنسىتمەي بوزەك ئەتكەننى،
ئاگاھ بولغىن ،ئاللاھ ئىگەم بىلىپ تۇرىدۇ.
سورۇنلاردا جەم بولۇشۇپ قەدەھ سوققاننى،
دەتتىكام دەپ پۇلنى كۆزلەپئۇشۇق ئاتقاننى،
كىچىككىنە ھوزۇر ئۈچۈن زەھەر چەككەننى،
ئاگاھ بولغىن، ئاللاھ ئىگەم بىلىپ تۇرىدۇ.
يالغان سۆزلەپ خەقنى ئالداپ پايدا تاپقاننى،
بىر -بىرىگە چېقىشتۇرۇپ جىدەل تاپقاننى،
باشقىلارنىڭ بەختى ئۈچۈن ھەسەت قىلغاننى،
ئاگاھ بولغىن ئاللاھ ئىگەم بىلىپ تۇرىدۇ.
سەھەر تۇرۇپ،ناماز ئوقۇپ سەجدە قىلغاننى،
گۇناھىغا مەغپىرەت تىلەپ دۇئا قىلغاننى،
رامىزاندا روزىسىنى قويماي تۇتقاننى،
داۋاملاشتۇر ئاللاھ ئىگەم بىلىپ تۇرىدۇ.
ئاللاھ سۆزىنى يەتكۈزۈشچۈن ئەجىر قىلغاننى،
ئەل خەلىقنىڭ بەختى ئۈچۈن جاپا تارتقاننى،
ھالال ئەمگەك تەرى بىلەن جېنىنى ئەتكەننى،
داۋاملاشتۇر ئاللاھ ئىگەم بىلىپ تۇرىدۇ.
تاپقان پۇلنىڭ زاكاتىنى ئايرىپ تۇرغاننى،
يىتىم-يىسىر ئاجىزلارغا ياردەم قىلغاننى،
ۋاپادار بوپ ئاتا-ئانىنى رازى قىلغاننى،
داۋاملاشتۇر ئاللاھ ئىگەم بىلىپ تۇرىدۇ.
ئاللاھنى دەپ قىلغان تائەت- ئىبادىتىڭنى،
بۇ دۇنيادا قىلغان يامان ،ياخشى ئىشىڭنى،
كۆڭلىڭدىكى ئوي خىيالىڭ نىيەتلىرىڭنى،
ئۇنتىمىغىن ئاللاھ ئىگەم بىلىپ تۇرىدۇ.
| 
يوللانغان ۋاقتى 
يوللانغان ۋاقتى 
