توختى ئايۇپنىڭ تەرجىمھالىلۇغەت

illiq

3d

* w& D0 T& Q: M: ^2 T6 f; Rيازغۇچى توختى ئايۇپ 1945 – يىل كۇچا ناھىيسىدە ئوقۇتقۇچى ئائىلىسىدە تۇغۇلغان، 1953 – يىلدىن 1961 – يىلغىچە كۇچا ناھىيسىدە باشلانغۇچ – ئوتتۇرا مەكتەپلەردە ئوقۇغان، 1961 – يىلدىن 1963 – يىلغىچە ئاقسۇ ۋىلايەتلىك دارىلمۇئەللىمىندە ئوقۇغان، ئوقۇش پۈتتۈرگەندىن تارتىپ 1979 – يىلغىچە كۇچا ناھىيلىك سەنئەت ئۆمىكىدە كەسپىي ئىجادىيەتچى بولۇپ ئىشلىگەن، 1979 – يىلى «ئاقسۇ ئەدەبىياتى» ژۇرنىلىنى تەسىس قىلىش ئىشىغا قاتناشقان ۋە شۇنىڭدىن ئېتىبارەن ژۇرنالنىڭ مۇھەررىرى بولۇپ ئىشلىگەن. توختى ئايوپ 1982 – يىلى شىنجاڭ خەلق نەشرىياتىغا يۆتكىلىپ كېلىپ، مۇھەررىر بولۇپ ئىشلىگەن، 1988 – يىلدىن تارتىپ شىنجاڭ يازغۇچىلار جەمئىيىتىنىڭ كەسپىي يازغۇچىسى بولۇپ ئىشلەپ كېلىۋاتىدۇ.
- _% H6 f5 G& U4 g
توختى ئايۇپ ئەدەبىيات ساھەسىگە 60 – يىللاردا ئېلان قىلىنغان شېئىرلىرى بىلەن كىرىپ كەلگەن، 70 – يىللارنىڭ ئاخىرلىرىدا قولىغا قايتا قەلەم ئالغاندىن بېرى، ئىزچىل تۈردە پروزا ئىجادىيىتى بىلەن شۇغۇللىنىپ ھازىرغىچە «قاراۋۇل»، «ھايات قەدرى»، «مۈڭگۈز»، «غۇر – غۇر شامال»، «بۆشۈك»، «ئاخىرقى ئىبادەت»، «گۇگۇمدىكى تەنھالىق» قاتارلىق ھېكايىلارنى، «مارجان بۇلاق»، «قۇم باسقان دېڭىز» قاتارلىق بىر قىسىم پوۋېستلارنى ۋە «تەڭرىنىڭ ھۆكمى» ناملىق رومانىنى يېزىپ، ئەدەبىياتچىلار ۋە كىتابخانلارنىڭ ياخشى باھاسىغا ئېرىشكەن.
1 I1 Z$ D/ U+ w0 M
+ [* Y& H; k* t. ^توختى ئايۇپ ئەدەبىياتنىڭ باشقا ساھەلىرىدىمۇ قەلەم تەۋرىتىپ، ئاممىنىڭ ئالقىشىغا ئېرىشكەن، ئۇ، «قىساس» قاتارلىق دراملىلارنى، «بەخت ئىزلىگۈچى»، «ساقچى بىلەن شەيتان» قاتارلىق كىنو سىنارىيىسى – تېلېۋىزىيە تىياتىرلىرىنى، «كېلىچەك مۇشۇ يەردىن باشلىنىدۇ» غا ئوخشاش ئەدەبىي ئاخباراتلارنى يازغان.
توختى ئايۇپ ئىجادىيەت جەھەتتىكى نەتىجىلىرى ئۈچۈن كۆپ قېتىم مۇكاپاتلانغان، جۈملىدىن 1991 – يىلى جۇڭگودا تەسىرى نىسبەتەن چوڭ بولغان جۇاڭ جىڭۋىن ئەدەبىيات مۇكاپاتىغا ئېرىشكەن.
. L! O! W( ^/ F) h
توختى ئايۇپنىڭ ھازىرغىچە نەشر قىلىنغان ئەسەرلىردىن «ھايات قەدرى» (1983 – يىل، شىنجاڭ خەلق نەشرىياتى) ناملىق ھېكايىلار توپلىمى، «مارجان بۇلاق» (1985 – يىل، شىنجاڭ ياشلار – ئۆسمۈرلەر نەشرىياتى) ناملىق ھېكايە – پوۋېستلار توپلىمى، «ئارمان» (1988 – يىل، شىنجاڭ خەلق نەشرىياتى) ناملىق پوۋېستلار توپلىمى، «قۇم باسقان دېڭىز» (1991 – يىل، شىنجاڭ ياشلار – ئۆسمۈرلەر نەشرىياتى) ناملىق پوۋېستلار توپلىمى، «غۇر – غۇر شامال» (1993 – يىل، مىللەتلەر نەشرىياتى) ناملىق ھېكايىلار توپلىمى، «تەڭرىنىڭ ھۆكمى» (1994 – يىل، شىنجاڭ ياشلار – ئۆسمۈرلەر نەشرىياتى) ناملىق رومانى قاتارلىقلار بار.
7 |1 \+ p2 j; p' f; l7 A- P# @6 ]! i' s
9 G: ^1 W  F! E" ]توختى ئايۇپ ھازىر 2 – دەرىجىلىك كەسپىي يازغۇچى، جۇڭگو يازغۇچىلار جەمئىيىتىنىڭ ئەزاسى، جۇڭگو ئاز سانلىق مىللەت يازغۇچىلىرى ئىلمىي جەمئىيىتىنىڭ، شىنجاڭ يازغۇچىلار جەمئىيىتىنىڭ ئەزاسى.
..ئىزدە

 

                                                   كىرگۈزگۈچ ئايال بالا پەن ئىللىق

ياغاچ

ئىنكاس يېزىپ قوللاپ قويايلى！