مۇكاپاتلىق تېما قوبۇل قىلىش توغرىسىدا بىلدۈرگۈ

yadikar

مۇكاپاتلىق تېما قوبۇل قىلىش توغرىسىدا بىلدۈرگۈ

«گۇما دىيارى»مۇنبىرى قۇرۇلغانلىقىنىڭ ئىككى يىللىقىنى خاتىرىلەش مۇناسىۋىتى بىلەن مۇكاپاتلىق تېما قوبۇل قىلىش پائالىيىتى ئۇيۇشتۇرۇش قارار قىلىندى.

پائالىيەتنىڭ تەپسىلاتى :
1-پائالىيەتنىڭ ۋاقتى:

تېما قوبۇل قىلىش ۋاقتى:2012- يىلى 10-ئاينىڭ 15- كۇنىدىن12-ئاينىڭ 31- كۈنىگىچە بولىدۇ. 2013-يىلى 1- ئاينىڭ 10- كۈنى نەتىجە ئېلان قىلىنىپ مۇكاپات نەقلەشتۈرۈلىدۇ.

2-مۇكاپات تۈرى:
ئۈچ دەرىجىگە بۆلىنىدۇ.

مۇكاپات دەرىجە ۋە سوممىسى:
1- دەرىجىلىك مۇكاپات ئىككى نەپەر. 64 (GB)لىق بارماق دىسكا(بىر دانە).
2-دەرىجىلىك مۇكاپات ئىككى نەپەر. 32 (GB)لىق بارماق دىسكا(بىر دانە)
3-دەرىجىلىك مۇكاپات بىر نەپەر. 16 (GB)لىق بارماق دىسكا(بىر دانە)
4-رىغبەتلەندۈرۈش مۇكاپاتى ئىككى نەپەر.ئۈچ پارچە رومان ياكى بىلقۇت شىركىتى نەشىر قىلغان«Photoshop ئۆگىتىش دەرسلىكى»(بىر تۈرنى تاللايدۇ) مۇكاپات بۇيۇمىنىڭ ئەمەلىيىتىنى يادىكار سودا سارىيى دىن كۆرگەيسىزلەر

3-پائالىيەتكە قاتناشتۇرىلىدىغان تېمىلار:
(1) شېئىر،ھىكايە، نەسىر،پوۋىسىت، ئوبزۇر، ئۇچرىك، ئەدەبى خاتىرە(ئاۋازلىق ئەسەرلەرنىمۇ ئۆز ئىچىگە ئالىدۇ) ئىتوت-كۈلدۈرگىلەر(مەتبۇئات ۋە باشقا مۇنبەرلەردە ئېلان قىلىنمىغان بولۇشى كېرەك).
(2) دىسكاز ئۇسلۇبلىرى،دىسكاز قىستۇرمىلىرى،قوللىنىشچان يۇمشاق دېتاللار،دىسكاز 2.0،2.5 ھەققىدىكى دەرسلەر.(ئۇيغۇرچە)
(3) ئىجادى بەدئىي فىلىملەر

4-پائالىيەتكە قاتناشتۇرىلىدىغان تېمىلارغا قويىلىدىغان تەلەپ:
(1)پائالىيەتكە مەزمۇنى ساغلام،بەدىئىيلىكى يۇقىرى،يېڭىلىق يارىتىلغان تېمىلار قاتناشتۇرلىدۇ.
(2) دۆلەتنىڭ ئالاقىدار قانۇن-نىزاملىرى ۋە سىياسەتلىرىگە مۇخالىپ مەزمۇندىكى ئەسەر ۋە تېمىلار قاتتىق چەكلىنىدۇ.

5-تېما باھالاش شەكلى
تېما باھالاشقا نۇرقۇت تورى،روھلان مۇنبىرى ۋە مۇناسىۋەتلىك ئورۇنلاردىن ئەدىب ۋە بىلىمدانلار تەكلىپ قىلىنىدۇ.

6-مۇكاپات نەقلەشتۈرۈش شەكلى:
پوچتا يوللانمىسىنى ئاساس قىلىدۇ.مۇكاپاتنى نەقلەشتۈرۈش ۋە ئالاقىدار ئىشلارغا قولاي بولۇش ئۈچۈن ئاپتۇرلار تېما يوللىغاندا ئىمكان بار ھەقىقى ئىسمى ۋە ئالاقە ۋاستىلىرىنى ئىنىق يېزىشى تەلەپ قىلىنىدۇ.

7-تېما ئېلان قىلىش ئورنى:
تېمىلار «گۇما دىيارى» مۇنبىرىنىڭ «مۇكاپاتلىق تېمىلار سەھىپىسى»گە يوللىنىشى لازىم.باشقا سەھىپىگە يوللانغان تېمىلار ماكاپات دائىرىسىگە كىرگۈزۈلمەيدۇ.
بۇ قېتىمقى مۇكاپاتلاش پائالىيىتىنى ئىقتىسادى جەھەتتىن قوللىغان«يادىكار سودا سارىيى»غا ئالاھىدە رەھمەت ئېيتىمىز.
http://yadikar.taobao.com

8-«گۇما دىيارى»مۇنبىرىگە كىرىش ئادرېسلىرى مۇنۇلار:
www.gumadiyari.com
www.gumadiyari.cn
www.gumadiyari.net
www.xjizlar.com
يۇقىرىدىكى ئادرېسنىڭ خالىغان بىرىدە كىرىپ تېما يوللىسا بولىدۇ.
مۇنبىرىمىزنىڭ بۇرۇنقى ئەزالىرى ۋە يېڭى ئەزالىرىنىڭ قىزغىن پۇزۇتسىيە تۇتىشىنى سورايمىز.

ئالاھىدە بىلدۈرگە چىقىرىلدى.

تەشەببۇسنامە: ھەرقايسى مۇنبەر ئاتامانلىرىنىڭ بۇ بىلدۈرگىمىزنى مۇنبەرلىرىدە ئېلان قىلىپ بېرىشىنى ئۈمىد قىلىمىز.

«گۇما دىيارى» مۇنبىرى باشقۇرۇش ھەيئېتى
2012-يىلى 10-ئاينىڭ 15-كۈنى

arkan

مەن بۇ بىلدۈرگۈنى تەپسىلى ئوقۇپ بەكمۇ خۇشال بولدۇم. قىنى  ھەممىمىز بۇ مۇسابىقىگە قاتنىشىپ تەلىيىمىزنى سىناپ باقايلى، تەلەي كۈتۈپ تۇرغانلارغا ئەمەس تىرىشقانلارغا مەنسۈپ.

دېھقانى

بەك ياخشى پائالىيەت بوپتۇ.. مەنمۇ ئامال بار ئەسەر قاتناشتۇرىمەن..

yadikar

مۇكاپاتتىنمۇ زىرىككەنلەر كۆپ ئوخشايدۇ ھازىرقى تور دۇنياسىدا.

ARKZAT

قەلەمكەشلەرگە بەيگە مەيدانى، ئوقۇرمەنلەرگە ئىستېتىك زوق ۋە مەنىۋىي بايلىق ئاتا قىلىدىغان بۇ قۇتلۇق پائالىيەتنىڭ نەتىجىلىك ئېلىپ بېرىلىشىغا تىلەكداشمەن.

سەزگۈر

خوش-خەۋەردىن كىچىكىپ خەۋەر تېپىپتىمەن.شۇنداقتىمۇ پۇرسەت باركەن.

رشتە

پۇرسەتنى قولدىن بەرمەيلى دوسلا

سۇغاقچى

پائالىيەتكە تارىخى تېمىدىكى ماقالىلەرنى قاتناشتۇرۇشقا بولامدىغاندۇ ؟