دوستلۇق __ ھاياتتىكى ئەڭ زۆرۈر نەرسە، ئۆمۈر راھەت - پاراغەتتە ئۆتمىسىمۇ مەيلى، ئەمما ھېچكىم ھاياتىنى دوستسىز ئۆتكۈزۈشنى خالىمايدۇ.

                                 − روستو

ئىنسان ھاياتىدىكى ئەڭ قىممەتلىك نەرسە __ باشقىلار بىلەن بولغان دوستلۇقتۇر.

                                − لىنكولىن

دۇنيادىكى ھەممە ئىززەت - ئىكراملار ياخشى دوستنىڭ ئورنىنى باسالمايدۇ.

                                   − ۋولتېر

ياخشى دوست __ تۈگىمەس خەزىنە.

                                  − قابۇس

بىلگىنكى، دوستلۇق سەۋەبىدىن ئادەملەر بەختىياردۇر.

                                 − قابۇس

دوست دەپ ئىشىنىپ يۈرگەن ئادىمىڭدىن ئايرىلىپ قېلىشتىن ئېغىرراق ئازاب يوق.

                            − ستېۋېنسون

كىمكى نۇقسانسىز دوست ئىزدىسە، دوستسىز قالىدۇ.

                                   − بىئاس

ئۇرۇش باتۇرنى، جاھىل دانانى، يوقسۇزلۇق دوستنى سىنايدۇ.

                          − ئەل خارازىي

ھەقىقىي دوست بەخىتسىزلىكتە سىنىلىدۇ.

                                 − ئىزوپ

دوستلار ياخشى كۈنلەردە تەكلىپ بىلەن، يامان كۈنلەردە تەكلىپسىز، ئۆزلۈكىدىن قەدەم تەشرىپ قىلىشى كېرەك.

                             − ئىساكرات

ھەقىقىي دوست ئېيتقان ھەر ئۈگۈت، مەسەل،

تېشى ئاچچىق ئېرۇر، تومۇرى ھەسەل.

                                − خىسراۋ

دوست __ دوستقا شۇنداق ئەينەككى، سۈزۈكلۈكىدە ھېچ نەرسە ئۇنىڭدىن ئېشىپ كېتەلمەيدۇ.

                         − ئا. ئەنۋەرىي

دوستنىڭ مەسلىھەتى دۈشمەنلەرگە قارشى ئەڭ ياخشى قالقان.

                              − شېكىسپىر