ئوغلۇم،سەندىن راستىنلا ئايرىلىشىم كېرەكمۇ؟؟
ئوغلۇم،سېنىڭ قارا قولۇڭ يەنە مىنىڭ يانچۇقۇمغا سوزۇلدى،ماڭا ئازراقمۇ قويماي ھەممىنى ئاپىرىپ دوغا تىكتىڭ.قانچە قېتىم پۇل ئوغۇرلىغىنىڭ،قانچە قېتىم قىمار ئويناپ ئارتىلغان قەرزىڭنى تۆلىگىنىم ئېسىمدە يوق،سەن ھەر قېتىم پۇل ئوغۇرلىغىنىڭدا،مېنىڭ قانداق ھېسياتتا بولدىغىنىمنى ئويلاپ باقتىڭمۇ،بىلسەڭ،سېنىڭ ئوغۇرلىغىنىڭ پەقەت پۇللا بولماستىن،يۈرىكىمنىمۇ قۇرۇتۇپ قويدۇڭ.بەش يىل بولدى،سەن ئون ئۈچ يېشىڭدىن باشلاپ قىماردىن مېھرىڭنى ئۈزەلمىدىڭ،توپتوغرا بەش يىل بولدى،بۇ بەش يىلدىن بېرى قانچىلىك ياش تۆككەنلىكىم،قانچىلىك ئازاپلانغىنىم ئېسىمدە يوق،بىردىنبىر ئېسىمدە قالغىنى بەش يىلدىن بۇيان بىرە قېتىممۇ ئىچىمدىن خوشال بولۇپ كۈلۈپ باقمىدىم،يۈرىكىم زىدە بولدى،بىراق باشقىلار ئالدىدا چاندۇرماي يۈردۈم. ئوغلۇم،ھەر قېتىم ئازاپلانغىنىمدا،سېنى يەنىلا بۇرۇنقىدەك ياخشى كۆردۈم،سېنىڭ ھەر بىر كۈننى خوشال ئۆتكۈزۈشىڭدىن باشقىنى ئويلاپ باقمىدىم. ئوغلۇم،ھەر قېتىم ئازاپلانغىنىمدا،سىنى يەنىلا چوڭقۇر سۆيدۈم،سېنىڭ ھامان بىر كۈنى ئارقاڭغا قايتىدىغىنىڭغا ئىشەنچىم بار. ئوغلۇم،بۈگۈن ئاخىر ساڭا قول تەگكۈزدۈم،بىراق بىلەمسەن،سېنى ئۇرغىنىم بىلەن مېنىڭ بەدەنلىرىم ئاغرىپ كەتتى،بۈگۈن سېنى تىللىدىم،بىلەمسەن،سېنى تىللىغىنىم بىلەن يۈرىكىمدىن قان تامچىلىدى.بۇرۇن سېنى جېنىمدىن ئەزىز كۆرگەن،بىراق ھازىر سېنى ئويلىساملا نىمە سەۋەپتىنكىن ئازاپتىن يۈرىكىم ئاغرىيدۇ. ئوغلۇم،بۇ قېتىم مەن راستىنلا كېتىشنى ئويلاپ قالدىم،بۇرۇلۇپلا كېتىش مەن ئۈچۈن ئېيتقاندا ئوخشاشلا ئازاپ،ئازاپتىن نەپەس ئىلىشقا مەن ئامالسىز.ئوغلۇم،مەن يوق كۈنلەردە ئۆز ھالىڭدىن ياخشى خەۋەر ئالامسەن يوق بۇنى بىلمەيمەن،سەن يوق چاغ،گەرچە ئارلىقىمىز يىراق بولسىمۇ،بىراق يۈرىكىم سەندىن ئايرىلىشقا چىدىمايدۇ. ئوغلۇم،سەن نىمە ئۈچۈن مىنى بۇنچە تەڭلىكتە،بۇنچە ئازاپقا مۇپتىلا قىلىدىغانسەن؟؟؟ ئوغلۇم،مەن قايتتىم،يۇرتۇمغا قايتتىم،قاخشال بولۇپ قالغان تېنىمنى ئېلىپ قايتتىم،بىراق يۈرىكىم سېنىڭ بىلەن بىللە قالدى. ئوغلۇم،ئېسىڭدە بولسۇن،چوقۇم ئېسىڭدە بولسۇن،ئۆزۈڭنى ئاسرا،ھەر بىر كۈنۈڭنى قەدىرلە~!
مەنبە: http://www.tianya.cn/publicforum/content/feeling/1/1631075.shtml دىن تەرجىمە قىلىندى
<خەنزۇچە سەۋىيەم چەكلىك بولغاچقا،بەزى يەرلەرنى ياخشى تەرجىمە قىلالمىدىم،تورداشلىرىمنىڭ قىممەتلىك پىكىر-تەلەپلىرىنى ئايىماي ئوتتۇرغا قويىشىنى ئۈمىد قىلىمەن> بۇ يازمىنى ئاخىرىدا summayya تەھرىرلىگەن. ۋاقتى 2011-3-22 15:32
| 
يوللانغان ۋاقتى 
يوللانغان ۋاقتى