ئۈندىداردا توربەتلەرنى زىيارەت قىلىش ئۇسۇلى

yadikar

ئۈندىداردا توربەتلەرنى زىيارەت قىلىش ئۇسۇلى

ئەسسالامۇ ئەلەيكۇم تورداشلار، سىلەرگە ئۈندىداردا توربەتلەرنى زىيارەت قىلىش ھەققىدە بىلگىنىمچە بىر نەرسىلەرنى ئېلىپ كەلدىم. بىلىدىغانلار ئاتلاپ ئۆتۈپ كېتىڭلار، بىلمەيدىغانلار بىلىۋېلىڭلار.
بەزىدە ئۈندىداردا تور بەتلەرنى زىيارەت قىلغۇمىز كېلىدۇ. بەزى توربەتلەرنىڭ سالونى بار ۋە تور بېتىگە باغلانغان، شۇڭا شۇ سالونلار ئارقىلىق تور بەتنى زىيارەت قىلالايمىز ياكى ماس تېمىلارنى كۆرەلەيمىز. ئۇنداقتا سالونى يوق ياكى سالوننى بېتىگە باغلىمىغان تور بەتلەرنىچۇ؟ بەزىڭلار يانفون تور كۆرگۈچىسىنى ئېچىپ ئادرېسىنى كىرگۈزۈپ زىيارەت قىلساق بولىدۇ دېيىشىڭلار مۇمكىن، لېكىن مەندەك ھۇرۇنلارمۇ بار ئەمدى، يەنە بەزى تورداشلارنىڭ يانفونىنىڭ سەپلىمىسى تۆۋەنرەك بولسا ئىككى ئەپنى تەڭ ئېچىۋالسا يانفونى قېتىۋالىدۇ ياكى ئۈندىدارغا كەلگەن ئۇچۇرلارنى دەل ۋاقتىدا كۆرەلمەي قېلىشىدىن ئەنسىرەيدۇ. شۇنداق چاغدا مۇنۇ ئۇسۇل بىلەن ئۈندىداردىلا تور بەتلەرنى زىيارەت قىلىش مەقسىتىگە يېتەلەيمىز.
Android, IOS, Windows سىستېمىلىق ئۈسكۈنىلەرنىڭ قايسى بىرى بولسۇن ئۈندىدار ئېچىلسىلا بولدى. ئاۋۋال بىرەرسىگە خەت يېزىش كۆزنىكىگە كىرىمىز. خەت يازىدىغان ئادەم تاپالمىسىڭىز ئۆزىڭىزگە، ھۆججەت يوللاشقا ۋە ياكى بىرەر سالونغا يازسىڭىزمۇ بولىدۇ. كىرگۈزۈش رامكىسىغا زىيارەت قىلماقچى بولغان تور بەت ئادرېسىنى كىرگۈزۈپ يوللايمىز.
ئادەتتە نورمال تور بەت ئادرېسى بولسىلا يوللانغاندىن كېيىن ئاپتوماتىك ئۇلانما ئادرېسقا ئۆزگىرەيدۇ.
  
ئەمدى مۇشۇ ئادرېسنى بېسىپ ئۈندىدارنىڭ ئۆزىدىكى تور كۆرگۈچ ئارقىلىق تور بەتلەرنى زىيارەت قىلسىڭىز بولىدۇ.
  
مۇشۇ بويىچە قىلسىڭىز بولىدۇ.
مەنبە: ئىزدىنىش مۇنبىرى