«مەركىزىي ئاخبارات ئاگېنتلىقى»نىڭ مۇشۇ ئاينىڭ 6-كۈنى خەۋەر قىلىشىچە، ئەنگىلىيەلىك 94 ياشلىق بىر موماي يېقىندا كېسەل كارىۋىتىدىن تۇرۇپ، ئۆزىنىڭ 84 ياشلىق ئاشىقى بىلەن توي قىلغان. ئۇلارنىڭ مۇھەببىتى نۇرغۇن كىشىنى تەسىرلەندۈرگەن، كۆپچىلىك ئۇلارنى بەس-بەستە قۇتلۇقلاپ: «ئۇلار ھەقىقىي بېشى باش، ئايىقى تاش بولىدىغانلار» دېگەن.

خەۋەر قىلىنىشىچە، 94 ياشلىق ۋى ستاننارد مۇشۇ ئاينىڭ 1-كۈنى چۈشتىن كېيىن، يىقىلىپ چۈشۈپ يارىلانغان، ئۇنىڭ 84 ياشلىق ئېرى دېرېك ۋالكېر: «بىز فلاتفوردتىكى دەريا بويىدا سەيلە قىلىۋاتقاندا، ئۇ تۇيۇقسىز يىقىلىپ كەتتى، شۇڭا ئۇنى دوختۇرخانىغا ئاپاردىم، لېكىن بىز تويىمىزنى ئۆز قەرەلىدە قىلدۇق، بۇ قالتىس ئىش بولدى» دېگەن.