شىپاھلىق مېۋىلەر

yadikar

1.ئەنجۈر:
چېچەكلىمەيدىغان، يىلىغا 3قېتىم مېۋە بېرىدىغان، مېۋىسى تاتلىق، شىرنىلىك بولۇشتەك ئالاھىدىلىكلىرى بىلەن باشقا مېۋىلەردىن پەرىقلىنىپ تۇرىدىغان ئىسىل مېۋىلەرنىڭ بىرى.
ئۇيغۇر تىبابەتچىلىگىدە، ئەنجۈر كىشىنى سەمرىتىش، يۈرەكنىڭ ئىسسىغىنى ياندۇرۇش رولىغا ئىگە، دەپ قارالماقتا. كونكىرىت ئېيتقاندا، ئۇ مۇنداق شىپالىق رولىغا ئىگە:
ئەنجۈر مۇرابباسى بەلغەمنى بوشىتىدۇ، ئەنجۈر قېقى قېقى بەدەندىكى كېەكسىز ماددىلارنى يوقىتىدۇ. ھۆللۈك ياكى سوغاقتىن پەيدا بولغان كېسەللىكلەرگە پايدا قىلىدۇ. ئەنجۈر قېقىنىڭ تالقىنى جاراھەت سۈيىنى يوقىتىدۇ. ئەنجۈر قېقى قاينىتىلغان سۇدا ئېغىز چايقالسا، تىل ۋە كاناي ئىششىقلىرى يانىدۇ، ھەسەل بىلەن قاينىتىلغان سۇيى كۆكرەكنى، ئۆپكىنى تازىلايدۇ. ئەنجۈر سۇيى قوساق ئاغرىقىغا پايدا قىلىدۇ. ئەنجۇر قېقى ياڭاق مېغىزى بىلەن سوقۇلغاندىن كېيىن كاپ ئېتىلسە، ئىشتەي ئېچىلىدۇ. پىشقان ئەنجۇرنى ئۈزگەندە ساپىغىنى ساقىپ چىقىدىغان سۇ(سۈت) سوگەل ئەتراپىغا 4-3 كۈنگىچە سۈركەپ بېرىلسە، سۆگەل چۈشۈپ كېتىدۇ، ئۇ تەمرەتكىگىمۇ شىپا بولىدۇ.

مەنبە: ماتىرىياللاردىن«مۇنبەر ئىشخانىسى»تەييارلىدى. ئەمگىكىمىزگە ھۆرمەت قىلىڭ!

yadikar

2.ئۈجمە

ئۈجمە مېۋىسىنىڭ تەركىبىدە ۋىتامىن C، B، A، PP، گلۇكوزا، پىراكتوزا، ئالما كىسلاتاسى، ئاقسىل، تاننىن، كالتىسىي ۋە ئانئورگانىك تۇز قاتارلىقلار بار، ئۇلار جىگەر كېسەللىكى، بەدەن ئاجىزلىقى، قان ئاجىزلىقى، بۆرەك ئاجىزلىقى، تال كىسەللىكى ۋە ئورۇقلاپ كەتكەنلەرنى سەمرىتىشنىڭ شىپالىق دورىسى ھىساپلىنىدۇ.
ئۈجمە مىۋىسى قۇرۇق ئىسسىق، زەھەرسىز، ئۇسسۇزلۇقنى پەسەيتىپ، بەدەننى قۇۋۋەتلەندۈرىدۇ، جىگەر ھەم بۆرەكنى كۈچەيتىدۇ، ئىچكى ئەزانى قۇۋۋەتلەيدۇ، سۈيدۈك ھەيدەيدۇ، ئىچ قېتىشنى داۋالايدۇ، كەم قانلىق، قۇلاق غۇڭۇلداش، كۆز قاراڭغۇلىشىش كېسىلىگە ئالاھىدە پايدا قىلىدۇ. ئۈجمىنىڭ يوپۇرمىقىدا گلۇكوزا ۋە ئورگانىك كىسلاتا بار. ئۇنىڭ تەبىئىيتى سوغۇق دەپ قارىلىدۇ. ئۇ يەل تارقىتىش، قىزىتما قايتۇرۇش، قاننى سوۋۇتۇش، كۆزنى روشەن قىلى، ئىسسقتىن بولغان زۇكام، يۆتەل، باش ئاغرىقى، كۆزنىڭ قىزىللىقىنى داۋالاشتا ئۈنۈملۈك دورا ھىساپلىنىدۇ. ئۈجمە يىلتىزىنىڭ ئاق پوستىدا ئامرىن، گلۇكوزا، رىزىنناتنتول قاتارلىق ماددىلار بار. ئۇنىڭ تەبىئىتى قۇرۇق سوغۇق دەپ قارىلىدۇ، ئۇ دەم سىقىلىشنى، قورساق كۆپۈشنى، سۇلۇق ئىششىقنى، قان تۈكۈرۈشنى داۋالاش رولىغا ئىگە.
ئۈجمە يىلتىزىنىڭ ئاق پوستى ئۇزاق مۇددەت قاينىتىلىپ ئىچىپ بېرىلسە ئۆپكىنى ياشارتىدۇ. ئۈجمىنىڭ نوتا شېخىدا مول مىقداردىكى تاننىن ماددىلىرى بار، ئۇنىڭ يېڭى چىققان، چاتالمىغان، يوپۇرماقسىز نوتا شاخلىرى ئۇششاقلىنىپ، قاينىتىلىپ قويۇقلاشتۇرۇلۇپ ئىچىلسە، سوغۇق يەلنى يوقىتىپ، بوغۇملارنى ياخشىلايدۇ، رېماتىزىم، پىللاگرا، پۇت- قول قولىشىشلارنى داۋالايدۇ، قاندىكى يەلنى تۈگىتىپ، بەش ئەزانى ياخشىلايدۇ.
قارا ئۈجمە شىنىجاڭنىڭ ھەممە جايلىرىغا تارقالغان مېۋىلىك دەرەخ. ئۇنىڭ يوپۇرمىقى بىلەن پىلە قۇرتى بېقىلىپ يىپەك ئىشلەپچىقىرىلغاندىن باشقا، مېۋىسى ئىنسانلارنىڭ سالامەتلىكى ئۈچۈن دورىلىق رول ئوينايدۇ. قارا ئۈجمە راسا مەي بولۇپ پىشقاندا ئۇنى ئوبدان قاينىتىپ، شىرنە قىلىپ ئىچىپ بەرگەندە، قان كەملىك كېسەلىكى شىپا تاپىدۇ. قارا ئۈجمە شىرنىسى يەنە بەدەندىكى تۆمۈر ماددىسىنى تولۇقلايدۇ، مىجەزنى تەڭشەيدۇ، بەدەندىكى ھەرخىل توسالغۇلارنى ئېچىپ، قان تومۇرنى تازىلايدۇ، تال، جىگەرنى قۇۋۋەتلەندۈرۈپ، ئۇلارنىڭ ھەرىكىتىنى ياخشىلايدۇ، تەرەتنى يۇمشىتىپ راۋانلاشتۇرىدۇ. بۆرەككە ياغ پەيدا قىلىدۇ، يۆتەلنى توختىتىپ ئۆپكىنى ياشارتىدۇ، تۈرلۈك سەۋەبلەردىن بولغان قان تۈكۈرۈشلەرگە شىپا بولىدۇ.

مەنبە:ماتىرىياللاردىن«مۇنبەر ئشخانىسى»تەييارلىدى.ئەمگىكىمىزگە ھۆرمەت قىلىڭ!

yadikar

قوغۇن
تەبىئىتى: ھۆل ئىسسىق
تەركىبى: ئاقسىل، ياغ، قەنت، كالىتىسي،گلۇكوزا،قۇمۇش شېكىرى،ئالما كىسلتاسى،لىمون كىسىلتاسى،شارسىمان ئاقسىل، فوسفور، تۆمۈر، كاروتىن، ۋىتامىن B2، PP، Cقاتارلىق ماددىلار بار.
شىپالىق رولى: ئىچنى يۇمشىتىش،بۆرەك ۋە دوۋساقتىكى تاشنى ئېرىتىپ چىقىرىش، توسالغۇلارنى ئېچىش، مېڭە ۋە بەدەنگە ھۆللۈك يەتكۈزۈش، پالەچ- لەقۋا كېسەللىكىنى داۋالاش،ئۇسسۇزلۇقنى قاندۇرۇش رولىغا ئىگە.
تولۇق پىشقان قوغۇن مۇۋاپىق ئىستېمال قىلىپ بېرىلسە، بەدەنگە ھۆللۈك يەتكۈزۈپ، بەدەننى سەمرىتىدۇ، قان بېسىمىنى چۈشۈرىدۇ، بۆرەك كېسەللىكى، جىگەر كېسەللىكى، دوۋساق ئىششىقى قاتارلىق كېسەللىكلەرگە شىپا بولىدۇ. قوغۇن بىلەن زىرە ئارىلاشتۇرۇپ تەييارلانغان مۇراببا ھەركۈنى تاماقتىن كېيىن ئىككى ۋاخ ئىستېمال قىلىنسا ئىشتىھا تۇتۇلۇش،چارچاش، چاچ چۈشۈش، ئەستە تۇتۇش قابىلىيتى تۆۋەنلەش ، جىنسىي ئاجىزلىق، نېرۋا ئاجىزلىق، بەدەن ئاجىزلىق، قان ئازلىق، پۇت- قول ئىششىپ قېلىش، جىگەر- بۆرەك زەئىپلىكى، ئۆپكە كېسەللىكى، يۈرەك كېسەللىكى قاتارلىقلارغا شىپا بولىدۇ.
دىققەت قىلىدىغان ئىشلار:
قوغۇن كۆپ يېيىلسە بەدەندىكى ھۆللۈك مىقدارى ئېشىپ كەتكەنلىك سەۋەبىدىن بەدەن بوشىشىپ كېتىدۇ.ئۇندىن باشقا ئۆپكە سىلى، ئاشقازان ئاستى بېزى ياللۇغى بار كىشىلەر قوغۇننى ئاز ئىستېمال قىلىشى لازىم. ئۇلار قوغۇن يېمەكچى بولسا، قوغۇننى ھەسەل ياكى زىرە قاتارلىقلار بىلەن بىرگە ئىستېمال قىلسا بولىدۇ.

مەنبە:ماتىرىياللاردىن«مۇنبەر ئشخانىسى»تەييارلىدى.ئەمگىكىمىزگە ھۆرمەت قىلىڭ!

yadikar

تاۋۇز
تەبىئىتى:ھۆل سوغۇق.
تەركىبى:1.2گرام ئاقسىل،تۆت گرام قەنت،ئالتە مىللىگرام كالتىسىي،ئون مىللىگىرام فوسفۇر،ئۇندىن باشقا تۆمۈر،كاروتىن، ۋىتامىن B1، B2،PP ،C قاتارلىق ماددىلار بار.
شىپالىق رولى:سەپرا ۋە قاننىڭ تېزلىكىنى پەسەيتىش، تەشنالىقنى قاندۇرۇش، سۈيدۈكنى راۋانلاشتۇرۇش،بەدەننىڭ قۇرۇقلىقىنى ھۆللەشتۈرۈش،كۆيۈك تەپلەرنى پەسەيتىش، قىزىتما قايتۇرۇش،تاماق سىڭدۈرۈش،يۇقىرى قان بېسىمنى تۆۋەنلىتىش، بۆرەك كېسىلىدىن بولغان سۇلۇق ئىششىق،ئىسسىق ئۆتۈش،قەنت سىيىش  قاتارلىق كېسەللەرنى داۋالاش رولىغا ئىگە.
تەتقىقاتلارغا ئاساسلانغاندا،ئادەم ھەركۈنى30-50 گرامغىچە سېللۇزىغا ئىھتىياجلىق ، سېللۇلوزا يېتىشمىسە چوڭ ئۈچەينىڭ پائالىيتىگە تەسىر يەتكۈزۈپ، ئادەم بەدىننى ئاجىزلاشتۇرۇۋىتىدۇ. ھەر يۈز گرام تاۋۇزنىڭ تەركىبىدە سېللۇلوزا 0.5 گرام بولىدۇ.ئەگەر كىشلەر تاۋۇز بىلەن مۇۋاپىق ئوزۇقلانسا، سېللۇلوزىنى تولۇقلىيالايدۇ. ئۇنىڭدىن باشقا، تاۋۇزنىڭ تەركىبىدە مېۋە يېلىمى بار، مېۋە يېلىمى ئۈچەي يوللىرىنى قوغدايدۇ.
دىققەت قىلىدىغان ئىشلار:
تاۋۇز كۆپ ئىستېمال قىلىنسا سوغۇق مىجەز كىشىلەرگە زىيان قىلىدۇ، ئاشقازاننىڭ سوغۇقلۇقىنى ئاشۇرۇۋېتىدۇ.بۇنداق ئەھۋالدا ھەسەل ياكى گۈلقەنت ئىستېمال قىلىنسا تاۋۇزنىڭ زەھىرى كېسىلىدۇ.
مەنبە:ماتىرىياللاردىن«مۇنبەر ئشخانىسى»تەييارلىدى.ئەمگىكىمىزگە ھۆرمەت قىلىڭ!

yadikar

نەشپۈت
  تەبىئىتى:ھۆل سوغۇق.
تەركىبى:0.1 گرام ئاقسىل،0.1 گرام ياغ،12 گرام قەنت،بەش مىللىگرام كالتىسىي،ئالتە مىللىگرام فوسفور،0.2 گرام تۆمۈر،0.01 مىللىگرام كاروتىن، 0.1 مىللىگرام ۋىتامىن B1،B2، 0.2 مىللىگرام ۋىتامىن PP،ئۈچ مىللىگرام ۋىتامىن C بار.
شىپالىق رولى:كۆڭۈلنى ئېچىش،يۈرەك،مېڭىنى قۇۋۋەتلەش،ئۆپكىنى سىلىقلاش، ئۆپكە تۇبېر- كىلوزى،كاناي ياللۇغى ۋە يۇقىرى نەپەس يولى يۇقۇملانغان بىمارلاردا كۆرۈلىدىغان گال قۇرۇش، قىچىشىپ ئاغرىش، ئۈنى پۈتۈش، بەلغەم قويۇق كېلىش قاتارلىق كېسەللىك ئالامەتلىرىگە قارىتا شىپالىق رولى بار.
ئۇندىن باشقا تۆۋەندىكىدەك بىر نەچچە تۈرلۈك شىپالىق رولىغا ئىگە: 1)قان بېسىمىنى تۆۋەنلىتىش. 2)قىزىتمىنى ياندۇرۇش.3)ئىشتىھانى ئېچىپ، ھەزىم قىلىشنى ياخشىلاش. 4)سۈيدۈكنى ھەيدەپ،چوڭ تەرەتنى راۋانلاشتۇرۇش.5)يۇقىرى قىزىتمىغا مۇپتىلا بولغاندا سۇ ۋە ئوزۇقلۇق تولۇقلاش.6)يەللىك بوغۇم ئاغرىقى،رىماتىزىم كېسىلى ۋە بوغۇم ياللۇغىنىڭ ئالدىنى ئالىدۇ.
نەشپۈت بولۇپمۇ، جىگەر ياللۇغى، جىگەر قېتىشىش كېسىلىگە گىرىپتار بولغانلار، بۆرەك ئىقتىدارى ياخشى كىشىلەرنىڭ ئىستېمال قىلىشىغا مۇۋاپىق كېلىدۇ.
دىققەت قىلىدىغانلار ئىشلار:
نەشپۈتنىڭ تەبىئىتىي ھۆل سوغۇق بولغاچقا،ئۇ كۆپ ئىستېمال قىلىنسا سوغۇقچان، ئاشقازىنى ئاجىز كىشىلەرگە زىيان قىلىدۇ.قورساقنى ئېسىدۇ ۋە ئاغرىتىدۇ. بەزىدە ئىچ سۈرۈشنى كەلتۈرۈپ چىقىرىدۇ. شۇڭا نەشپۈتنى ئاچ قورساققا يېمەسلىك، نەشپۈت يەپ ئارقىدىن سوغۇق سۇ ئىچمەسلىك لازىم.

مەنبە:ماتىرىياللاردىن«مۇنبەر ئشخانىسى»تەييارلىدى.ئەمگىكىمىزگە ھۆرمەت قىلىڭ!

yadikar

ئانار
تەبىئىتى:تاتلىق ئانار ھۆل سوغۇق،ئاچچىق ئانار سوغۇق.
تەركىبىي: ئانار دانىسىنىڭ تەركىبىدە ئاز مىقداردا ئاقسىل،1.1 گرام ياغ،12-20 گرامغىچە قەنت، مەلۇم مىقداردا تۆمۈر ۋە خېلى كۆپ مىقداردا ۋىتامىن C بولىدۇ.
شىپالىق رولى: ئورگانىزىمنى قۇۋۋەتلەش،قان كۆپەيتىش،ئىچ سۈرۈشنى توختىتىش، جىگەر ھارارىتىنى پەسەيتىش،قاننى جانلاندۇرۇش،قان توختىتىش، يۈرەكنى قۇۋۋەتلەش تەسىرگە ئىگە.
ئۇنىڭدىن باشقا تۆۋەندىكىدەك شىپالىق رولى بار:
1)ئانار شەربىتى يۈرەك قان تومۇر كېسەللىكلىرىنىڭ ئالدىنى ئالىدۇ.2)ئانار شەربىتى ئادەمنىڭ قېرىشقا قارشى تۇرىدۇ،3) راك كېسىلنىڭ ئالدىنى ئالىدۇ ۋە ئۇنى داۋالايدۇ.
دىققەت قىلىدىغانلار ئىشلار:
ئانارنى كۆپ ئىستېمال قىلغاندا، جىگەرنىڭ تارتىش كۈچىنى ئاجىزلاشتۇرۋىتىدۇ، چىشنىڭ ئېمال قەۋىتىنى چىرىتىدۇ، ئانار شىرنىسى تەركىبىدىكى پىگمىېنت چىشنى قارايتىپ قويىدۇ ھەمدە ئاسانلا ئىسسىقنى ئاشۇرۇپ، بەلغەم پەيدا قىلىدۇ.
شۇڭا،ئاشقازان كېسىلى،قورساق ئاغرىقى،يۆتەل كېسىلى بارلار ھەمدە زۇكامداپ قالغان ۋە ئۆتكۈر ياللۇغلىنىشقا گىرىپتار بولغانلار، چوڭ تەرىتى قېتىپ قالدىغانلار ئانار ئىستېمال قىلىشتا ئىھتېيات قىلىشى، دېئابىت كېسلىگە گىرىپتار بولغانلار ئانار ئىستېمال قىلىشتىن پەرھىز تۇتۇشى لازىم.

مەنبە: ماتىرىياللاردىن«مۇنبەر ئىشخانىسى»تەييارلىدى. ئەمگىكىمىزگە ھۆرمەت قىلىڭ!

yadikar

ئالما

تەبىئىتى:تاتلىق ئالماھۆل ئىسسىق،ئاچچىق ئالما قۇرۇق سوغۇق.
تەركىبى: ئالىمىنىڭ تەركىبىدە ئاقسىل، ماي، قەنت، كالتىسىي، فوسفور، تۆمۈر، كاروتىن، ۋىتامىن A، B1، B2، PP، Cلار، لىمون كىسلاتاسى، تاننىن كىسلاتاسى قاتارلىقلار بار.
شىپالىق رولى:جىگەر، يۈرەك، تال، مېڭىنى قۇۋۋەتلەش،قاننى جانلاندۇرۇش ، قان ئايلىنىشنى نورماللاشتۇرۇش، ماددا ئالمىشىشنى ئىلگىرى سۈرۈش، ياشانغانلاردىكى قان تومۇر قېتىش كېسەللىكىنىڭ ئالدىنى ئېلىش، كۆرۈش قۇۋۋىتىنى ئاشۇرۇش، ھەرخىل سەۋەبلەردىن كېلىپ چىققان كۆز كېسەللىكلىرىگە شىپا بولىدۇ. ئالمىنىڭ سۈيىنى نورمال ئىستېمال قىلىپ بېرىش يېڭى ئوپراتسىيە قىلىنغان كىشىلەرنىڭ سالامەتلىكىنىڭ تېز ئەسلىگە كېلىشىگە پايدىلىق. بىر دانە ئالمىنى پارچىلاپ تۇز سۈيىگە يېرىم سائەت چىلاپ ئېلىپ نورمال ئىستېمال قىلىش چىراينى گۈزەللەشتۈرىدۇ .ئالما چېچىكىدىن ياسالغان گۈلقەنت مېڭە، يۈرەك كېسەللىكلىرىگە شىپا بولىدۇ ۋە نېرۋا ئاجىزلىقتىن كېلىپ چىققان خامۇشلۇقنى يوقىتىدۇ.
دىققەت قىلىدىغان ئىشلار:
ئالما تەركىبىدە كۈچلۈك بولغان چىرىتكۈچى ماددا بولغانلىغى ئۈچۈن چىشنى چىرىتىپ قويۇشنىڭ ئالدىنى ئېلىش ئۈچۈن ئالما يىگەندىن كېيىن ئېغىزنى چايقاش لازىم. پىشمىغان خام ياكى سۈپىتى بۇزۇلغان ئالما يېيىشتىن قاتتىق ساقلىنىش كېرەك.

مەنبە: ماتىرىياللاردىن مۇنبەر ئىشخانىسى تەييارلىدى.ئەمگىكىمىزگە ھۆرمەت قىلىڭ.

yadikar

ئۈزۈم
تەبىئىتى:ھۆل ئىسسىق
تەركىبى:0.2 گرام ئاقسىل،20 گرام قەنت،تۆت مىللىگرام كالتىسىي،15 مىللىگرام فوسفوۇر،تۆمۈر،كاروتىن،لىمون،تارتىرات،چۆپ،ئالما،ئاممۇنىي كىسلىتاسى ۋە ۋىتامىن B1،ۋىتامىن PP،ۋىتامىن C بار.
شىپالىق رولى: بەدەنگە ئوزۇق بولۇش،ساپ قان ھاسىل قىلىش،قاننى تازىلاش، بەدەننى سەمرىتىش،تەرەتنى يۇمشىتىش،تىرىنى پارقىرىتىش،جىگەرنى قۇۋۋەتلەش، پەي-سۆڭەكلەرنى چىڭىتىش،يۆتەل توختىتىش،سۈيدۈكنى راۋانلاشتۇرۇش رولى بار.
ئۇندىن باشقا تۆۋەندىكىدەك پايدىلىق تەرەپلىرى بار:
1)ئۈزۈم ئۇرۇقىنىڭ يېغى 15گرام ئىچىلسە، مەيدە ئېچىشىشنى پەسەيتىدۇ؛ 12گرام ئىچىلسە ئۆتنى كۈچەيتىدۇ؛ 40-50گرام ئىچىلسە سۈرگىلىك رولىنى ئۆتەيدۇ.
2) ئۈزۈم يوپۇرمىقىنى سوقۇپ چېپىش ئارقىلىق تاشقى ئىششىقنى داۋالىغىلى بولىدۇ، ئۈزۈم يوپۇرمىقىنىڭ سۈيىنى ئىچكەندە،ئاياللارنىڭ ھامىلدار مەزگىلدىكى قۇسۇشى توختايدۇ.
دىققەت قىلىدىغان ئىشلار:
ئۈزۈمنى يۇماي يېيىش زىيانلىق،كۆپ ئىستېمال قىلىنسا ئىچنى سۈرۈۋىتىدۇ.

مەنبە: ماتىرىياللاردىن«مۇنبەر ئىشخانىسى»تەييارلىدى. ئەمگىكىمىزگە ھۆرمەت قىلىڭ!

yadikar

بانان

تەبىئىيتى: ھۆل سوغۇق
تەركىبى:بانان تەركىبىدە ۋىتامىن A،ۋىتامىن  B1، ۋىتامىن  ,B2 ۋىتامىن    ,B6 ۋىتامىنC، ۋىتامىنE، ۋىتامىن PP، كىسلاتا، كالتىسىي، فوسفور، تۆمۈر، كالىي قاتارلىقلار بار.
شىپالىق رولى: ئۈچەينى سىلىقلايدۇ، زەھەر ياندۇرىدۇ، قان بېسىمنى چۈشۈرىدۇ، تاماق سىڭدۈرىدۇ،بەدەننى قۇۋۋەتلەيدۇ. يۆتەلنى پەسەيتىدۇ،ئۇسسۇزلۇقنى باسىدۇ، قەۋزىيەت، بوۋاسىر قاناش، يۇقىرى قان بېسىم، تاجىسىمان يۈرەك كېسىلى، قان تومۇر قېتىشىش، ھەزىم خاراكتېرلىك ئاشقازان يارىسى، بوغما ئۈچەي راكى، تېرە راكى، تېرە يېرىلىش، چىش ئاغرىقى قاتارلىقلارغا مەنپەئەت قىلىدۇ.
ئامېرىكا ئالىملىرى بىر ھەپتە ئۈزۈلدۈرمەي، كۈنىگە 2 تال بانان يېسە، قان بېسىمىنى %10تۆۋەنلەتكىلى بولدىغانلىقىنى ئىسپاتلاپ چىققان. كۈنىگە 5 تال بانان يېگەندە، ئۇنىڭ قان بېسىمنى تۆۋەنلىتىش ئۈنۈمى قان بېسىمنى تۆۋەنلەتكۈچى دورىلارنىڭ كۈنلۈك ئىستېمال قىلىنىدىغان مىقدار ئۈنۈمىنىڭ %50 گە باراۋەر بولىدىكەن.
ئىستېمال قىلىشتا بېلىۋېلىشقا تېگىشلىك ئىشلار
بانان ئورۇقلىماقچى بولغانلارنىڭ ئىستېمال قىلىشىغا مۇۋاپىق كېلىدۇ. باناننى توڭلاتقۇغا سىلىپ ساقلىماسلىق لازىم.
بانان ئۇرۇلۇش،بېسىلىش، توڭلاپ قېلىش سەۋەبىدىن ئاسانلا قارىداپ كېتىدۇ، ئۆي تىمپىراتۇرىسى شارائىتىدا باناندا ناھايىىتى ئاسانلا باكتىرىيىلەر ئۆسۈپ قالىدۇ، بۇنداق باناننى ئەڭ ياخشىسى يىمەسلىك كېرەك.
ئاشقازان كىسلاتاسى كۆپىيىپ كەتكەنلەر، دېئابىت كېسىلى بارلار،ھەزىم قىلىش ئىقتىدارى ناچارلار، ئىچى سۈرۈپ كەتكەنلەر باناننى ئازراق يېيىشى لازىم.
باناننىڭ تەبىئىتىي سوغۇق، تەركىبىدە كالىي كۆپ بولغانلىقتىن، سوزۇلما بۆرەك ياللۇغى، سۇلۇق ئىششىق كىسىلى بارلار بانان ئىستېمال قىلىشتا ئالاھىدە ئىھتىيات قىلىشى لازىم. توشقان گۆشى ئىستېمال قىلغاندىن كېيىن بانان يىمەسلىك لازىم.ياشانغانلار بانان يېگەندە گېلىغا تۇرۇپ قىلىشتىن ساقلىنىش ئۈچۈن ئۇنى يالماپ يۇتماسلىقى لازىم.

مەنبە: ماتىرىياللاردىن مۇنبەر ئىشخانىسى تەييارلىدى.ئەمگىكىمىزگە ھۆرمەت قىلىڭ!

yadikar

ئاپېلىسىن

تەبىئىيتى: قۇرۇق سوغۇق
تەركىبى: ئاپېلسىن تەركىبىدە ۋىتامىنC، ۋىتامىنA، ۋىتامىنB1ۋىتامىنB2، ۋىتامىن B6 ھەمدە ماگنىي،قەنت،كىسلاتا، سىنىك، كالتىسىي،ماي، تۆمۈر،فوسفور، كالىي قاتارلىقلار بار.
شىپالىق رولى: ئىشتىھانى ئاچىدۇ، ئۇسسۇزلۇقنى قاندۇرىدۇ، سەپرانىڭ تېزلىكىنى پەسەيتىدۇ، ئاشقازان، جىگەر،بۆرەك ۋە يۈرەكنى قۇۋۋەتلەيدۇ، ئۆپكىنى سىلىقلايدۇ،ياللۇغ قايتۇرىدۇ ،بەلغەم بوشىتىدۇ،ئۈچەي يوللىرىدىكى باكتېرىيىلەرنى ئۆلتۈرىدۇ، تاجىسىمان يۈرەك كېسىلى قاتارلىقلارغا مەنپەئەت قىلىدۇ.
ئاپېلسىن قىل قان تومۇرلارنىڭ ئەۋرىشىملىكىنى كۈچەيتىدۇ، قاندىكى ياغ مىقدارىنى تۆۋەنلىتىدۇ. ئۇ يۇقىرى قان بېسىم كېسىلىگە گىرىپتار بولغانلارنىڭ داۋالىنىشى ئۈچۈن ئىنتايىن پايدىلىق.ئاپېلسىن تېرىنىڭ نەمخۇشلۇقىنى ساقلايدۇ. ئىممۇنىتېت سىستېمىسىنى كۈچەيتىپ، تارقىلشچان زۇكام، سوغۇق تېگىش قاتارلىق كېسەللەرنىڭ ئالدىنى ئالىدۇ. ئاپېلسىن شۆپۈكىنى پاكىز يۇيۇپ قۇرۇتقاندىن كېيىن ياستۇققا سېلىپ ئىشلەتسە، ئۇيقۇسىزلىق، باش ئاغرىشقا قارىتا داۋالاش ئۈنۈمى بولىدۇ.
ئىستېمال قىلىشتا بىلۋېلىقا تېگىشلىك ئىشلار
ئاپېلسىننى ھۆل پىتى ئىستېمال قىلىشقىمۇ ، شىرنىسىنى چىقىرىپ ئىستېمال قىلىشقىمۇ بولىدۇ. ئەمما پەقەت ئاپېلسىن شەربىتىنىلا ئىستېمال قىلغاندا، ئۇنىڭ سالامەتلىكنى ساقلاش ئۈنۈمى زور دەرىجىدە تۆۋەنلەپ كېتىدۇ، ساغلاملىق نۇقتىسىدىن ئويلاشقاندا، ئەڭ ياخشىسى ھۆل ئاپېلسىن ئىستېمال قىلىش لازىم .
ئاپېلسىن يېيىشنىڭ ئالدى كەينىدە بىر سائەت ئىچىدە سۈت ئىچمەسلىك كېرەك، چۈنكى سۈت تەركىبىدىكى ئاقسىل مېۋە كسلاتاسى بىلەن ئۇچراشقاندا قېتىۋېلىپ، ھەزىم قىلىشنى تەسىرگە ئۇچرىتىدۇ.
قالقانسىمان بەزنىڭ ئىششىپ قىلشىدىن ساقلىنىش ئۈچۈن ئاپېلسىننى تۇرۇپ بىلەن قوشۇپ ئىستېمال قىلماسلىق لازىم.
ئاپېلسىننى تاماقتىن بۇرۇن ياكى ئاچ قورساق چاغدا يېمەسلىك لازىم،
ئاشقازان ئۈچەي ئىقتىدارى ئاجىزلاشقانلار ۋە ياشانغانلار ئاپېلىسىن ئىستېمال قىلغاندا قورساق ئاغرىش، بەل تېلىپ ئاغرىش، پۇت ماغدۇرسىزلىنىش قاتارلىق كېسەللىك ئالامەتلىرى كۆرۈلۈشتىن ساقلىنىش ئۈچۈن. مىقدارىنىڭ مۇۋاپىق بولۇشىغا ئەھمىيەت بېرىش لازىم.
ئاپېلسىننى بەك كۆپ يېمەسلىك، ئاپېلسىن يەپ بولغاندىن كېيىن، ئېغىز بوشلۇقى، چىشقا زىيان يېتىشتىن ساقلىنىش ئۈچۈن ئۆز ۋاقتىدا چىشنى چوتكىلاش، ئېغىزنى چايقاش لازىم. سۈپىتى ئۆزگەرگەن ئاپېلسىننى ئىستېمال قىلىش قاتتىق مەنئىي قىلنىدۇ.

مەنبە: ماتىرىياللاردىن مۇنبەر ئىشخانىسى تەييارلىدى.ئىجازەتسىز كۆچۈرۈپ باشقا مۇنبەرلەرگە چاپلاشقا،مەتبۇئاتلاردا ئېلان قىلىشقا بولمايدۇ.ئادەم ئەۋلادى بولسىڭىز ئەمگىكىمىزگە ھۆرمەت قىلىڭ!