كېلىن سېنى باقىدۇ
( مۇخەممەس)
ھۆرمىتى بار كېلىننىڭ قانىتى بار ئۇچىدۇ،
ئىغىر گەپنى قىلسا گەر، دەرھال ئۆيدىن قاچىدۇ ،
يا بولمىسا ئۆيىدە ئىقتىسادنى چاچىدۇ ،
گەپ-سۆزلىرى ئاشكارە، ھەممە گەپنى ئاچىدۇ ،
كىلىن شۇنداق بولامدۇ، بۇ كۆلگە ياقامدۇ ؟
ھوقۇق بەرسە كىلىنگە، بوزەك قىلار ئانىنى،
ئىسسىق-سوغۇق قويىدۇ، قىرىغاندا دادىنى،
تىلى ئۆتمەس قىلىدۇ، باتۇر ئەزمەت بالىنى ،
قۇسۇر ئىزدەپ تۇرىدۇ، تاشلايدۇ ئۇ يارىنى ،
كىلىن شۇنداق قورۇقماس، دائىم شۇنداق ئۆتەمدۇ ؟
<< كىلىن بولسا قەن بولسا >> دەيدۇ تېخى ناخشىدا ،
ناۋات بالام دەپ قويسا ، كۇندە تېخى ناشتىدا ،
كۆڭلى ئەمىن تاپىدۇ، كىلىن دائىم قىشىدا ،
پەرۋانە بوپ تۇرىدۇ، ئاندىن ئۇنىڭ بېشىدا ،
كىلىن مېھرى ئاشۇنداق، دەريا بولۇپ ئاقىدۇ ...
كىلىن ياۋاش بولسا گەر، قاتتىق نانغا كۇچى يوق،
ئوغلى ئۆيدە ئەزىمەت، ئۈلگە بولار نوچى يوق ،
ئاتا-ئانا ئالدىدا، گېپى يوغۇن پوچى يوق ،
باي غوجامدەك ئۆتىدۇ، مەھەللىدە غوجى يوق،
كىلىن شۇنداق ھەم يۇمشاق، غەم-قايغۇغا پاتىدۇ .
كىلىن ئانا بولغاندا، كىلىن كېلەر ئۆيىگە ،
قىسمەت شۇنداق بولىدۇ، ئۆتنە ئالەم بىرىگە ،
قەدىرىنى بىلەيلى، ئاتا-ئانا مېھرىگە ،
ئىللىق دۇنيا كۆز ئاچار، خۇشخۇي مېجەز كىشىگە ،
كىلىن بولساڭ ئانىسەن، كىلىن سېنى باقىدۇ...
ئاپتۇرى: يۈسۈپجان سابىر ئوتياق | 
يوللانغان ۋاقتى 
يوللانغان ۋاقتى 