بىزنىڭ بلوگ

ۋەئەلەيكۇم ئەسسالام!
بۈگۈرنىڭ سوخۇ دەپ يېزىسى بار خەنزۇچە ئاتىلىشى 草湖 بۇ نامنىڭ خەنزۇچە ئاتالغۇ بىلەن باغلىنىشى بارمۇ يوق بۇ ماڭا نامەلۇم، يەنە مۇشۇ يېزا بىلەن ئوخشاش ئورۇندىكى كورلىنىڭ پۇخۇي يېزىسىنىڭ بۇرۇنقى نامىمۇ "سوخۇ" دەپ ئاتىلىدىكەن.
سوخۇ يېزىسى بۈگۈر ناھىيە بازىرىدىن 80كىلومېتىر يىراقلىقتا يەنى تارىم دەرياسىنىڭ بويىغا جايلاشقان چارۋىچىلىقنى ئاساس قىلاتتى، ھازىر ئېكىلوگىيىلىك تەڭپۇڭلۇقنى قوغداش، تارىم دەرياسى سۈيىنى تۆۋەن ئىقىنغىچە يەتكۈزۈش قۇرۇلىشى داۋامىدا ئەسلىدىكى سوخۇ يېزىسىنىڭ ئاھالىسى ھازىرقى ناھىيە بازىرىدىن 13كىلۇمېتىر جەنۇپ تەرەپكە جايلاشقان يېڭى سوخۇ يېزىسى (كەنتى) گە كۆچۈرۈپ كېلىندى.
سوخۇ يېزىسىنىڭ ئەسلىدىكى ئورنى لوپنۇرنىڭ قارچۇغا يېزىسىنىڭ دوڭقوتان دىگەن جايلىرى بىلەن تۇتىشىدۇ ، ئۆرپ ئادىتى ۋە شىۋىسىمۇ ئاساسەن ئوخشاپ كېتىدۇ، سوخۇلۇقلار لوپنۇرلۇقلۇر بىلەن قۇدا-باجا بۇلۇشۇپ ئۆتىدۇ.
ھازىر يېڭىدىن چوڭ بۇلىۋاتقان ياشلار ئاساسەن بۈگۈر ناھىيىسىدىكىلەر بىلەن ئوخشاش سۆزلەيدۇ، ئەسلىدىكى تەلەپپۇزدا سۆزلەيدىغانلارنى تاپقىلى بۇلىشى مومكىن. مەن سۈرۈشتۈرۈپ باقاي ئەسلىدىكى ئورنىدا يەرلىك ئاھالىلەر بارمۇ يوق....