كۆكتىن چۈشكەن ئاپئاق قار كەبى، تۇغۇلۇشتا ئەسلى پاك، سەبىي، كىيىن نامەرد،رەزىل، ئەسەبىي... بار دۇنيادا شۇنداق ئادەملەر. 
باھار كەلسە يازنى ئارزۇلار، يازدا،كۈزگە،قىشقا ئالدىرار، شۇنداق پەسىل قوغلىشىپ بارار، بار دۇنيادا شۇنداق ئادەملەر.
كاللىسىدا ھەر خىل ئوي-ھەۋەس، تولۇپ كەتكەن شۇملۇقلار پەۋەس، ياۋۇزلۇقنى چىللار ئۆزى،بەس، بار دۇنيادا شۇنداق ئادەملەر.
ئەخمەق كۆرەر ھۆرمەتلىسە بەك، مەغرۇر يۈرسە دەيدۇ بۇ سويمەك...) ھەر باھاردا نى سىرتماق، ئورەك، بار دۇنيادا شۇنداق ئادەملەر.
قىلىساڭ ئاڭا قانچە ياخشىلىق، سېنى سېتىپ يەيدۇ ناشتىلىق، كىمىدىن قالغان بۇ مىراس قىلىق؟ بار دۇنيادا شۇنداق ئادەملەر.
قۇللۇق قىلار تۆرىنى كۆرسە، مەيدە كېرەر چۆرىنى كۆرسە، جېنى چىقار(بۆرىنى)كۆرسە، بار دۇنيادا شۇنداق ئادەملەر.
ھەممە يەردە چوڭلۇق تالىشىپ، گاھ چىشلىشىپ، گاھى يالىشىپ، بىر-بىرنى خارلار پالىشىپ، بار دۇنيادا شۇنداق ئادەملەر.
بولىۋېلىپ جاھان رەپتارى، قورساق تويسا، يوق ئىشىتىن كارى، بۇنداقلارنىڭ نە ئېتبارى؟... بار دۇنيادا شۇنداق ئادەملەر. 
مەنبە: دەرىسىلىك كىتابىم | 
يوللانغان ۋاقتى 2011-4-25 15:39
