تۈركزات:ۋاي ئىسىت

تۈركزات · ۋاقتى: 2012-12-1 17:34:44


	جىن چىراقنى ئاي بىلىپ يۈرگەن نادانمەن ۋاي ئىسىت! جىگدىنى كەمپۈت بىلىپ شۈمگەن نادانمەن ۋاي ئىسىت! كۆزگە تاشلانسا ئەگەر چوغ كۈل-كۆمۈر ئىچرە«ئوھۇي! ئۇچرىدى ئالتۇن»دىبان كۈلگەن نادانمەن ۋاي ئىسىت! قارچۇقۇمدىن نۇر بېرىپ،پەرۋىش قىلىپ مېھرىم بىلەن، سۈنئى گۈلدىن خۇش پۇراق كۈتكەن نادانمەن ۋاي ئىسىت! «بۇ گۈزەل بولمايدۇ ئاش»دەپ دوستلرىم تەنبىھلىسە، كۆڭلىنى ئەيلەپ تالاق،ئۆتكەن نادانمەن ۋاي ئىسىت! ناز-كەرەشمە ئەپسۇنىدا مەست بولۇپ ،مەستان بولۇپ، «دەرد،پۇشايمان»دىن تونى پۈتكەن نادانمەن ۋاي ئىسىت! بۇ يازمىنى ئاخىرىدا تۈركزات تەھرىرلىگەن. ۋاقتى 2012-12-1 18:00

قوشتاغ · ۋاقتى: 2012-12-1 23:35:57


	ۋاي ئىسىت، ئەجەپ ئىش بوپتىكەن. قەلىمىڭىزگە بارىكاللا.

سائادەت · ۋاقتى: 2012-12-2 00:34:33


	ياخشى چىققان مىسرالارنى كۆرسەم ياندىشىپ باققۇم كىلىدۇ. ئەيىپكە بۇيرىمىغايسىلەر. كىم سېنى جىنچىراقنى ئاي بىلىپ يۈرسۇن دېدى؟. جىگدىنى كەمپۈت بىلىپ تامشىتىپ، شۈمسۇن دېدى؟. دەقىقە نۇر تارقىتىپ كۆيسە گاھى زەررىچە چوغ، پاقىرىغاننىڭ ھەممىنى ئالتۇن بىلىپ كۈلسۇن دېدى؟. باغلىرىڭدا خۇش پۇراق چېچىپ تۇرسا ئۆز گۈلۈڭ، ئۆزگىلەرنىڭ بېغىدا سۇلياۋ گۈل ئۈزسۇن دىدى؟. ‹‹سۇلياۋ گۈلدە ئۆز پۇراق بولمايدۇ›› دېسە دوستلۇرۇڭ، ياخشى گەپ كىرمەي قۇلاققا پەيلىنى بۇزسۇن دېدى؟. مەئىشەت سرتماقىنى بوينۇڭغا سالسا تۇيمايىن، نازىدىن مەستخۇشلىنىپ ئەگىشىپ يۈرسۇن دېدى؟.

mamutomar · ۋاقتى: 2012-12-2 01:22:10


	بۇ شئىرنى 20يىل ئالدىدا ئۆرۇمچى كەچلىك گېزىتىدە كۆرگەن ئىدىم .شۇ چاغلاردا ئالدىنىپ بوپتىكەنسىز-دە،يەنە كۆرگىنىمدىن خۇشالمەن.

تۇيغۇن · ۋاقتى: 2012-12-2 09:31:59


	ئۆكۈنۈشمۇ خۇشاللىق بىلەن يۈزلىنىشكە تېگىشلىك بىشارەت! تۇركىزاتنىڭ قەلىمىگە بەرىكەت تىلەيمەن!

huxhuy · ۋاقتى: 2012-12-2 18:38:50


	بۇ غەزەلنى ئەينى ۋاقتىدا ياقتۇرۇپ قالغانلىقىمدىن تەخمىس باغلىغان ئىدىم.ھازىر يوللاپ قوياي دېسەم بەزى پىشمىغان مىسرالار باردەك قىلىدۇ.تۈزىتەلىسەم مۇنبەرگە يوللاپ قويارمەن. تۈركزاتنىڭ ئەزەلدىن قەلەم قۇۋۋىتى كۈچلۈك،ئاشۇ ماھارىتى بىلەن ئۇنى قىزغىن تەبرىكلەيمەن!

م.ئابلەت · ۋاقتى: 2012-12-2 18:53:03


	مەنمۇ ئارۇز ۋەزنىگە ئىشتىياق باغلىغانلىقىم ئۈچۈن، مانا مۇشۇنداق نادىر يازمىلارنى كۆرۈپ بىردىن ئىلھام كۈچىگە تولۇپ قالىمەن. تۇركزات ئاكىمىزنىڭ قەلىمىگە بەرىكەت يار بولسۇن...!

مۇھاجىر · ۋاقتى: 2012-12-2 20:19:38


	بەزىدە جىنچىراق مۇ ياخشى ،بەزىدە جىگدە ياخشى ،ئۆتكەن كۇنلەرنى ئۇنۇتماسلىق كىرەك ! چاخچاق خاپا بولماڭ ،ياخشىكەن ! بىزنى ياخشى ئەسەرلەر بىلەن تەمىنلەپ تۇرغايسز !

arkan · ۋاقتى: 2012-12-3 00:49:55


	بۇرادىرىم تۈركىزاتنىڭ بۇ يازمىسىنى ئوقۇپ ئولتۇرۇپ خىلى ئۇزۇن زامانلاردا قايسى بىر گىزىتكە ئىلان قىلىنغان يامان بولىدۇ دىگەن بىر شىئىرى ئىسىمگە كىلىپ قالدى. پۇلىڭىز بولسا مەكتەپكە بىرىڭ، مەسچىت سالسىڭىز يامان بولىدۇ. قالغانلىرىنى تازا ئىسىمگە ئالالمىدىم، مومكىن بولسا مۇنبەرگە قايتا يوللاپ قويغان بولسا ياخشى بولاتتىكەن.

شەمشى · ۋاقتى: 2012-12-3 21:17:46


	نادىر يازمىڭىزدىن ئىلھام ئالدىم، نادىرلىرىڭىز ئۈزۈلمىگەي!

بۇغراخان · ۋاقتى: 2012-12-6 21:53:21


	رىياللىقىمىزدا، ئەتراپىمىزدا، كەچمىشلىرىمىزدە ‹ۋاي ئىسىت،› لەر بەكمۇ كۆپ بىزشۇلاردىن ئىبرەت ئالالىساق ۋاي ئىسىت، دىمەيمىز. ئەگەردە ئىبرەت ئالمايدىكەنمىز بىر ئۆمۈر ۋاي ئىسىت،دەپ ئۆتىمىز. تۈرۈكزات ئەپەندىنىڭ مۇشۇنداق ئىبرەتلىك يازمىلىرىدىن كۆپرەك بەھىرلەنسەك.

kenjibay · ۋاقتى: 2012-12-29 21:48:12


	بەك يھخشى چىقانكەن قولىڭىزگە دەرت كەلمىگەي

نۇرگۈل · ۋاقتى: 2012-12-30 23:42:20


	سائادەتمۇ ئەجەب كەلتۈرۈپتۇ ھە!

خانتۈرك · ۋاقتى: 2013-1-20 18:44:13


	بۇ تىمىنى بالدۇراق ،نىمىشقا كورمىگەندىمەن ۋاي ئىسىت. ھاھ ھاھ ........ھەجەپ كەلمەيدىيا بۇ ئىلھام. تۇركىزات ئاكىمىزنىڭ قەلەم تۇلپارى ھارمىغاي.

Dihan · ۋاقتى: 2013-1-22 00:16:54


	يورىغى يوق چىراقتىن چىن چىراقمۇ ياخشىدى بولمىسا.............تۇركىزات قىرىندىشىم ئىجات تۇلپارلىرىنىڭىزھارمىغاي1