2012-يىللىق دۇنيا گۈزىلىنى تاللاش مۇسابىقىسى 18-ئاۋغۇست ئىچكى موڭغۇلنىڭ ئوردۇس شەھىرىدە ئاياقلاشقان بولۇپ، جۇڭگو گۈزىلى يۈ ۋېنشىيا 100 دىن ئارتۇق رەقىبىنى يېڭىپ چىمپىيون بولدى. ئالدىنقى نۆۋەتلىك دۇنيا گۈزىلى ۋېنېسۇئېلالىق نازىنىن يۈ ۋىنشىياغا تاج كەيدۈرگەندە پۈتۈن مەيداننى گۈلدۈراس ئالقىش سادالىرى قاپلىدى. يۈ ۋىنشىيا دۇنيانىڭ ھەرقايسى جايلىرىدىن كەلگەن 115 نازىنىننى يېڭىپ، 2007-يىلىدىن بۇيانقى جۇڭگوغا ۋاكالىتەن ئىككىنچى قېتىم چىمپىيونلۇققا ئېرىشكەن دۇنيا گۈزىلى بولۇپ قالدى. ئىككىنچى ۋە ئۈچىنچىلىككە ئېرىشكۈچىلەر ۋېلش ۋە ئاۋسترالىيە ۋەكىللىرى.

    بۇ يىل 23 ياشقا كىرگەن يۈ ۋىنشىيا مۇزىكا فاكۇلتېتىنىڭ ئوقۇغۇچىسى بولۇپ، ئۇ ئۆزىنىڭ بىر مۇزىكا ئوقۇتقۇچىسى بولغۇسى بارلىقىنى، بۇ قېتىم چىمپىيون بولالىغانلىقىدىن ئۆزىمۇ ھەيران قالغانلىقىنى بىلدۈردى.

    يۈ ۋىنشىيا مەيلى تاشقى قىياپەت ياكى سالاپەت جەھەتتىن بولسۇن، كۆپچىلىكنىڭ نازىنىنغا بولغان ئۆلچىمىگە توشىدىغان بولۇپ، «جۇڭگوچە گۈزەل» لىكىنى بىلەن كۆپچىلىككە قايتىدىن دۇنياۋى ئۆلچەمدىكى گۈزەللىك تاللاش ئۆلچىمىنى قايتىدىن نامايان قىلىپ بەردى.