مەپتۇن بلوگى

ﺩﯗﻧﻴﺎﺩﯨﻜﻰ ﺋﻪﯓ...... . دۇنيادىكى ئەڭ قىممەت كىنو: < تىتانىك ناملىق پاراخوت > فىلىمىنىڭ ئىشلىنىشىگە 200 مىليون ئامېرىكا دوللىرى مەبلەغ سېلىنغان. 2. دۇنيادىكى ئەڭ قىممەت ئېلان: 2002 _ يىلى پېپسى شىركىتى ناخشا چولپىنى جىران سېپىرسنى مەھسۇلات تونۇشتۇرۇش ئېلانىغا تەكلىپ قىلغاندا، قىسقىغىنا 90 سېكۇنتلۇق ئېلان ئۈچۈن 7 مىليون 530 مىڭ ئامېرىكا دوللىرى ھەق بەرگەن. 3. دۇنيادىكى ئەڭ قىممەت ساياھەت: ئامېرىكىلىق سودىگەر دېننېت تىتو بىلەن جەنۇبىي ئافرىقىلىق بىللىونېر ماك شوتلېۋۇت ھەر قايسىسى ئايرىم _ ئايرىم ھالدا 20 مىليون ئامېرىكا دوللىرى چىقىم قىلىپ ئالەم پونكىتىنى ساياھەت قىلغان. 4. دۇنيادىكى ئەڭ يۇقىرى ئىستېماللىق شەھەر: ھەرقانداق بىر جاينىڭ ئىستېمال سەۋىيىسى توكيونىڭكىگە تەڭ كېلەلمەيدۇ. 5. دۇنيادىكى ئەڭ قىممەت ئاياغ: داڭلىق ئۈنچە _ مەرۋايىت سودىگىرى ستوئۇت ۋىرمان 642 دانە ياقۇت ئورنىتىپ ياسىغان ئېگىز پاشنىلىق ئاياغنىڭ باھاسى 1 مىليون 600 مىڭ ياۋرۇ. ئۇ دۇنيادىكى ئىسمى _ جىسمىغا لايىق ئەڭ قىممەت ئېگىز پاشنىلىق ئاياغ ھېسابلىنىدۇ. 6. دۇنيادىكى ئەڭ قىممەت رەسىم: رېۋبېنىسنىڭ ماي بوياق رەسىمى < بوۋاقنى خورلاش> 2002 _ يىلى 73 مىليون 500 مىڭ ياۋرۇغا سېتىۋېلىنغان. 7. دۇنيادىكى ئەڭ قىممەت كىيىم: ئامېرىكا ئالەم ئۇچقۇچىللىرىنىڭ كىيىمىنىڭ ھەر بىر يۈرۈشىنىڭ باھاسى 9 مىليون ئامېرىكا دوللىرى. 8. دۇنيادىكى ئەڭ قىممەت مېھمانخانا: ئەرەب بىرلەشمە خەلىپىلىكى دۇبەي شەھىرىنىڭ < بوريا ئەل ئەرەب> مېھمانخانىسىنىڭ بىر يۈرۈش ياتىقى 770 ياۋرۇ. پادىشاھ يۈرۈشلۈك ياتىقىنىڭ باھاسى 7700 ياۋرۇ. 9. دۇنيادىكى ئەڭ قىممەت تاۋار ماركىسى: < كوكا كولا > نىڭ قىممىتى 68 مىليارد 900 مىليون ئامېرىكا دوللىرى بولۇپ، پۈتۈن شىركەت باھاسىنىڭ %60 تىگە باراۋەر كېلىدۇ. 10. دۇنيادىكى ئەڭ قىممەت كىتاب: < لېستېر قانۇنلار توپلىمى: سۇ، يەر شارى ۋە ئاسمان جىسىملىرى توغرىسىدا مۇلاھىزە> ناملىق كىتاب بىر خىل ئالاھىدە قىممەتلىك زىننەت قەغىزىگە ئالاھىدە قوغۇشۇن ھەرىپى ئارقىلىق بېسىلغان. بىل گايتىس بۇ كىتابنى 24 مىليون ئامېرىكا دوللىرىغا سېتىۋالغان.