يوللانغان ۋاقتى : 2008-10-05 15:46:09    كۆرۈلۈش سانى : 0  

كۆز ئالدىدا پاشا، چىۋىندەك ئۇششاق نەرسىلەر ئۇچۇپ يۈرگەندەك كۆرۈنۈشى خىيالات دەپ ئاتىلىدۇ.   سەۋەبى:  كۆزگە سۇ چۈشۈش )نۇزۇلۇلما( كېسىلىنىڭ باشلىنىش ئالامىتى بولۇپ،  ئاشقازاندا ھەزىم قىلىشنىڭ ناچار بولۇشى نەتىجىسىدىكى بۇسلارنىڭ يۇقىرى ئۆرلىشى، كۆز پەردىلىرى ۋە سۇيۇقلۇقلىرىنىڭ زەھەرلىنىشىدىن ئىبارەت.   ئالامىتى:  كۆزگە سۇ چۈشۈش سەۋەبىدىن بولغاندا كۆز ئالدىدا كۆرۈنىدىغان پاشا، كۇمۇتىدەك نەرسىلەر بارغانسېرى كۆپىيىدۇ. داۋاسى كۆزگە سۇ چۈشۈش كېسىلىنى داۋالاش بىلەن ئوخشاش بولىدۇ. ئاشقازان خىزمىتى بىلەن مۇناسىۋەتلىك بولسا، قورساق توق چاغدا خىيالات كۆپ بولۇپ، ئاشقازان بوش بولغاندا بولمايدۇ.   داۋاسى:  مېڭە ۋە باش تەرەپنى تازىلايدىغان ھەببى قوقىيا، ئايارەج پەيقىراغا ياكى شۇنىڭغا ئوخشاش دورىلار بېرىلىدۇ. ھەر كۈنى بىر قېتىم ئون گرامدىن كەچتە ئىستېمال قىلىنىدۇ. كۆز نېپىز پەردىسى ۋە كۆز سۇيۇقلۇقلىرىنىڭ زەھەرلىنىشى سەۋەب بولسا كۆز ئىچىنىڭ ئۆزگىرىشلىرى، باش ئاغرىش ئالامەتلەر يۈز بېرىدۇ. بۇنىڭغىمۇ يۇقىرىقىدەك تاماق ئۈچۈن نوقۇت بىلەن مېكىيان پىشۇرۇپ بېرىلىدۇ. كۆزگە مۇۋاپىق سۈرمە تارتىشقا بۇيرۇلىدۇ.