يوللانغان ۋاقتى : 2008-10-09 09:54:45    كۆرۈلۈش سانى : 0  

كۆزنىڭ ئېقىدا قىزىل ياكى كۆكۈچ رەڭلىك چېكىتلەرنىڭ پەيدا بولۇشى تۇرفە دەپ ئاتىلىدۇ.   سەۋەبى:  كۆزنىڭ زەخىملىنىشى، شامال، توپا - چاڭلارنىڭ كۆزگە قاتتىق تېگىشى ياكى كۈچ بىلەن قەي قىلىشتىن پەيدا بولىدۇ.   داۋاسى:  قىيپال تومۇردىن قان ئېلىش بىلەن كۆزگە ئايال كىشىنىڭ سۈتىنى تامغۇزۇش كېرەك. تۇخۇم ئېقىنى كۆزگە چېپىش ۋە كەپتەر ياكى ئۆردەكنىڭ قانىتىنى يۇلۇپ، قانات ئۇچىدىكى قاننى كۆزگە تېمىتىش كېرەك. شيافى ئەھمەر )تەركىبى: شادىنەج ۋە يۇيۇلغان ئەدەس 33 گرامدىن، كۆيدۈرۈلگەن مىس 62 گرام، كەتىرا، سەمغى ئەرەبى ۋە ساپ مۇرمەككى يەتتە گرامدىن، بىخ مارجان، كەھرىۋا، تېشىلمىگەن مەرۋايىت ۋە سازەج ھىندى 13 گرام، خۇنسىياۋشان ۋە زەپەردىن ئۈچ گرامدىن ئېلىپ،  يۇمشاق سوقۇپ، ئەلگەكتىن ئۆتكۈزۈپ، تۇخۇم ئېقى ياكى بىرەر لوئاب بىلەن خېمىر قىلىپ، جىگدە ئۇرۇقى چوڭلۇقىدا شامچە تەييارلاپ، كۈنىگە 2 ~ 3 قېتىم كۆز ئىچىگە سۈركىلىدۇ. بەدەننى تازىلاش ئۈچۈن مەتبۇخى ھېلىلە )تەركىبى: سېرىق ھېلىلە پوستى 33 گرام، تەمرى ھىندى 66 گرام، ئەينۇلا 30 دانە، سەرپىستان، بىنەپشە، كىچىك سېرىق يۆگەي ئۇرۇقى ۋە كاسىنە ئۇرۇقى 16 گرامدىن، پۇنۇس 82 گرام، تەرەنجىبىندىن 66 گرامدىن ئېلىپ، پۇنۇس ۋە تەرەنجىبىندىن باشقىلارنى چالا سوقۇپ )ئەينۇلا پارچىلاپ قويۇلسا بولىدۇ(، دورىلار چوككۈدەك سۇغا بىر كېچە چىلاپ قويۇپ، ئەتىسى يېرىمى قالغۇچە قاينىتىلىدۇ. قازاننى ئېلىپ ئۈستىگە تەرەنجىبىن بىلەن پۇنۇس سېلىپ تازا ئارىلاشتۇرۇپ، ماتادىن ئۆتكۈزۈپ تەييارلىنىدۇ( دىن كۈندە ئىككى قېتىم، ھەر قېتىمدا 132 ~ 66 گرامغىچە ئىستېمال قىلىنىدۇ.