خەۋەر يوللىغۇچى: يارقىن    خەۋەر كۆرۈلىشى: 139   يوللانغان ۋاقتى:     2011-9-14     بېسىپ چىقىرىش

سودا مىنىستىرلىقى 24-ئاۋغۇست ئېلان قىلغان خەۋەرگە قارىغاندا، بۇلتۇر 6-ئايدىن بۇيان، «سودا ئارقىلىق شىنجاڭنى گۈللەندۈرۈش» خىزمىتىدە ئەمەلىي ئۈنۈم ھاسىل قىلىش ئۈچۈن، سودا مىنىستىرلىقى شىنجاڭنىڭ ئىقتىسادىي تەرەققىيات ئالاھىدىلىكىگە بىرلەشتۈرۈپ، شىنجاڭغا ياردەم بېرىدىغان بىر يۈرۈش سىياسەت، تەدبىرلەرنى يولغا قويغان ھەم شىنجاڭ ئۇيغۇر ئاپتونوم رايونى ۋە شىنجاڭ ئىشلەپچىقىرىش قۇرۇلۇش بىڭتۈەنى بىلەن نىشانلىق ياردەم بېرىش ۋە ھەمكارلىق كېلىشىمى ئىمزالاپ، ئىككى تەرەپنىڭ نۇقتىلىق ھەمكارلىق ساھەلىرىنى بېكىتكەن. بۇ يىلدىن تارتىپ سودا مىنىستىرلىقى ھەر يىلى شىنجاڭغا ياردەم بېرىش خىزمەت پىلانىنى تۈزۈپ، ئارتۇقچىلىقى بىلەن كەمچىلىكنى بىرلەشتۈرۈپ، مۇھىم نۇقتىلارنى گەۋدىلەندۈرۈپ، يىلمۇ-يىل ئەمەلىيلەشتۈرىدىكەن.