مۇنداق ئالتە خىل بالا ئەڭ ئەقىللىقلۇغەت

تەمكىن · ۋاقتى: 2012-3-31 19:07:09

مائارىپ

مۇنداق ئالتە خىل بالا ئەڭ ئەقىللىق

ئادەم ئۆز بالىسىنىڭ تېخىمۇ ئەقىللىق بولۇشىنى ئۈمىد قىلمايدىغان ئادەم بولمىسا كېرەك، ئۇنداقتا قانداق قىلغاندا كۆڭۈلدىكىدەك بولىدۇ؟ مۇتەخەسسىسلەر شۇنى ئېسىڭىزگە سالىدۇكى، ئەقىل بۆلۈنمىسى يۇقىرى بالىلارنىڭ كۆپىنچىسىدە تۆۋەندىكى ئالاھىدىلىكلەر بولىدۇ:

1.يىراق قانداشلار توي قىلغاندا تۇغۇلغان بالا.ماتېرىياللاردا كۆرسىتىلىشىچە، ئاتا- ئانا بىر يەرلىك بولسا بالىنىڭ ئوتتۇرىچە ئەقىل بۆلۈنمىسى 102.45، ئاتا- ئانا ئۆلكە ئىچىدىكى باشقا- باشقا يەردىن بولسا، بالىنىڭ ئوتتۇرىچە ئەقىل بۆلۈنمىسى 106.17 بولىدىكەن، باشقا- باشقا ئۆلكىدىكىلەر توي قىلغاندا تۇغۇلغان پەرزەنتلەرنىڭ ئەقىل بۆلۈنمىسى 109.35 كە يېتىدىكەن. ئۇنىڭدا باشقا يەرلىكلەر توي قىلغاندا كېيىنكى ئەۋلادلارنىڭ ئەقىل بۆلۈنمىسى سەۋىيىسىنى ئۆستۈرۈشكە بولىدىغانلىقى كۆرسىتىلگەن.

2. ئاتا- ئانا ئەڭ ياخشى پەرزەنت كۆرۈش مەزگىلىدە تۇغۇلغان بالا. بىر پارچە ئارىلاپ تەكشۈرۈش نەتىجىسىدە كۆرسىتىلىشىچە، ئانا 23 ياشقا كىرىشتىن ئىلگىرى تۇغۇلغان پەرزەنتنىڭ ئوتتۇرىچە ئەقىل بۆلۈنمىسى 103، 24~ 28 ياشقىچە بولغان ئارىلىقتا تۇغۇلغانلارنىڭ 109 غا يېتىدىكەن، ئەمما زىيادە كېچىكىپ (29 ياشقا كىرگەندىن كېيىن) تۇغۇلغان پەرزەنتنىڭ 105 تىن تۆۋەن بولىدىكەن. شۇڭا مۇتەخەسسىسلەر 24 ~ 29 ياشقىچە بولغان ئارىلىق تۇغۇت يېشىدىكى ئاياللارنىڭ ئەڭ ياخشى تۇغۇت مەزگىلى دەپ كۆرسىتىدۇ. ئەرلەرگە كەلسەك، 30 ياش ئەتراپىدا ئاتا بولۇش ئەڭ ياخشى.

3. ئانا سۈتىنى ئىمىپ چوڭ بولغان بالا. ئەنگلىيىنىڭ كامبرىج ئۇنىۋېرستېتىنىڭ ئوزۇقلۇقشۇناسى 7~ 8 ياشلىق 300 بالىنىڭ ئەقىل بۆلۈنمىسىنى سىناپ كۆرگەن ھەمدە بوۋاقلارنىڭ يېمەكلىكى بىلەن سېلىشتۇرۇپ، ئانا سۈتىنى ئىمىپ چوڭ بولغان بالىنىڭ ئەقىل بۆلۈنمىسىنىڭ ئومۇميۈزلۈك بىر قەدەر يۇقىرى بولىدىغانلىقىنى، باشقا سەپلىمە سۈتلەر بىلەن بېقىپ چوڭ قىلىنغان تەڭتۇش بالىلارنىڭكىدىن ئوتتۇرىچە 10 نومۇر كۆپ بولىدىغانلىقىنى بايقىغان.

4. بەدەن ئېغىرلىقى مۇۋاپىق بولغان بالا. ئالاقىدار مۇتەخەسسىسلەر نورمال بەدەن ئېغىرلىقى %20 ئېشىپ كەتكەن سېمىز بالىنىڭ كۆرۈش، ئاڭلاش سېزىمى، بىلىمنى قوبۇل قىلىش ئىقتىدارى تەڭتۇش نورمال بالىغا قارىغاندا تۆۋەن سەۋىيە ھالىتىدە تۇرىدىغانلىقىنى بايقىغان.

5. ناشتىلىقنى ياخشى قىلىشنى داۋالاشتۇرغان بالا. ئامېرىكا سۋانسېيە ئۇنىۋېرسىتېتىنىڭ پسىخولوگىيە دوكتورى داۋىد بېنتون ناشتىلىقنىڭ مۇھىم ئەھمىيىتىنى ئالاھىدە تەكىتلىگەن. ئۇنىڭ تەكشۈرۈش ماتېرىيالىدا كۆرسىتىلىشىچە، ناشتا قىلغاندىن كېيىن قىيىنلىق دەرىجىسى يۇقىرى ئىمتىھانغا قاتناشقان ئوقۇغۇچىلارنىڭ ئېرىشكەن نومۇرى ئاچ قورساق قاتناشقان ئوقۇغۇچىلارغا قارىغاندا كۆرۈنەرلىك يۇقىرى بولغان،

6. كۆپ ھەرىكەت قىلىدىغان بالا. ئامېرىكىنىڭ بېرۇچ ئىنستىتۇتىنىڭ دوكتورى نيۇسورا بىر تەتقىقاتتا ئومۇمەن ھەر قېتىمدا يۈگۈرۈش، گۈزەللىك گىمناستىكىسى ئويناشتىن 20 مىنۇت داۋاملاشتۇرغان ئوقۇغۇچىلارنىڭ ئۆگىنىش نەتىجىسى ھەرىكەت قىلىشقا ئېرىنىدىغان بالىلارغا قارىغاندا كۆرۈنەرلىك يۇقىرى بولىدىغانلىقى بايقالغان. ئۇ مۇنداق تەكىتلەيدۇ، چېنىقىش چوڭ مېڭىنى دەسلەپكى ھەرىكەت ياكى بوشىشىش ھالىتىدە تۇرغۇزىدۇ، تەسەۋۋۇر كۈچى تۈرلۈك تەپەككۇر ئاسارىتىدىن قۇتۇلۇپ، تېخىمۇ سەزگۈر، ئىجادچانلىققا تېخىمۇ باي بولىدۇ.
مەنبەسى:باغداش تورىئىزدە

كىرگۈزگۈچ ئايال بالا پەن ئىللىق