ھىندىستاندا قىز بوۋاقلارنى قىرىش بورىنى ئەۋج ئېلىپ كەتكەنلىكتىن، نۇرغۇنلىغان يېزا-كەنت، ناھىيە-بازالاردا كېلىنچەكلەر ئاز. ھىندىستانلىق قىز كارجى ئاتىسى تەرىپىدىن بىر ئائىلىدىكى بەش ئوغۇلغا خوتۇن قىلىپ بېرىلگەن، ئۇلارنىڭ بوزەك قىلىشىغا، زورلۇق-زومبۇلۇقىغا ئۇچرىغان. «قىز يوق دۆلەت» ناملىق كىنودا، 21-ئەسىردىكىدەك بۈگۈنكى كۈندە، ھىندىستاندىكى جىنىس كەمسىتىش ئېلىپ كەلگەن يامان ئاقىۋەتلەر تەسۋىرلەنگەن.
ئەڭ يېڭى نوپۇسنى ئومۇميۈزلۈك تەكشۈرۈش نەتىجىسىگە ئاساسلانغاندا، ھىندىستاندا ئەر-ئايال نىسبىتىنىڭ تەڭپۇڭسىزلىقى كىشىنى چۆچۈتىدىكەن. ھىندىستان زۇڭلىسى بۇنىڭدىن ئېچىنىپ : بالا چۈشۈرۈش بىلەن قىز بوۋاقلارنى قىرىشتەك يامان ئىللەت ھىندىستاننىڭ «دۆلەت ئار-نومۇسى» دېگەن. نۆۋەتتە، ھىندىستاندىكى ئەر-ئايال تەڭپۇڭسىزلىقى ھىندىستان جەمئىيتىدىكى نىكاھ-ئائىلە ئەندىزىسىگە قاتتىق تەسىر يەتكۈزىۋاتىدۇ. «بالا كېلىنچەك»، «نىكاھ ئالماشتۇرۇش»، «نىكاھىنى ئىجارىگە بېرىش»قاتارلىق ناھايىتى بەتبەشىرە ھادىسە قايتا باش كۆتۈرۈپ، جىنسىي جىنايەتنىڭ كۈنسىرى كۆپىيىپ كېتىشىنى كەلتۈرۈپ چىقىرىۋاتىدۇ.
ھىندىستاندىكى ئادەم تىللىغاندا دېيىلىدىغان ئەڭ سەت گەپ بولسا :« ئىلاھىم، قىز تۇغۇپ قالاسە، قىز پەرزەنتلىك بولۇپ قالاسە»دېگەن سۆز. ئەگەر ئەر كىشى يېڭىدىن ئاتا بولغان بولسا، بىرەسى بالاڭ قىزمۇ ئوغۇلمۇ دەپ سورىغان بولسا، ئەگەر ئەر كىشى ئىككى قولىنى يېپىپ ئاندىن بىر ئاچسا «ئىككى قولى قۇپقۇرۇق» دېگەن مەنىدە يەنى قىز تۇغدى دېگەن مەنىدە بولىدۇ. راجاستان ئېلىدە، قىز تۇغۇلسا ئىدىش چاقىدۇ، پالاكەت باستى دېگەن مەنىنى، زىيان چىقتى دېگەن مەنىنى بىلدۈرىدۇ.
گۇزېرا ئېلىدە مۇشۇنداق جىددىي ئەھۋال ئاستىدا، شۇ يەر ھۆكۈمىتى «قىز بوۋاقلارنى قۇتقۇزۇش»ھەرىكىتى باشلىغان، «ئاستا بولسىمۇ ئۈنۈملۈك بولۇش»تەك نەتىجىگە ئېرىشكەن. ئۇزۇن يىللاردىن بۇيان، كىلارا ئېلىدە، ئوڭۇشلۇق ھالدا ساۋاتسىزلىقنى تۈگىتىش، ئەر-ئاياللار باراۋەر بولۇش مائارىپىنى تەشۋىق قىلغان.نۆۋەتتە بۇ ئەلدە نۇرغۇن تاكسى شوپۇرلىرى ئاياللار بولۇپ، جەمئىيەتتە ھۆرمەتكە سازاۋەر بولغان. 2011-يىلىدىكى نوپۇسنى ئومۇميۈزلۈك تەكشۈرۈش نەتىجىسىگە ئاساسلانغاندا، ئوغۇل-قىز نىسبىتى 1000:959كە يەتكەن، بۇ ھىندىستاندىكى ئەللەر ئىچىدە ئالدىنقى قاتاردا تۇرىدۇ.
بومبايدىكى ماخاراشتىرا ئېلىدە، بىر قەدەر باي بولغان يەرلىك ھۆكۈمەت، نەق پۇل ئارقىلىق ئىلھاملاندۇرۇش سىياسىتىنى ئوتتۇرىغا چىقارغان، يەنى قىز بوۋاق تۇغۇلغان ھامان، شۇ بوۋاققا ھېسابات كارتىسى ئېچىپ ئىچىگە 5000رۇپىيە يەنى 1000يۈەن خەلق پۇلى ئۇرۇپ بېرىدىكەن. ئەگەر شۇ قىز بوۋاق چوڭ بولۇپ ئوقۇشىنى تاماملاپ، 18ياشتىن كېيىن توي قىلسا بۇ پۇلغا ئىزچىل ئېرىشەلەيدىكەن.
