-
ﺭﯨﻨﺪﺍﻥ ﻣﯘﻧﺎﭘﯩﻘﻤﯘ ؟ (سۆھبەت خاتىرىسى) - [مائـــــارىپ]
2008-11-08 | خەتكۈچ:
版权声明：转载时请以超链接形式标明文章原始出处和作者信息及本声明
ﺭﯨﻨﺪﺍﻥ ﻣﯘﻧﺎﭘﯩﻘﻤﯘ ؟ (سۆھبەت خاتىرىسى)
logs/31134674.html
ﺭﯨﻨﺪﺍﻥ ﻣﯘﻧﺎﭘﯩﻘﻤﯘ ؟( Naikon ﺑﯩﻠﻪﻥ ﺭﯨﻨﺪﺍﻧﻨﯩﯔ ﺳﯚﮬﺒﯩﺘﻰ )شەبنەمدىكى ئەزىز تورداشلار ياخشىمۇسىلەر ؟
رىندان ئەپەندىمنىڭ < ﺋﯘﻳﻐﯘﺭﻟﯘﻗﯘﻣﺪﯨﻦ ﭼﺎﻧﺪﯨﻢ >... قاتارلىق ئەسەرلىرى شەبنەمدە ئېلان قىلىنغاندىن كېيىن تورداشلار ئارسىدا كۈچلۈك غۇلغۇلا قوزغىدى ۋە ئوخشىمىغان قاراشتىكىلەر ئارا كەسكىن مۇنازىرلەرمۇ بولدى، رىندان ئەپەندىمنىڭ بۇ توغرىسىدا قانداق كۆز قاراشلىرى بار ؟ بۇنى بىلىش ئىستىكى مەندە قوزغىلىپ ، ئۇنىڭ بىلەن تور سۆھبەتى ئېلىپ باردىم .
رىندان ئەپەندىم ، ياخشىمۇسىز ؟
ياخشى .
ﺳﯩﺰﻧﯩﯔ << ﺋﯘﻳﻐﯘﺭﻟﯘﻗﯘﻣﺪﯨﻦ ﭼﺎﻧﺪﯨﻢ >> ﺩﯦﮕﻪﻥ ﭼﺎﺗﻤﺎ ﺋﻪﺳﯩﺮﯨﯖﯩﺰ ﺋﯧﻼﻥ ﻗﯩﻠﯩﻨﻐﺎﻧﺪﯨﻦ ﻛﯧﻴﯩﻦ ﻛﯜﭼﻠﯜﻙ ﻏﯘﻟﻐﯘﻻ ﻗﻮﺯﻏﯩﺪﻯ ، ﺑﻪﺯﯨﻠﻪﺭ ﺳﯩﺰﻧﻰ ﻣﯩﻠﻠﯩﺘﯩﺪﯨﻦ ﺗﺎﻧﻐﯘﭼﻰ ﺋﺎﺳﯩﻲ ، ﻣﯘﻧﺎﭘﯩﻖ ﺩﻩﭖ ﺋﺎﺷﻜﺎﺭﺍ ﮬﻪﻡ ﻛﻪﺳﻜﯩﻦ ﺗﻪﻧﻘﯩﺪ ﻗﯩﻠﺪﻯ ، ﻳﻪﻧﻪ ﺑﻪﺯﯨﻠﻪﺭ : << ﺋﺎﭘﺘﻮﺭ ﺑﯘ ﺋﻪﺳﻪﺭ ﺋﺎﺭﻗﯩﻠﯩﻖ ﮬﻪﺭ ﺑﯩﺮﯨﻤﯩﺰﻧﻰ ﺟﯩﺪﺩﯨﻲ ﺋﻮﻳﻠﯩﻨﯩﺸﻘﺎ ﭼﺎﻗﯩﺮﻏﺎﻥ >> ﺩﯦﮕﻪﻥ ﻗﺎﺭﺍﺷﺘﺎ ﺑﻮﻟﺪﻯ ، ﺳﯩﺰ ﺑﯘ ﻣﻪﺳﯩﻠﯩﻨﻰ ﻗﺎﻧﺪﺍﻕ ﭼﯜﺷﻪﻧﺪﯛﺭﯨﺴﯩﺰ ؟ ﺳﯩﺰ ﺭﺍﺳﺘﯩﻨﯩﻼ ﻣﯩﻠﻠﯩﺘﯩﯖﯩﺰﺩﯨﻦ ﭼﺎﻧﺪﯨﯖﯩﺰﻣﯘ ؟
ﻣﻪﻥ ﻣﻪﺯﻛﯘﺭ ﺋﻪﺳﻪﺭ ﻳﻮﻟﻼﺷﺘﯩﻦ ﺑﯘﺭﯗﻥ ﺷﯘﻧﺪﺍﻕ ﭘﺎﺭﺍﯕﻼﺭﻧﯩﯔ ﺑﻮﻟﻤﺎﺳﻠﯩﻘﯩﺪﯨﻦ ﮬﻪﻡ ﺋﻪﺳﻪﺭﺩﯨﻜﻰ ﺗﯜﭘﻜﻰ ﺧﺎﮬﯩﺸﻨﻰ ﭼﯜﺷﻪﻧﻤﻪﻱ ﻗﺎﻟﻐﯘﭼﯩﻼﺭﻧﯩﯔ ﭼﯩﻘﻤﺎﺳﻠﯩﻘﯩﺪﯨﻦ ﺋﻪﻧﺴﯩﺮﯨﮕﻪﻥ ﺋﯩﺪﯨﻢ . ﺋﻪﻣﻤﺎ ﺋﻪﻧﺴﯩﺮﻩﺷﻠﯩﺮﯨﻢ ﺑﯩﮭﯘﺩﻩ ﺑﻮﻟﯘﭖ ، ﻣﻪﺳﯩﻠﻪ ﻣﻪﻥ ﺋﯜﭼﯜﻥ ﺋﯩﺠﺎﺑﯩﻲ ﺗﻪﺭﻩﭘﻜﻪ ﻳﯜﺯﻟﻪﻧﺪﻯ . ﭼﯜﻧﻜﻰ ، ﺑﯘ ﺋﻪﺳﻪﺭﻧﻰ ﮬﻪﻣﻤﯩﺴﻰ ﭼﯜﺷﯩﻨﯩﯟﺍﻟﺴﺎ ﻳﺎﻛﻰ ﭼﯜﺷﻪﻧﮕﻪﻧﻠﯩﻚ ﺳﯩﻴﺎﻗﯩﻐﺎ ﻛﯩﺮﯨﯟﺍﻟﺴﺎ ﯞﻩ ﻳﺎﻛﻰ ﮬﻪﻣﻤﯩﺴﻰ ﭼﯜﺷﻪﻧﻤﻪﻱ ، ﻣﻪﻥ ﺳﯧﭙﻰ ﺋﯚﺯﯨﺪﯨﻦ ﻣﯘﻧﺎﭘﯩﻘﻘﺎ ﺋﺎﻳﻠﯩﻨﯩﭗ << ﻗﻮﻏﻼﻧﺪﻯ ﺷﻪﻳﺘﺎﻥ >>ﺩﻩﻙ ﮬﺎﻟﻐﺎ ﭼﯜﺷﯜﭖ ﻗﺎﻟﺴﺎﻡ ، ﺋﯚﺯﯛﻡ ﻛﯚﺯﻟﯩﮕﻪﻥ ﻣﻪﻗﺴﻪﺗﺘﯩﻦ ﻳﯩﺮﺍﻗﻼﭖ ﻛﯧﺘﯩﻤﻪﻥ . ﻳﻪﻧﻰ ، ﺋﻮﻗﯘﺭﻣﻪﻧﻠﻪﺭﻧﻰ ﺋﯚﺯﻟﯩﺮﻯ ﮬﻪﻗﻘﯩﺪﻩ ﺋﻮﻳﻠﯩﻨﯩﺸﻼﺭﻏﺎ ﺳﺎﻻﻟﻤﺎﻳﻤﻪﻥ . ﺷﯘﯕﻼﺷﻘﺎ ﻣﻪﻥ ﮬﻪﺭ ﺟﻪﮬﻪﺗﺘﯩﻦ ﺋﻮﻳﻠﯩﺸﯩﭗ ، ﺋﻪﺳﻪﺭﺩﯨﻜﻰ ﺑﺎﺵ ﭘﯧﺮﺳﻮﻧﺎﮊﻧﯩﯔ ﺋﯩﺴﻤﯩﻨﯩﻤﯘ ﻣﯘﻧﺒﻪﺭﺩﯨﻜﻰ ﻟﻪﻗﯩﻤﯩﻢ ﺑﯩﻠﻪﻥ ﺋﻮﺧﺸﺎﺵ ﻗﯩﻠﺪﯨﻢ . ﺑﯘﻧﺪﺍﻕ ﺑﻮﻟﻐﺎﻧﺪﺍ ﺑﯩﺮ ﻗﯩﺴﯩﻤﻼﺭﻧﯩﯔ ﻛﺎﻟﻠﯩﺴﯩﺪﺍ << ﺑﯘ ﻣﺎﯕﻘﯘﺭﺕ ﺭﺍﺳﺘﯩﻨﯩﻼ ﻣﯩﻠﻠﯩﺘﯩﺪﯨﻦ ﺗﺎﻧﻐﺎﻥ ﺋﻪﺑﻠﻪﺧﻜﻪﻥ >> ﺩﯦﮕﻪﻥ ﺋﯩﺪﯨﻴﯩﻨﻰ ﺋﯘﻻﺭﺩﺍ ﺷﻪﻛﯩﻠﻠﻪﻧﺪﯛﺭﻩﺗﺘﯩﻢ - ﺩﻩ ، ﺋﯘﻻﺭﻧﯩﯔ ﻣﺎﯕﺎ ﺑﻮﻟﻐﺎﻥ ﻧﻪﭘﺮﯨﺘﯩﻨﻰ ﻗﻮﺯﻏﺎﻻﻳﺘﺘﯩﻢ . ( ﺋﻪﮔﻪﺭ ﺋﻪﺳﻪﺭ ﻳﺎﺧﺸﻰ ﺑﻮﻟﺴﺎ )ﺷﯘ ﭼﺎﻏﺪﺍ ﺯﯨﺪﺩﯨﻴﻪﺗﻠﻪﺭ ﺋﯩﭽﯩﺪﯨﻦ ﺋﯚﺯﯨﻤﯩﺰﻧﻰ ﺗﻮﻧﯘﺵ ﭘﯘﺭﺳﯩﺘﯩﮕﻪ ﺋﯧﺮﯨﺸﻪﻟﻪﻳﻤﯩﺰ . ﻣﯘﻧﺪﺍﻗﭽﻪ ﺋﯧﻴﺘﻘﺎﻧﺪﺍ ، ﺳﯧﻠﯩﺸﺘﯘﺭﯗﺵ ﺧﺎﺭﺍﻛﺘﯧﺮﯨﺪﯨﻜﻰ ﻛﯚﺯ ﻗﺎﺭﺍﺷﻼﺭ ﻣﻪﻳﺪﺍﻧﻐﺎ ﻛﯧﻠﯩﭗ ، ﺋﯩﺪﯨﻴﯩﻨﻰ ﺋﻪﺭﻛﯩﻦ ﺗﺎﻟﻼﺵ ﻣﻪﻳﺪﺍﻧﻐﺎ ﻛﯧﻠﯩﺪﯗ ، ﺩﯦﮕﻪﻥ ﮔﻪﭖ . ﺷﯘﯕﻼﺷﻘﺎ ﻣﻪﻥ ﺗﯩﻠﻠﯩﻐﺎﻧﻼﺭﺩﯨﻦ ﺋﺎﻏﺮﯨﻨﯩﭗ ﻛﻪﺗﻤﯩﺪﯨﻢ ، ﺋﻪﺳﻪﺭﺩﯨﻜﻰ ﮬﻪﻡ ﺋﯚﺯﯛﻣﻨﯩﯔ ﻗﻮﺷﯘﻟﻤﯩﺴﻰ ﺭﯨﻨﺪﺍﻧﻨﻰ ﮬﺎﺳﯩﻞ ﻗﯩﻠﯩﭗ ، ﺳﻪﻣﯩﻤﯩﻲ ﻣﯘﺋﺎﻣﯩﻠﯩﺪﻩ ﺋﺎﺭﯨﻼﭖ - ﺋﺎﺭﯨﻼﭖ ﻣﯘﻧﺎﺯﯨﺮﻩ ﻗﯩﻠﺪﯨﻢ . ﺋﻪﺳﻠﯩﺪﯨﻜﻰ ﺋﻮﻳﯘﻣﺪﺍ ، ﭼﺎﻛﯩﻨﺎ ، ﺋﻪﺧﻼﻗﺴﯩﺰ ﺳﯚﺯﻟﻪﺭﻧﻰ ﺋﯩﺸﻠﻪﺗﻤﻪﻱ ، ﻗﺎﺗﺘﯩﻖ ﺗﯧﮕﯩﺶ ﺑﺎﺭ ﺋﯩﺪﻯ ، ﺑﯩﺮﺍﻕ ، ﻧﯧﻤﯩﺸﻘﯩﺪﯗﺭ ﻛﯧﻴﯩﻦ ﻳﯘﻣﺸﺎﭖ ﻛﻪﺗﺘﯩﻢ . ﺋﯘﻻﺭﻧﯩﯔ ﺋﺎﭼﭽﯩﻘﻼﻧﻐﺎﻧﻠﯩﻘﯩﻨﻰ ، ﺗﯩﻞ ﺳﺎﻟﻐﺎﻧﻠﯩﺮﯨﻨﻰ ﺋﻪﻟﯟﻩﺗﺘﻪ ﺗﻮﻏﺮﺍ ﭼﯜﺷﯩﻨﯩﻤﻪﻥ . ﺋﯘﻻﺭ ﺭﯨﻨﺪﺍﻧﻨﯩﯔ ﻣﯩﻠﻠﻪﺗﺘﯩﻦ ﭼﺎﻧﯩﻐﯩﻨﯩﻐﺎ ، ﺋﯘﻳﻐﯘﺭﻻﺭﻧﻰ ﻣﻪﻧﺴﯩﺘﻜﯩﻨﯩﮕﻪ ﻧﻪﭘﺮﻩﺗﻠﯩﻨﯩﯟﺍﺗﯩﺪﯗ . ﺑﯘﻣﯘ ﺑﯩﺮﺧﯩﻞ ﺳﯚﻳﯜﻣﻠﯜﻙ ﺭﻭﮬﻘﯘ ؟! ﺋﻪﭘﺴﯘﺳﻜﻰ ، ﺋﯘﻻﺭ ﺭﯨﻨﺪﺍﻧﻨﯩﯔ ﺋﯩﺪﯨﻴﯩﺴﯩﮕﻪ ﻛﯩﺮﻩﻟﻤﻪﻳﯟﺍﺗﯩﺪﯗ . ﺑﯩﺮﻯ ، ﺑﯘ ﺗﻪﺭﻩﭖ ﻣﯧﻨﯩﯔ ﺋﯩﭽﯩﻤﻨﻰ ﺳﯩﻘﺴﺎ ، ﻳﻪﻧﻪ ﺑﯩﺮ ﺗﻪﺭﻩﭖ ، ﺗﯩﻠﻠﯩﻐﯘﭼﯩﻼﺭﺩﺍ ﺳﻪﯞﺭﭼﺎﻧﻠﯩﻖ ﺑﯩﻠﻪﻥ ﺋﯩﻠﻤﯩﻲ ﻣﯘﻧﺎﺯﯨﺮﻩ ﻗﯩﻠﯩﺶ ﺭﻭﮬﯩﻨﯩﯔ ﻳﻮﻗﻠﯘﻗﻰ ﻣﯧﻨﻰ ﻏﻪﺯﻩﭘﻠﻪﻧﺪﯛﺭﺩﻯ . ﺑﯩﺰﺩﻩ ﻧﻪﻕ ﻣﯘﺷﯘ ﺧﯩﻞ ﺧﺎﺭﺍﻛﺘﯧﺮ ﻳﻮﻕ ﺑﻮﻟﻐﺎﻧﻠﯩﻘﻰ ﺋﯜﭼﯜﻥ ﺗﺎﺭﯨﺨﺘﯩﻦ ﺑﯧﺮﯨﻘﻰ ﺋﯩﻨﻘﯩﻼﺑﻠﯩﺮﯨﻤﯩﺰ ﻣﻪﻏﻠﯘﺑﯩﻴﻪﺕ ﺑﯩﻠﻪﻥ ﺧﺎﺭﺍﻛﺘﯧﺮﻟﻪﻧﺪﻯ . ﺑﯘﻧﻰ ﻳﻪﻧﻪ ﺗﻪﻛﺮﺍﺭﻻﺵ ﻛﯩﻤﻨﯩﻤﯘ ﺋﯧﭽﯩﻨﺪﯗﺭﻣﯩﺴﯘﻥ ؟!
ﻣﯩﻠﻠﯩﺘﯩﺪﯨﻦ ﺗﺎﻧﻐﺎﻥ ﺋﯩﻨﺴﺎﻧﻨﻰ ﺋﯩﻨﺴﺎﻥ ﻗﺎﺗﺎﺭﯨﺪﺍ ﺳﺎﻧﺎﺷﻤﯘ ﮔﯘﻧﺎﮪ ! ﺋﯘﻧﺪﺍﻕ ﺋﺎﺩﻩﻣﻨﯩﯔ ﯞﻩﺗﯩﻨﻰ ، ﺋﺎﺗﺎ - ﺋﺎﻧﯩﺴﻰ ﯞﻩ ﺑﺎﺷﻘﺎ ﮬﯧﭽﻨﯧﻤﯩﺴﻰ ﺑﻮﻟﻤﺎﻳﺪﯗ . ﺋﯘﻧﺪﺍﻗﻼﺭﻧﯩﯔ ﺯﯦﻤﯩﻨﺪﯨﻜﻰ ﺷﻪﻳﺌﯩﻠﻪﺭﺩﯨﻦ ﺑﻪﮬﺮﯨﻠﯩﻨﯩﺶ ﮬﻮﻗﯘﻗﯩﻤﯘ ﻳﻮﻕ ! ﺑﯘ ﻳﻪﺭﺩﻩ ﻣﯩﻠﻠﯩﺘﯩﺪﯨﻦ ﺗﯧﻨﯩﯟﺍﺗﻘﯩﻨﻰ ﻣﻪﻥ ﺋﻪﻣﻪﺱ ، ﺋﻪﺳﻪﺭﺩﯨﻜﻰ ﺭﯨﻨﺪﺍﻥ ! ﻣﻪﻥ ﺑﯘ ﻟﻪﻗﻪﻣﻨﻰ ﺋﯩﺸﻠﻪﺗﻜﻪﻧﺪﯨﻦ ﺑﯘﻳﺎﻥ ﺋﺎﺳﺎﺳﻪﻥ ﺋﯘﻧﻰ ﺋﻮﺗﺘﯘﺭﻏﺎ ﭼﯩﻘﯩﺮﯞﺍﺗﯩﻤﻪﻥ . ﺋﯘﻧﯩﯔ ﺧﺎﺭﺍﻛﺘﯧﺮﯨﻨﻰ ﺗﻪﮬﻠﯩﻞ ﻗﯩﻠﯩﺸﺘﺎ ﮔﯜﻟﺴﻪﻧﻪﻡ ، ﺗﯩﻢ ... ﻻﺭﻧﯩﯔ ﭘﯩﻜﯩﺮ ﻗﯩﻠﯩﺸﻰ ﻳﺎﺧﺸﻰ ﺑﻮﻟﺪﻯ ، ﺑﯩﺮﺍﻕ ، ﺧﻮﺭﻣﺎ ﻗﯩﺰﻧﯩﯔ ﺋﻮﭘﯧﺮﺍﺗﺴﯩﻴﻪ ﻗﯩﻠﯩﺸﻰ ﻛﯩﺸﯩﻨﻰ ﺳﯚﻳﯜﻧﺪﯛﺭﯨﺪﯗ .
ﻣﻪﻥ ﺑﯘ ﻳﻪﺭﺩﻩ ﺋﯘﻧﻰ ﺗﻪﮬﻠﯩﻞ ﻗﯩﻠﯩﭗ ﺋﻮﻟﺘﯘﺭﻣﺎﻳﻤﻪﻥ . ﭘﻪﻗﻪﺕ ﺑﯘﻧﻰ ﮬﻪﺭ ﻛﯩﻤﻨﯩﯔ ﺗﻪﭘﻪﻛﻜﯘﺭﯨﻐﺎ ﺋﺎﻣﺎﻧﻪﺕ ﻗﺎﻟﺪﯗﺭﯨﻤﻪﻥ . << ﻗﯘﺭﺋﺎﻥ >>ﻧﯩﻤﯘ ﺑﯩﺰﮔﻪ ﺋﺎﻟﻼﮪ ﺗﻪﭘﺴﯩﺮ ﻗﯩﻠﯩﭗ ﺑﻪﺭﻣﻪﻳﺪﯨﻐﯘ ﺩﻩﻳﻤﻪﻥ ؟! ...
ﻣﯧﻨﯩﯔ ﺗﯘﻟﯩﻤﯘ ﺋﻪﭘﺴﯘﺳﻠﯩﻨﯩﺪﯨﻐﯩﻨﯩﻢ : ﻧﯧﻤﻪ ﺋﯜﭼﯜﻥ << رىندان>>نى ﻗﺎﻳﯩﻞ ﻗﯩﻼﺭﻟﯩﻖ ﭘﺎﻛﯩﺘﻼﺭ ﺑﯩﻠﻪﻥ ﺋﻪﺩﻩﭘﻠﻪﭖ ﻗﻮﻳﻤﺎﻳﺪﯗ ؟ ﺋﯘ ﻧﯧﻤﻪ ﺋﯜﭼﯜﻥ ﻏﺎﻟﯩﭗ ﻛﯧﻠﯩﯟﯦﺮﯨﺪﯗ ؟! ﺑﯘﻧﺪﺍﻕ ﺑﻮﻟﯘﺷﯩﺪﯨﻜﻰ ﺳﻪﯞﻩﺏ ، ﺑﻪﻟﻜﯩﻢ ﺋﯘﻧﯩﯔ ﺩﻩﯞﺍﺗﻘﺎﻧﻠﯩﺮﯨﺪﺍ ﮬﻪﻗﯩﻘﻪﺕ ﺑﺎﺭ ﺑﻮﻟﯘﺷﻰ ﻣﯘﻣﻜﯩﻦ ...
ئۇنداقتا سىزدىن سوراپ باقسام سىز يەنە ﺋﻪﺳﻪﺭﻧﯩﯔ ﺩﺍﯞﺍﻣﯩﻨﻰ ﻳﺎﺯﺍﻣﺴﯩﺰ ﻗﺎﻧﺪﺍﻕ ؟
ﻳﺎﺯﯨﻤﻪﻥ ، ﻟﯧﻜﯩﻦ ﺋﯧﻼﻥ ﻗﯩﻠﻤﺎﻳﻤﻪﻥ . ﺋﻪﺳﻠﯩﺪﯨﻜﻰ ﻛﻪﻳﭙﯩﻴﺎﺕ ﺋﯚﺗﯜﭖ ﻛﻪﺗﺘﻰ . ﺋﻪﺳﻪﺭﻧﻰ ﻳﯧﺰﯨﺸﻨﻰ ﺑﺎﺷﻠﯩﻐﺎﻧﺪﯨﻦ ﺗﺎﺭﺗﯩﭗ ، ﺋﯘﻧﻰ ﺗﯧﺨﯩﻤﯘ ﭼﻮﯕﻘﯘﺭﻻﭖ ﻳﯧﺰﯨﺸﻘﺎ ﻣﯘﮬﻪﺑﺒﯩﺘﯩﻢ ﻛﯜﭼﯩﻴﯩﭗ ﻛﻪﺗﻜﻪﻥ ﺋﯩﺪﻯ . ﻣﯘﻧﺪﺍﻗﭽﻪ ﻗﯩﻠﯩﭗ ﺋﯧﻴﺘﻘﺎﻧﺪﺍ ﺋﻪﺳﻪﺭ ﺋﯩﭽﯩﮕﻪ ﻛﯩﺮﯨﭙﻼ ﻛﻪﺗﻜﻪﻥ ﺋﯩﺪﯨﻢ . ﻛﯧﻴﯩﻦ ﺑﯩﺮﺩﯨﻨﻼ ﺑﻮﺷﯩﺸﯩﭗ ﻗﺎﻟﺪﯨﻤﻐﯘ - ﺗﺎﯓ ؟
ﺋﻪﺳﻪﺭ ﺋﺎﺧﯩﺮﯨﺪﺍ ﺭﯨﻨﺪﺍﻧﻨﯩﯔ ﺗﻪﻗﺪﯨﺮﻯ ﻗﺎﻧﺪﺍﻕ ﺑﯘﻻﺭ ؟مەن بۇنىڭغا بەك ﻗﯩﺰﯨﻘﯩﯟﺍﺗﯩﻤﻪﻥ ...
ﺭﯨﻨﺪﺍﻥ ﺑﺎﺷﻘﯩﻼﺭﻧﯩﯔ ﺋﯧﭽﯩﻨﯩﺸﯩﻨﻰ ﯞﻩ ﻧﻪﭘﺮﯨﺘﯩﻨﻰ ﻗﻮﺯﻏﺎﻳﺪﯨﻐﺎﻥ ﺋﺎﺟﺎﻳﯩﭗ ﺑﯩﺮ ﻏﯧﺮﯨﺒﻠﯩﻖ ﺋﯩﭽﯩﺪﻩ ﻗﺎﻟﯩﺪﯗ . ﻟﯧﻜﯩﻦ ﺋﯘ ﺋﯚﻟﻤﻪﻳﺪﯗ ، ﭼﯩﺨﻮﭘﻨﯩﯔ << ﭼﯩﻨﻮﻧﯩﻜﻨﯩﯔ ﺋﯚﻟﯜﻣﻰ >> ﺩﯦﮕﻪﻥ ﮬﯧﻜﺎﻳﯩﺴﯩﺪﯨﻜﯩﺪﻩﻙ ﺭﻭﮬﯩﻲ ﺟﻪﮬﻪﺗﺘﯩﻦ ﺋﯚﻟﯩﺪﯗ . ﺑﯘﻧﺪﺍﻕ ﺋﯩﻨﺴﺎﻧﻨﻰ ﺋﯩﻨﺴﺎﻥ ﺳﺎﻧﯩﻐﯩﻠﯩﻤﯘ ﺑﻮﻟﻤﺎﻳﺪﯨﻐﯘ ، ﺩﻩﻳﻤﻪﻥ ؟ ﺑﯩﺮﺍﻕ ، ﺋﯘﻧﯩﯖﺪﺍ ﻣﯩﻠﻠﻪﺗﻜﻪ ﺑﻮﻟﻐﺎﻥ ﻣﯘﮬﻪﺑﺒﻪﺕ ﺑﺎﺭ ﺋﯩﺪﻯ ، ﺑﯘ ﺧﯩﻞ ﻣﯘﮬﻪﺑﺒﻪﺕ ﮔﯜﻟﺰﯨﺒﺎﻧﯩﯔ ﺗﻮﻟﯘﻕ ﺑﻮﻟﻤﯩﺴﯩﻤﯘ ﮬﻪﺭ ﮬﺎﻟﺪﺍ ﺳﺎﻗﯩﻴﯩﭗ ﻗﯧﻠﯩﺸﯩﻐﺎ ﺗﯜﺭﺗﻜﻪ ﺑﻮﻟﯩﺪﯗ . ﺑﯘ ﻣﯩﻠﻠﻪﺗﻨﻰ ﺗﯩﻠﻼﺵ ﺑﯩﻠﻪﻥ ﺋﻪﻣﻪﺱ ، ﺑﻪﻟﻜﻰ ، ﺳﻪﻣﯩﻤﯩﻲ ﻣﯘﮬﻪﺑﺒﻪﺕ ﺑﯩﻠﻪﻥ ﭘﻪﺭﯞﯨﺸﻠﯩﮕﯩﻠﻰ ﺑﻮﻟﯩﺪﯗ ، ﺩﯦﮕﻪﻧﻨﻰ ﭼﯜﺷﻪﻧﺪﯛﺭﯛﭖ ﺑﯧﺮﯨﺪﯗ . ﺭﯨﻨﺪﺍﻧﻨﯩﯔ ﺷﯘﻧﺪﺍﻕ ﺑﻮﻟﯘﭖ ﻗﯧﻠﯩﺸﯩﺪﺍ ﺑﯩﺰﻧﯩﯔ ﻣﻪﺳﺌﯘﻟﯩﻴﯩﺘﯩﻤﯩﺰ ﺑﺎﺭﻣﯘ ، ﻳﻮﻕ ؟ ﺑﯘ ﮬﻪﻣﻤﯩﻤﯩﺰ ﺋﻮﻳﻠﯩﻨﯩﭗ ﻛﯚﺭﯛﺷﻜﻪ ﺗﯧﮕﯩﺸﻠﯩﻚ ﻣﻪﺳﯩﻠﻪ .
ﻳﻪﻧﻪ ﺑﯩﺮ ﮔﻪﭖ ، ﮔﯜﻟﺰﯨﺒﺎﻧﯩﯔ ﺭﯨﻨﺪﺍﻧﻨﯩﯔ ﻗﺎﺭﯨﺸﯩﻐﺎ ﺑﻮﻟﻐﺎﻥ ﭘﻮﺯﯨﺘﺴﯩﻴﯩﺴﻰ ﺋﻪﺳﻪﺭﻧﯩﯔ ﮬﺎﺯﯨﺮﻏﯩﭽﻪ ﺑﻮﻟﻐﺎﻥ ﺭﺍﯞﺍﺟﯩﺪﺍ ﺋﯩﭙﺎﺩﯨﻠﻪﻧﻤﯩﺪﻯ . ﺋﯘﻧﻰ ﻣﻪﻥ ﺋﻪﺳﻪﺭ ﺋﺎﺧﯩﺮﯨﺪﺍ ﺧﺎﺗﯩﺮﻩ ﺷﻪﻛﻠﯩﺪﯨﻼ ﺑﯧﺮﯨﯟﻩﺗﻤﻪﻛﭽﻰ .
سىزنىڭ ﺑﯘ ﺋﻪﺳﻪﺭﻧﻰ ﻳﯧﺰىشىڭىزغا ﻧﯧﻤﻪ ﺳﻪﯞﻩﺑﭽﻰ ﺑﻮﻟﻐﺎﻥ ؟
ﺳﯚﺯﻟﻪﭖ ﻛﻪﻟﺴﻪﻡ ﮔﻪﭖ ﺗﻮﻻ . ﺑﯩﺮﻻ ﺋﯧﻐﯩﺰ ﮔﻪﭖ ﺑﯩﻠﻪﻥ ﺋﯧﻴﺘﻘﺎﻧﺪﺍ ، ﺑﯘﺭﻧﯩﻤﯩﺰﻏﺎ ﻳﻪﭖ ﺗﯘﺭﯗﯞﺍﺗﺴﺎﻗﻤﯘ ، ﺋﯚﺯﯨﻤﯩﺰﻧﯩﯔ ﺋﯚﺯﯨﻤﯩﺰﻧﻰ ﺗﻮﻧﯘﻣﺎﻳﯟﺍﺗﻘﺎﻧﻠﯩﻘﻰ ﺋﺎﺳﺎﺳﻰ ﺳﻪﯞﻩﺏ ﺑﻮﻟﺪﻯ .
<< ﺋﺎﻳﺮﯨﻤﯩﭽﻰ ﯞﻩ ﺋﯚﺯﯛﻣﭽﯩﻞ ﺋﯘﻳﻐﯘﺭﻻﺭ >> ﺩﯦﮕﻪﻥ ﻣﺎﻗﺎﻟﯩﯖﯩﺰﻧﯩﯔ ﻛﯩﺸﯩﮕﻪ ﺑﯧﺮﯨﺪﯨﻐﺎﻥ ﺗﻪﺳﯩﺮﻯ ﻳﺎﺧﺸﻰ ﺋﻪﻣﻪﺳﺘﻪﻙ ﮬﯧﺲ ﻗﯩﻠﺪﯨﻢ ، ﺑﯘﻧﯩﯔ ﺳﻪﯞﻩﺑﯩﻨﻰ ﻗﺎﻧﺪﺍﻕ ﭼﯜﺷﻪﻧﺪﯛﺭﯨﺴﯩﺰ ؟
ﺋﯘﻧﻰ ﻗﺎﻧﺪﺍﻕ ﭼﯜﺷﯩﻨﯩﺶ ﺋﻮﻗﯘﺭﻣﻪﻧﻨﯩﯔ ﺗﻪﭘﻪﻛﻜﯘﺭﯨﻐﺎ ﺑﺎﻏﻠﯩﻖ . ﮬﺎﺯﯨﺮ ﺑﻪﺯﯨﻠﻪﺭ ﺋﯚﺯﯨﻨﯩﯔ ﺗﺎﺭﯨﺨﯩﻐﺎ ﻗﯩﺰﯨﻘﻤﺎﻳﺪﯨﻐﺎﻥ ، ﺋﯚﺯ ﺗﺎﺭﯨﺨﯩﻨﻰ ﺑﯩﻠﯩﺸﺘﯩﻦ ﺑﯩﺮﻩﺭ ﺗﻮﭖ ﻳﺎﻛﻰ ﻛﯩﻨﻮ ﭼﻮﻟﭙﯩﻨﯩﻨﯩﯔ ﺗﺎﺭﯨﺨﯩﻨﻰ ﺑﯩﻠﯩﺸﻨﻰ ﺋﻪﯞﺯﻩﻝ ﺩﻩﭖ ﻗﺎﺭﺍﻳﺪﯨﻐﺎﻥ ﺑﻮﻟﯘﭖ ﻗﺎﻟﺪﻯ . ﻛﯧﻴﯩﻦ ﺋﯘﻻﺭﻏﺎ ﺑﺎﺷﻘﯩﻼﺭ ﺗﺎﺭﯨﺨﯩﻨﻰ ﻗﺎﻧﺪﺍﻕ ﺳﯚﺯﻟﻪﭖ ﺑﻪﺭﺳﻪ ﺷﯘﻧﺪﺍﻕ ﭼﯜﺷﯩﻨﯩﺪﯨﻐﺎﻥ ﺑﻮﻟﯘﭖ ﻗﺎﻟﯩﺪﯗ . ﺷﯘﯕﺎ ، ﺋﯚﺯ ﺗﺎﺭﯨﺨﯩﻨﻰ ﺑﯩﻠﯩﺶ ﺯﯙﺭﯛﺭ . ﺋﻪﺳﻠﻰ ﺋﻮﺭﺧﯘﻥ ﺧﺎﻧﻠﯩﻘﯩﻨﻰ ﺋﯘﻳﻐﯘﺭﻻﺭ ﻗﯘﺭﻏﺎﻥ . ﺷﯘﯕﺎ ﺋﯘ << ﺋﯘﻳﻐﯘﺭ ﺋﻮﺭﺧﯘﻥ ﺧﺎﻧﻠﯩﻘﻰ >> ﺩﻩﭖ ﺋﺎﺗﺎﻟﻐﺎﻥ . << ﺋﻮﻏﯘﺯﻧﺎﻣﻪ >> ﺩﺍﺳﺘﺎﻧﯩﺪﺍ ﺋﻮﻏﯘﺯﺧﺎﻧﻨﯩﯔ << ﻣﻪﻥ ﺋﯘﻳﻐﯘﺭﻻﺭﻧﯩﯔ ﺧﺎﻗﺎﻧﯩﻤﻪﻥ >> ﺩﯦﮕﻪﻥ ﻳﯧﺮﻯ ﺑﺎﺭ . ﻳﻪﻧﻪ ﺑﯩﺮ ﺟﻪﮬﻪﺗﺘﯩﻦ ﺋﺎﻟﻐﺎﻧﺪﺍ ، ﺑﯩﺰﺩﻩ ﺋﯚﺯﯛﻣﭽﯩﻠﻠﯩﻚ ﯞﻩ ﺋﺎﻳﺮﯨﻤﯩﭽﯩﻠﯩﻖ ﺧﺎﺭﺍﻛﺘﯧﺮﯨﻤﯘ << ﻛﯧﺴﻪﻝ >> ﺳﯜﭘﯩﺘﯩﺪﻩ ﻣﻪﯞﺟﯘﺗﻘﯘ ؟! ﻣﯧﻨﯩﯔ ﺷﯘﻧﺪﺍﻕ ﻳﯧﺰﯨﺸﯩﻤﻐﯩﻤﯘ ﺋﻪﻧﻪ ﺷﯘﻧﺪﺍﻕ ﻣﻪﻟﯘﻡ ﺑﯩﺮ ﻏﻪﺭﻩﺯ ﺑﺎﺭ ﺋﯩﺪﻯ .
<< < ﺋﺎﺩﻩﻡ ﺋﺎﺗﺎ > ﺋﺎﺗﯘﺷﻠﯘﻗﻜﻪﻥ >> ﺩﯦﮕﻪﻥ ﻳﺎﺯﻣﯩﯖﯩﺰﻏﺎ ﺋﺎﺯﺭﺍﻕ ﺋﯩﺰﺍﮬﺎﺕ ﺑﻪﺭﺳﯩﯖﯩﺰ ؟
ﺋﯘ ﺗﯧﻤﯩﻨﻰ ﺋﯚﭼﯜﺭﯛﭖ ﺗﺎﺷﻠﯩﻐﯩﻨﯩﻐﺎ ﺑﻪﻛﻤﯘ ﻛﯜﻟﮕﯜﻡ ﻛﯧﻠﯩﺪﯗ . ﺑﯘ ﺋﯩﺶ ﻣﯘﻧﺪﺍﻕ ﺑﻮﻟﻐﺎﻥ ﺋﯩﺪﻯ : ﺑﯩﺮ ﺳﻮﺭﯗﻧﻐﺎ ﺑﯧﺮﯨﭗ ﻗﺎﻟﺪﯨﻢ . ﺋﯘ ﻳﻪﺭﺩﻩ ﺋﻮﺗﺘﯘﺭﺍ ﻣﻪﻛﺘﻪﭘﺘﯩﻜﻰ ﺋﻮﻗﯘﺗﻘﯘﭼﯩﻢ : << < ﺋﺎﺩﻩﻡ ﺋﺎﺗﺎ > ﺋﺎﺗﯘﺷﻠﯘﻗﻜﻪﻥ >> ﺩﻩﭖ ، ﻗﯩﺰﯨﻘﭽﯩﻠﯩﻖ ﻗﯩﻠﯩﭗ ﺋﯘﻧﻰ ﺑﯩﺮ ﻧﻪﭼﭽﻪ ﻧﯘﻗﺘﯩﻼﺭﻏﺎ ﺑﯚﻟﯜﭖ ﭼﯜﺷﻪﻧﺪﯛﺭﺩﻯ ... ﺑﯘ ﻣﺎﯕﺎ ﺋﺎﺟﺎﻳﯩﭗ ﺑﯩﺮ ﺗﻪﺳﯩﺮﺍﺕ ﺑﻪﺭﺩﻯ . ﺋﯘﻧﻰ ﺳﻪﻟﻼ ﺗﯜﺯﻩﺷﺘﯜﺭﺳﻪﻡ ، ﻳﯘﺭﺗﯟﺍﺯﻟﯩﻘﻨﻰ ﺋﯧﭽﯩﭗ ﺑﯧﺮﯨﺪﯨﻐﺎﻥ ﻳﺎﻣﺎﻥ ﺋﻪﻣﻪﺱ ﺑﯩﺮ ﺋﻪﺳﻪﺭ ﺑﻮﻟﻐﯘﺩﻩﻙ ... ﺷﯘﻧﯩﯔ ﺑﯩﻠﻪﻥ ﺑﯩﺮﺩﻩﻣﺪﯨﻼ << ﻳﺎﺳﺎﭖ >> ﭼﯩﻘﺘﯩﻢ .
<< < ﺋﺎﺩﻩﻡ ﺋﺎﺗﺎ > ﻗﺎﻧﺪﺍﻗﻤﯘ ﺋﺎﺗﯘﺷﻠﯘﻕ ﺑﻮﻟﺴﯘﻥ ؟ ﺋﻪﺳﻪﺭﺩﯨﻜﻰ ﻣﻪﻥ ﻧﯧﻤﻪ ﺋﯜﭼﯜﻥ < ﺋﺎﻟﺘﯘﻥ ﻳﺎﺭﯗﻕ >ﻧﻰ ﺋﻮﻗﯘﭖ ﻳﺎﺗﯩﺪﯗ ؟ ﺋﯘﻧﻰ ﺑﺎﺷﻘﯩﻼﺭ ﻧﯧﻤﻪ ﺳﻪﯞﻩﺑﺘﯩﻦ ﭼﺎﻗﯩﺮﯨﺪﯗ ؟ ﺑﯘ ﺋﺎﺭﻗﯩﻠﯩﻖ ﺋﺎﭘﺘﻮﺭ ﺯﺍﺩﻯ ﻧﯧﻤﻪ ﺩﯦﻤﻪﻛﭽﻰ ؟ >> ﺩﯦﮕﻪﻥ ﻣﻪﺳﯩﻠﯩﻨﻰ ﻧﯧﻤﯩﺸﻘﯩﻤﯘ ﺋﻮﻳﻼﻧﻤﺎﻳﺪﯨﻐﺎﻧﺪﯗ ؟ ﮬﻪﻱ ، ﺋﯧﭽﯩﻨﻤﺎﻱ ﻧﯧﻤﻪ ﺋﺎﻣﺎﻝ ؟!
شەبنەمگە داۋاملىق ئەسەر يوللاپ تۇرىشىڭىزنى ئۈمۈد قىلىمىز .
ئەلۋەتتە ، <شەبنەم> ۋە شەبنەمدىكىلەرگە مۇھابىتىم بار .ﺭﯗﺧﺴﻪﺗﺴﯩﺰ ﺋﯩﺸﻠﯩﺘﯩﺸﻜﻪ ﺑﻮﻟﻤﺎﻳﺪﯗ .
收藏到：Del.icio.us
ئادرېس:
评论
ھۆرمەت بىلەن: بىدار قۇتلان.
ھۆرمەت بىلەن: بىدار قۇتلان.