جەزبىدار تاڭلارغا رىشتىمنى باغلاپ ،
بىر ئوتلۇق تۇيغۇدا يېنىپ كېلىمەن .
بۇگۇننى پۇرسەت دەپ ئەتەمنى ئويلاپ ،
چاپقۇنلار قوينىدا ئۈزۈپ كېلىمەن .
ئالدىمدا ئۈزەكسىز رەشىكى ھەسەت ،
ياتىدۇ قۇل سۇنۇپ ھومىيىپ قاراپ .
ئاھانەت ئىلكىدە قاپقارا تۆھمەت ،
قان قىلار يۇرەكنى ئېتىلىپ قاۋاپ.
ھاياتلىق تەشۋىشى مەۋجۇدتۇر خەتەر،
توپا-چاڭ توزانى بوغىدۇ نەپەس.
نۇر ئېزدەپ ساپ كۆڭۈل سۇنۇپ قايغۇ يەر،
سۆيۈنۈش،مۇھەببەت بىل ئەيىپ ئەمەس.
ئۆ تكەنگە ئۆكۈنۈپ ھەسرەت چەكمىدىم ،
كۆڭلۈمدە كۆرۇنمەس بەد بۇي ھىد -پۇراق .
ئۆرتىنىپ،ئاھ ئۇرۇپ ۋايساپ يۇرمىدىم ،
پىشانە تەرلىرىم چاقنار يالتىراق.
