ئەندىككەن تۇيغۇلار

-yadikar

ئەندىككەن تۇيغۇلار

قىينايدۇ كۆڭۈلنى تۈمەن مىڭ سۇئال،
ياتىمەن مەن شۇندا خىيال ئىلكدە.
ھاياتلىق ئاجايىپ سىرلىق تىلسمات،
ۋەھشىلىك يولۋاستا، قۇۋلۇق تۇلكۈدە.
كېزىدۇ دۇنيانى سېھىرلىك خىيال،
توختايدۇ مىنۇتچە ئارلىقتا پەقەت.
ياشاشتا سېخىي بىز بەزىدە خەسىس،
ھەم يەنە ئۆزگىدىن كۈتىمىز شەپقەت.
ھاياتتا كارۋان بىز ماڭىمىز ھامان،
مەنزىللەر بوستانلىق بەزىدە تۇمان.
ھەمرا بىز ئۆز - ئارا مەنزىلگاھلاردا،
ۋە يەنە بەزىدە قالىمىز پىنھان.
ئەلەملىك ياش تۆكسە ھىلىگەر يىغلاپ،
سىماپتەك ئېرىدۇ نادانلار دىلى.
ئەپتىدىن بىلمەيسەن قارا كۆڭلىنى،
شېكەردەك سۆز بىلەن تاتلىقتۇر تىلى.
تەككەندە يۈرەككە ۋىجدانى ئازاب،
ئاقىدۇ كۆزلەردىن ئەلەملىك ياشلار.
كىرپكلەر قۇچاقلاپ ئالار بىر - بىرىن،
يىمرلىپ تۈرۈلۈپ قالىدۇ قاشلار.
سۈكۈنات قاپلىغان قاراڭغۇ كېچە،
غۇرقىراپ قىرلاردىن كېلدۇ شامال.
ئويغاندىم ئەندىكىپ قالدىم ھەيرەتتە،
ھاياتقا تۇنجى رەت كۆز ئاچقان مىسال.
مەنبە: ماكانىم مۇنبىرىدىن ساكپار شئىرى

xoh-xoh

ماكانىمدىكى سەكپارنىڭ بۇ شېئىرىنى بەك ياقتۇررىمەن ....
سەكپارنىڭ ئىجادىيىتىگە ئۇتۇق تىلەيمەن ...

intizar0998

تۇيغۇنى ئىپادىلەشكە بەك ماھىركەن .

0998cn

ياخشى شىئىرىكەن جۇما، ساقلىۋالدىم

138

بەك ياخىشى شئر ئىكەن . بۇنىدىن كىيىنمۇ نادر تىمىلىرڭىزنى ئايىماي يوللاپ تۇرشىڭىزنى ئۆمۇت قىلىمەن ھارمىغايىسز

choice124forget

ئىنكاس قايتۇرۇش -yadikar نىڭ يازمىسى

بۇ شېئىر بەك ياخشىكەن... رەھمەت سىزگە...