مىسكىن كىچە، ئاھ ، مىسكىن كۆڭۈل

مىسكىن كىچە ئازاپلىق ئىڭىراش،

يۈرۈگۈمدە ۋولقانلايدۇ  دەرت

بۇ ماڭىلا تەككەن ئاسارەت....

جۇل-جۇل بۇلۇپ كەتكەن كىيمىمدىن،

گۈپۈلدەيدۇ قەلەندەر ھىدى

بۇ يىللارنىڭ بەرگەن سوۋغىتى...

قايناق بازار ، قاينىغان ئۆتمۈش،

تەغدىر كىپەن تۇرمۇش جىنازا

ھەر دەقىقە ئۆلۈم يۇلىدا...

ئوت تۇتاشتى ھەر بىر قەدەمگە،

ياشلار ئايلاندى تاڭدا شەبنەمگە

قانلار ئاقتى شورلۇق يەرلەرگە...

مىسكىن كىچە ئاھ، مىسكىن ئاۋاز،

شېئىر يازغان سىياھسز قەلەم

ھەر قۇرلاردىن ئاقىدۇ ئەلەم...

مىسكىن كىچە ئاھ، مىسكىن ھۇجىرا،

قانلىق ئۆتمۈش، قار باسقان خىيال

ئۆتەر ھەممە چۈشتەكلا غىل- پال...

تاڭنىڭ يۈزى كۆيگەندۇ بەلكىم،

يۇلتۇزلارم ھەيرەتتە قالغان

ئاي ئىگىزدە ئىسىلىپ قالغان...

مىسكىن كىچە ۋەيرانە ھەممە،

دولقۇن كەبى ۋولقانتى يۈرەك

ئاھ، يىقىلدى ئاخىرى تىرىك...