بىلىم-كۈچ بلوگى

版权声明：转载时请以超链接形式标明文章原始出处和作者信息及本声明
http://www.blogbus.com/bilim-kuq-logs/38882124.html

          _______________ئەسسالامۇ ئەلەيكۇم قېرىنداشلار...........................
         تۆۋەندە مەن ئىسلام دىنىمىزدىكى پەرىزلەر «يەنى 40پەرىز » نى بايان قىلىپ ئۆتمەكچىمەن .
               ناھايىتى شەپقەتلىك ۋە مېھرىبان ئاللانىڭ ئىسىمى بىلەن باشلايمەن.
            شەرئى ھۆكۈم دىگىنىمىز، بىرەر ئىشنى قىلىشنى تەلەپ قىلغان خىتاپ ياكى
            شۇ ئىشنى قىلىشنى تەلەپ قىلمىغان خىتاپ بىلەن ئىپادىلىنىدۇ.
            شەرئى ھۆكۈملەر پەرز، ھارام، مەكروھ، مۇباھ، مەندۇپ قاتارلىقلارغا
            بۆلۈنىدۇ.
            شۇ ئىشنى قىلىشنى قەتئى تەلەپ قىلىنغان بولسا، بۇنداق شەرئى ھۆكۈم پەرز
            ۋە ۋاجىپ بولىدۇ.
            شۇ ئىشنى قىلماسلىق قەتئى تەلەپ قىلىنغان بولسا،يەنى شۇئىشتىن توسۇلغان  بولسا ،بۇ شەرئى ھۆكۈم ھارام  ۋە مەھزور بولىدۇ.
          
            شۇ ئىشنى قىلماسلىق تەلەپ قىلىنسىمۇ،تەلەپ قەتئى بولمىسا،بۇ مەكروھ
            بولىدۇ.
            ئەگەر شۇ ئىشنى قىلىش تەلەپ قىلىنىپ، تەلەپ قەتئى بولمىسا،بۇنداق شەرئى
            ھۆكۈم مەندوپ بولىدۇ.
            شەرىئەت ھۆكۈمىدىكى پەرزلەر(قىرىق پەرز تۆۋەندىكىچە)
     
            ئىسلامدىكى بەش پەرز تۆۋەندىكىچە .
            1.ئىماننى ئوبدان بىلىش،چۈشىنىش.
            2.بەش ۋاخ نامازنى ۋاقتىدا، تەرك قىلماي ئوقۇش.
            3.رامىزاندا،چوقۇم روزى تۇتۇش.
            4.پۇل-مېلىدىن ئۆشرە-زاكات ئايرىش.
            5.ئۆمرى ئىچىدە بىر قېتىم ھەجگە بېرىش، ھەجگە بېرىشقا قۇربى
            يەتمىسە،نامازنى ۋە جۈمئە نامېزىنى  تەرك قىلماي ئوقۇش.

      
             ئىماندىكى يەتتە پەرز تۆۋەندىكىچە .
            1. اللانىڭ بىرلىك ۋە بارلىقىغا ئىمان كەلتۈرۈش.
            2.اللانىڭ پەرشتىلىرىگە ئىمان كەلتۈرۈش.
            3.اللانىڭ كىتاپىغا ئىمان كەلتۈرۈش.
            4.اللانىڭ پەيغەمبەرلىرىگە ئىمان كەلتۈرۈش.
            5.ئاخىرەتنىڭ كۈنىگە ئىشىنىش.
            6.ياخشى ۋە يامان ئىشلارنى كۆرگەندە،اللانىڭ قۇدرىتى ئىكەنلىكىگە   ئىشىنىپ،ئىمان كەلتۈرۈش.
            7.ئۆلگەندىن كېيىن تىرىلىشنىڭ راس ئىكەنلىكىگە ئىشىنىش.

       
              تاھارەتتىكى تۆت پەرز تۆۋەندىكىچە .
            1.يۈزىنى ۋە باشنىڭ چاچ ئۈنگەن يېرىدىن ئېڭەكنىڭ ئاستىغىچە،ئىككى
              قۇلاقنىڭ ئارقىسىنى قوشۇپ ئۈچ قېتىم يۇيۇش.
            2.ئىككى قولىنى جەينىكىدىن ئۆتكۈزۈپ ئۈچ قېتىم يۇيۇش.
            3.باشنىڭ تۆتتىن بىر ھەسسىسىگىچە مەسى قىلىش.
            4.ئىككى پۇتىنى ئوشۇقنىڭ ئۈستىگىچە يۇيۇش.ساقاللىق كىشى بولسا،ساقالنىڭ
            ئاستىغىچە سۇ يەتكۈزۈش.

         
              تەيەممۇمدىكى تۆت پەرز تۆۋەندىكىچە .
            1.تەيەممۇمغا نىيەت قىلىش.
            2.پاكىزە توپا ئېلىش.
            3.ئىككى ئالقاننى توپىغا ئۇرۇپ،يۈزىنى،بېشىنىڭ تۈك ئۈنگەن يېرى،ئىككى
            قۇلاقنىڭ ئالدى-كەينى بىلەن ئېڭەكنىڭ ئاستىغىچە سىلاش.
            4.ئىككى ئالقاننى قايتا توپىغا ئۇرۇپ،جەينەكتىن ئۆتكۈزۈپ سىلاش.
              (تەيەممۇمنىڭ شەرتى؛سۇ يوق يەردە ،ياكى مىيىت نامېزىغا ئالدىراپ  قالغاندا،تەيەممۇم  قىلسا بولىدۇ، لېكىن مېيىت ئىگىسىگە تەيەممۇم
                    دۇرۇس ئەمەستۇر).
         
              غۇسلىدىكى ئۈچ پەرز تۆۋەندىكىچە .
            1.ئاغزىغا ئۈچ قېتىم سۇ ئېلىپ، ھەلقۇمىغىچە غەر-غەر قىلىش.
            2.بۇرنىغا ئۈچ قېتىم سۇ ئېلىپ دىماققىچە يەتكۈزۈپ،چىقىرىش.
            3.پۈتۈن بەدەنگە تولۇق سۇ قۇيۇش،جايىدىن قوزغىلىپ،پۇتىنى ئوشۇقتىن
            ئۆتكۈزۈپ،ئۈچ قېتىم يۇيۇش.
               ئالدى بىلەن نىجاسەت تەككەن يەرنى پاكىز يۇيۇپ،كىچىك تاھارەت
            ئېلىپ(پۇتىنى يۇماي تۇرىدۇ)
   
                 نامازنىڭ سىرتىدىكى ئالتە پەرز تۆۋەندىكىچە .
            1.تاھارەتكە تەييارلىغان سۇ پاكىزە بولۇش.
            2.ناماز ئوقۇيدىغان جاي پاكىزە بولۇش.
            3.نامازدا كىيىدىغان كىيىم پاكىزە بولۇش.
            4.نامازنىڭ ۋاقتىنى بىلىش .
            5.نامازدا قىبلىگە قاراپ تۇرۇش.
            6.نامازغا نىيەت قىلىش.
      
             نامازنڭ ئىچىدىكى ئالتە پەرز تۆۋەندىكىچە .
            1.تەكبىر ئېيتىش.
            2.قىيامدا تۇرۇش.
            3.قىرائەت قىلىش.
            4.رۇكۇ قىلىش.
            5.سەجدە قىلىش.
            6.ئەتتاھىياتۇنى ۋە ئاللاھۇممە سەللى ئەلا-بارىك دۇرۇتلىرىنى،ئاللاھۇممە ئەغپىرلىينى  تولۇق ئوقۇپ،ئاۋال ئوڭ تەرەپكە،ئاندىن سول تەرەپكە سالام بېرىش.
          

         ئىلىم ئۈگىنىشتىكى بىر پەرز. تۆۋەندىكىچە .
            ئەر ياكى ئايال بولسۇن، ئۆمرىدە دىن ئىلمىنى ئۈگۈنۈش بىر پەرزدۇر.

            ئاياللارنىڭ ھەيز كۆرۈشى ۋە بوشانغاندىن كېيىنكى نىپاسى توغرىسدىكى
              ئىككى پەرز  تۆۋەندىكىچە .
            1.ھېيىز ئاز بولغاندا ئۈچ كۈن،كۆپ بولغاندا ئون كۈن بولىدۇ. ئاياللار
            ھېيىز ۋاقتىدا يولدىشى بىلەن يېقىنچىلىق قىلماسلىقى، ناماز ئوقۇماسلىقى
            ۋە رامىزان روزىسىنى تۇتماسلىقى لازىم. كېيىن ھېيىزدىن پاكلانغاندا،روزىنىڭ
            قازاسىنى چوقۇم تولۇقلاپ تۇتىدۇ. نامازنىڭ قازاسىنى ئوقۇمايدۇ.
            2.بوشانغان ئاياللارنىڭ نىپاس ۋاقتى ئادەتتە 40 كۈن بولۇپ، ئەگەر
            10كۇندىن20كۇنگىچە توختىسا،نامىزىنى ئوقۇپ،روزىسىنى تۇتىدۇ.

               ئاخىرقى ئىككى پەرز  تۆۋەندىكىچە .
           1. ئاللاھنىڭ بۇيرىغان ئىشلىرىنى ئۆزى چوقۇم قىلىش ۋە يەنە بىر كىشىنىمۇ
            ياخشى ئىش قىلىشقا دەۋەت قىلىش.
          2. ئاللاھ چەكلىگەن يامان ئىشلارنى قىلماسلىق،يەنە بىر كىشىنىمۇ شۇ ئىشتىن
            توسۇش.