يىقىندىكى جا موللام، يىراقتىكى داموللام

otyak

يىقىندىكى جا موللام، يىراقتىكى داموللام

( مۇخەممەس )

يىقىندىكى جا موللام، يىراقتىكى داموللام ،
قەدرىمىزنى بىلمەيمىز، ئاڭلاپ قويۇڭ ۋاي بالام ،
سەنمۇ ئوقۇپ چوڭ بولغان ، بۇنى بىلگىن ئەي ساقام،
توۋا دەيدۇ بۇنىڭغا ، ھەيران قىلىپ بۇ ياقام ؟
نە سەۋەب بار بۇ ئىشتا ، كۆپكە قويدۇم ئەسسالام !

يىقىندىكى تونۇشتۇر ، يىراقتىكى قېرىنداش،
ھال ئەھۋالغا يىتىدۇ، گوڭۈر-مۈڭۈر كۆپ سىرداش،
قەلبلەرنىڭ تۆرىدىن ئورۇن ئالغان ئۇ دىلداش،
زىيارەتنى باشلايدۇ، كۆڭۈل تارتىپ بۇ يولداش،
شۇنداق مېھىر ى بار ئىكەن، ئوتلۇق يۈرەك بۇ سالام !

يىقىندىكى خىزمەتداش، يىراقتىكى ئۇلۇغ زات ،
دائىم بىللە تۇرسىمۇ، غەيرى بولار بىزگە يات ،
ئارزۇ قىلىپ ئەسلەيدۇ، كۆرمىگەنگە قاتمۇ-قات ،
مېھمان قىلاي دەيدىغۇ، چىن دىلىدىن پاتمۇ-پات،
ئۇلۇغ كۆرۈپ ئۆزگىنى ، دەپ كېتىدۇ ۋاي دادام ...

يىقىندىكى ساۋاقداش ، يىراقتىكى مېھماندۇر ،
كۈندە كۆرۈپ تۇرسىمۇ ، بى ئەتىۋا خاماندۇر ،
نەچچە يىلدا كۆرمىسە، كۆڭۈلدىكى چولپاندۇر ،
مېھرى شۇنداق ئوخشىماس، ئەلمىساقتىن قالغاندۇر ،
كۆڭۈللەرنىڭ قەيىردىن ، ئورۇن ئالغان بۇ ئادەم ...

ئاپتۇرى: يۈسۈپجان سابىر ئوتياق

xatay

ئۇستازنىڭ شېئىرلىرىنى كۆرمىگىلى ئۇزۇن بوپتىكەن . ھەقىقەتەن گەپ كەتمەيدۇ. ئېسىل تېمىللىرىڭىز ئۈزىلمىگەي ئۇستاز

gulimire

شۇ ئەمەسمۇ بۇ ئۇستاز مۇخەممەس دىگەننى ئالامەت يىزىپ قويىدىكەن . ئىجادىيەتلىرىڭىز ئۈزۈلۈپ قالمىغاي ............

13369988177

بۇ يەرگە كىرگەنلەرمۇ ئاز ئەمەسكەن لىكىن ئىنكاس بەك ئاز.
بۇنمە گەپ ئەمدى؟ شىئېرنى ياقتۇرمايدىغانلار كۆپ ئوخشايدۇ.


رەھمەت سىزگە!

muslima12

شۇنداق ياخشى يىزىپسىز.سىزگە ئۇتۇق تىلەيمەن.

xanba

ئەجرىڭىزگە رەھمەت، ئەسىرىڭىز نىڭ مەزمۇنى ناھايتى مەنىلىك بوپتۇ، قولىڭىزغا دەرت كەلمىگەي!

otyak

ياقتۇرۇپ ئوقۇغان دوسلىرىمغا رەھمەت !

oganguqi88

ياندىكىنى ياراتماي ،ئىزلەپ يۇرۇپ يىراقتىن،
ئەۋزەل كۆرۇپ گاھىدا ، شامنىمۇ توك چىراقتىن،

كېچە-كېچەئاھ ئۇرۇپ ،ئازات بولماي پىراقتىن،

ئۇقۇپ لەنەت ئۆزىگە ، قول ئۇزمىدى بىراقتىن،

كىلەرمىشكەن ئاخىر ،ئونى ئىزدەپ دا موللام .

muslimahinim

رەھمەت سىزگە، ھارمىغايسىز. سىزگە بەخىت-ئامەت مەڭگۈ يار بولغاي

otyak

oganguqi88 يوللانغان ۋاقتى 2011-5-13 12:43
ياندىكىنى ياراتماي ،ئىزلەپ يۇرۇپ يىراقتىن،
ئەۋزەل كۆر ...

ئويغاق تەپەككۇر، شاش قەلىمىڭىز ئىزلادا داۋاملاشسۇن ! ئىجادىيىتىڭىزگە ئامەت ھەم قۇد تىلەيمەن .