ئۈمىدجان قادىرى: ھىجران غەزىلى

تىمسال

               ھېجران غەزىلى
              ئۈمىدجان قادىرى
ئىنتىزار بوپ كۈتكېنىم دىلبەر ئىدى، ئۇ كەلمىدى،
يۈرۈكۈم تەشناسىغا باشلاپ زىلال سۇ كەلمىدى.

يوق ئەسەر جۈپلەنمېكى كىرپىك رەقىپكە مۇپتىلا،
تىترىگەي تەن تولغۇنۇپ،كۆزۈمگە ئۇيقۇ كەلمىدى.

كەلدى دەپ تۇردۇم تالاي ھەر بىر تىۋىشتىن زوق ئارا،
سەزگىنىم  چىقتى غەلەت،ئالداپتۇ تۇيغۇ، كەلمىدى.

زارېقىپ يارنى كۈتۈپ، يازمۇ قەدەملەر يۆتكېدى،
ساقلىدىم كۆلنى بۇ ياز، ئەپسۇسكى ئاققۇ كەلمىدى.

سورىساڭ گەر گاڭگىراپ قالغان ئۈمىدجان دەر نېمە!؟
بىلمىگەي ھىچ بىر سەۋەپ جاۋابى«بۇ...بۇ»كەلمىدى.

ئادىلجان

غەزەلدە ئىشلىتىلگەن قاپىيە سۆزلەر ھەقىقەتەن يېڭى بوپتۇ ...  غەزەلمۇ يېقىشلىق چىقىپتۇ .
ئىلھامىڭىز زىيادە بولسۇن !