قاتناش ساقچىلىرىنى تىللىماڭ

Bidar-Qutlan

	قاتناش ساقچىلىرىنى تىللىماڭ     شوپۇر ئۇستاملارنىڭ ياكى موتوسىكىلىتى بار خىزمەتداشلىرىمنىڭ ئانچەمۇنچە قاتناش ساقچىلىرىنى تىللايدىغان، ئۇلارنىڭ خىزمىتىدىن نارازى بولىدىغان ئىشلارنى ئۇچراتسام، مەنمۇ شۇ نارازىلىقلارغا جور بولۇپ قالاتتىم، ئايالىم قاتناش ھادىسىسىگە ئۇچرىغاندىن كېيىن، ئۇلارنىڭ قەتئىي يامان گېپىنى قىلمايدىغان، ئۇلارنىڭ يامان گىپىنى قىلغانلارنى كۆرسەم، قاتناش ساقچىلىرىنىڭ پۇقرالار ئۈچۈن قانچىلىك مۇھىملىكىنى چۈشەندۈرۈپ قايىل قىلىدىغان بولدۇم. ئايالىم ئالدىنقى يىلى(2010- يىلى 10- ئاينىڭ 21- كۈنى) چۈشلۈك دەم ئېلىشنى تۈگىتىپ، موتوسىكىلىتى بىلەن ئىشلەيدىغان مەكتىپىنىڭ ئالدىغا كەلگەندە تېز يۈرگەن تاكسى يان تەرەپتىن سوقۇۋىتىپ، موتوسىكىلىت، ئايالىم 10 نەچچە مېتىر يەرگىچە قاڭقىپ كەتكەن ئىدى، ھېلىمۇ پەرزەنتلىرىمنىڭ تەلىيى باركەن، ئاشۇ قورقۇنۇشلۇق مەنزىرە ئىچىدە مۆجىزىلىك ھايات قالالاپتۇ، ئايالىمنىڭ خىزمەتداشلىرىنىڭ تېلېفۇن قىلىشى بىلەن پۇت-قولۇمدا جان يوق نەق مەيدانغا باردىم، ئادەملەر يىغىلىپ كىتىپتۇ، ۋەقە يۈز بېرىپ يېرىم سائەتكىچىمۇ قاتناش ساقچىسى كىلىپ بولالمىغان ئىكەن،  ساقچى ۋە بىر ئىستراخۇانىيە خادىمى كىلىپ، رەسىمگە ئالغاندىن كېيىن ئايالىمنى دوختۇرخانىغا ئېلىپ باردۇق، 4 ئاي يېتىپ ئۆزىنىڭ ھاجىتىدىن چىققىدەك بولغاندىن كېيىن ئىشقا چۈشتى، شۇندىن بىرى موتوسىكىىت مىنىشتىن، قاتناش زىچ يەردە مېڭىشتىن قورقايدىغان بولۇپ قالدى. ھادىسىگە ئۇچرىغان كۈنى، ئايالىم ساقىيىۋالغاندىن كېيىن، قاتناش ھادىسىنىڭ مەسىلىسىنى بىرياقلىق قىلىپ بولۇپ، مۇشۇنداق مۇھىم يول ئاچىلىغا تېخىچە چىراق بېكىتمىگەن قاتناش ساقچى ئەترىتىنىڭ ئۈستىدىن ئەرز قىلىشنى نىيەت قىلغان ئىدىم،  ئايالىمنى سوقۇۋەتكەن شوپۇردىنمۇ بەكرەك قاتناش ساقچى ئەترىتىگە نەپرەتلەنگەن ئىدىم، نېمىشقا دېسىڭىز،  ئايالىمنى ماشىنا سوققان جاي ماشىنا كۆپ ماڭىدىغان ئاۋات كوچىنىڭ تۆت دوقمۇشى بولۇپ، بۇ تۆت دوقمۇشتىن 100 مېتىر نېرىسىگە ماڭسىڭىز چۆچۈرىدەك ئۇششاق بالىلار ئوقۇيدىغان كونىشەھەر باشلانغۇچ مەكتەپنىڭ دەرۋازىسى ئالدىغا بارىسىز، مانا مۇشۇنداق ئەڭ مۇھىم، ھەرقانداق جايدىن ئىھتىياجلىق بولىۋاتقان جايغا قاتناش باشقۇرىدىغان چىراق ئورنۇتۇلمىغان ئىدى، ياكى قاتناشقا مەسئۇل بىرەر ساقچىمۇ نازارەت قىلىشقا قويۇلمىغان ئىدى، شۇ سەۋەپلىك جەنۇپتىن شىمالغا قاراپ ماڭغان تاكسى دەل مۇشۇ دوقىدا غەرپتىن شەرققە قاراپ مېڭىپ، يول ياقىسىغا چىقىپ بولايلا دەپ قالغان ئايالىمنى ئىنتايىن تىز سۈرئەت بىلەن كەلگەن ماشىنا، ماي يولىغا 9 مېتىر تورمۇز ئىزى چىقىرىپمۇ توختىتالماي سوققان ئىدى، شۇ چاغدا بىرەر قاتناش ساقچىسى بولغان بولسا ياكى قاتناشنى باشقۇرۇش چىرىقى ئورنىتىلغان بولسا، شوپۇرلار يىشىل، قىزىل چىراقلارنىڭ قوماندانلىقى بىلەن ئۆتۈشۈپ، بەلكىم بۇنداق ھادىسەلەرمۇ بولماس ئىدى.     يەكەندە بىرنەچچە كۈندىن بىرى قار يىغىپ، يول تىيىلغاق بولۇپ كەتكەن بولغاچ، بۈگۈنمۇ كۈنىدىكىدەك ئەتتىگەندە ئايالىمنى مەكتىپىگە ئاپىرىپ قويۇش ئۈچۈن ئۆيۈمدىن 2 كىلومېتىر يىراقلىقتىكى مەكتەپكە ماشىنام بىلەن يولغا چىققان ئىدىم، مەكتەپكە بارغىچە ئىككى ئورۇندىكى  تۆت ئاچالدىن ئۆتىمىز،  1- ئاچالدا كىچە-كۈندۈز ئۆچۈپ قالماي يانىدىغان قاتناش چىرىقى بار، ئەتتىگەن، چۈش، كەچلەردە يول بېسىق بولىدىغان چاغلاردا يەنە 3، 4 تىن ساقچى يولنىڭ بىخەتەرلىكىگە نازارەت قىلىپ تۇرىدۇ، بۈگۈن ئەتتىگەنمۇ ھاۋانىڭ شۇنچە سوغۇق، قارنىڭ ئۇچقۇنداۋاتقانلىقىغا قارىماي، 3 نەپەر ساقچى خىزمەت كىيىمى بىلەن يولنىڭ ئوتتۇرىدا تۇرۇپ خەلقنىڭ بىخەتەرلىكى ئۈچۈن نازارەت قىلىۋىتىپتۇ، ماشىنامدىن ئاتايەن چۈشۈپ، ئۇلارغا سالام بەرگىم، رەھمەت ئوقۇغۇم كىلىپ كەتتى، ئەمما ئۇلارنىڭ خىزمىتىگە دەخلى يەتكۈزمەسلىك ھەم ئايالىمنىڭ ئىشقا كىچىكىپ قالماسلىقىنى كۆزلەپ، ئىچىمدە بىرمۇنچە رەھمەتلەرنى ئوقۇپ، يولۇمغا راۋان بولدۇم، شۇ ھىس تۇيغۇ بىلەن ئارىلىقى بىر كىلو مېتىرغىمۇ بارمايدىغان، ئايالىم ئالدىنقى يىلى قاتناش ھادىسىسىگە ئۇچرىغان،  تۆت ئاچالغا كەلسەم، چۆچۈرىدەك بالىلار چۇرقۇرۇشۇپ، قار تېيىلىپ كىتىۋىتىپتۇ، ئوقۇتقۇچىلار ئاچالدىن ئالدىراپ، تەمتىرەپ ئۆتۈشىۋىتىپتۇ، ماشىنىالارمۇ  سوقۇشۇپ كەتكىلى ئارانلا تۇرغاندەك تەرتىپسىز كىتىۋىتىپتۇ، بىرمۇ نازارەت قىلىدىغان ساقچى يوق ياكى بىرەر يول باشقۇرۇش چىرىقىمۇ يوق، كۆڭلۈم شۇنداق يېرىم ھالدا دەككە-دۈككە بىلەن بۇ ئاچالدىن سالامەت ئۆتۈۋالدىم، بۇ يەردە نەچچە رەت قاتناش ھادىسىلىرى يۈزبەردى، پات-پات يۈز بېرىپ تۇرۇۋاتىدۇ، ئەمما بۇ يول باشقا بىر قىتئەنىڭ يولىدەك، نەزەردىن ساقىت قىلىنىپ، ھىچ بىر تەدبىرسىز، تەرتىپسىز ھالدا قاتناش ئەسلىھەلىرى، ئوقۇتقۇچىلار، ئوقۇغۇچىلار، بوۋايلار، مومايلار، ياشلار ئەندىشە ئىچىدە  يۈرۈشمەكتە. ياغلىق ئۈچەيگە ياغنى تولدۇرۇپ تىققاندەك، چىراغ تۈۋىدىكى ئاشۇ سۆيۈملۈك 4، 5 ساقچىلاردىن چىراق بېكىتىلمىگەن يەرلەرگىمۇ بىرەرسىنى بولسىمۇ ئاجرىتىپ قويغان بولسا، ئەتىگەن، چۈش ۋە كەچلەردە مەكتەپتىن كېلىپ-كىتىشلەردە كىشىلەر ئازراق بولسىمۇ خاتىرجەملىككە ئېرىشىپ، بۇ سۆيۈملۈك ساقچىلىرىمىزدىن تېخىمۇ رازى بولۇپ كەتمەسمىدى، ئۇ جايغا ئاددىيراق بولسىمۇ بىرەر چىراق ئورنىتىلىپ قويۇلسا، ئاتا - ئانىلار پەرزەنتلىرىنى مەكتەپكە خاتىرجەم ئۇزۇتۇپ قويماسمىدى، دېگەنلەرنى ئويلاپ، باشقۇرۇشسىز قالغان تېيىلغاق يولدا مىڭ تەستە مېڭىپ، ئايالىمنىڭ مەكتىپى ئالدىغىمۇ بېرىپ قاپتىمەن. بۇ سۆيۈملۈك كىشىلەرنىڭ خاتىرجەملىكىمىز ئۈچۈن نەقەدەر مۇھىملىقىنى يەنە بىر قېتىم چوڭقۇر ھىس قىلماقتىمەن.

sakra

	ئۇلارنىڭ خىزمىتى ھەقىقەتەن جاپالىق....

Bidar-Qutlan

	كوچا ئېغىزلىرىغا قاتناش باشقۇرۇش چىرىغىنى ئورنۇتۇشقا قاناش باشقۇرۇش ئەترىتى مەسئۇلمىكىن دەپ يۈرسەم، شەھەر قۇرۇلىشى ئىدارىسى مەسئۇل دېگەندەك گەپلەرنى ئاڭلاۋاتىمەن، بۇگەپ راسمىدۇ؟ چىراق بىكىتىشكە تىگىشلىك تۇرۇپ، چىراق بىكىتىلمىگەن، مۇشۇنداق چىراقسىز دوقىلاردا قاتناش ھادىسىسى يۈزبەرسە، چىراق بىكىتىشكە مەسئۇل ئىدارىنىڭ باشلىقىمۇ مەسئۇلىيەتنى ئۈستىگە ئالىدىغان بەلگىلىمە يوقمىدۇ؟

tuman

	ئۇلارنىڭ خىزمىتى ھەقىقەتەن جاپالىق.... بولسا ئۇلارغا كۇيۇنسەك بۇلىدۇ ~!

serjat

	خاتا پەرەز قىلمىسام، ھىلىقى ۋەقە تولا يۈز بىرىدىغان‹‹قىتئە تاشيولى›› يەكەننىڭ كوناشەھەر رايۇنىدىغۇ دەيمەن،  ئەگەر كونا شەھەر رايۇنىدا ئەمەس، ئالىقانداق ئىقتىسادىي رايۇن ياكى يىڭىدىن بەرپا قىلىنغان رايۇنلاردا بولغان بولسىتتى، ئۇ چاغدا قاتناش قوماندانلىق چىرىقى، تىزلىك ئۆلچەش رادار سىستىمىسى، كۈزىتىش كامىراسى قاتارلىقلارنى ئورنىتىپ بولار ئىدى، ھەي ... ئاددىيسى ھازىر بىزنىڭ نامرات دەپ سانىلىۋاتقان يۇرتىمىزدىمۇ قاتناش بەلگىلىرى تولۇق يۈرۈشلىشىپ بولدى، يەكەندەك تەرەققىي قىلغان جايدا....

Bidar-Qutlan

	tuman يوللىغان ۋاقتى  2012-2-17 17:28 ئۇلارنىڭ خىزمىتى ھەقىقەتەن جاپالىق.... بولسا ئۇلارغا كۇ ... تومۇزنىڭ قاقرام ئىسسىقلىرىدا، زىمىستاننىڭ ئاچچىق سوغۇقلىرىدا ئىسسق، سوغۇق دىمەي، ئاچالنىڭ قاق ئوتتۇرىدا تۇرغان ئايال ساقچىلارنى كۆرسەم، ئۇلارنىڭ خىزمىتىنىڭ جاپالىقلىقىغا قايىل بولماي تۇرالمايمەن.

Bidar-Qutlan

	مەن بۇ رەسىمگە بۈگۈنگىچە ئىنچىكە دىققەت قىلماپتىكەنمەن، بۈگۈن ياراتقۇچىدىن يەنە بىر قېتىم كۆپ مىننەتدار بولۇپ كەتتىم. چوقۇمكى، تاكسىنىڭ موتوسىكىلىتىنى يان تەرىپىدىن سوققان جاي ماشىنانىڭ ھازىرقى تۇرغان ئورنىنىڭ سەل ئارقىدا، ماشىنانىڭ تورموز ئىزى كوچا ئېغىزىغا كىلىشتىن 4، 5 مېتىر بۇرۇن باشلانغان، تورموز ئىزىنىڭ ئومومىي ئۇزۇنلىقى 8 يېرىم مېتىر، موتوسىكىلىتنىڭ يىقىلغان جايى بىلەن ماشىنانىڭ ھازىرقى كۆرۈنۈشتىكى ئارىلىقى 8، 9 مېتىرغا بارىدۇ، ئادەمنى تېخىمۇ ئويغا سالىدىغىنى، ماشىنانىڭ ئالدى توسقۇسى موتوسىكىلىتقا تىگىپ، موتوسىكىلىتتىنىمۇ ئاتلاپ ئۆتۈپ كەتكەن، ۋەقەنىڭ كۆرۈنىشى ھەقىقەتەن قورقۇنۇشلۇق، ئايالىم مۆجىزە يۈزبىرىپ، باش قىسمىدا 2 ئورۇن ئامۇتتەك ئۆرلەپ چىقىپ، ئازىراق قانىغان، پۈتۈن بەدەن موسكۇلى زەخمىلەنگەن، ئەمما سۇنۇش، قان ئېقىش ئەھۋاللىرى كۆرۈلمەي، سالامەت قالغان، ئايالىمنىڭمۇ، شوپۇرنىڭمۇ ۋە ئائىلە ئەزالىرىمىزنىڭمۇ تەلىيىمىز باركەن دەپ ئويلاپ، تەقدىر بىكىتكۈچىدىن كۆپ مىننەتدار بولىۋاتىمەن. ئايالىم ساقىيىپ بولۇپ، شوپۇردىن ئەينى چاغدىكى ئەھۋالنى سورىغاندا، «پىشىم نامىزى ئوقۇش ئۈچۈن ئالتۇن مەسچىتكە كەلگەنتىم، ماشىنانى توختۇتۇپ تۇرسام 4 خىرىدار يىقىنلا بىر يەرگە بارىدىغانلىقىنى دىۋىدى، نەپسانىيەتچىلىك ئازدۇرغانمۇ، ئۇلارنى ئېلىپ، نامازغا ئۈلگۈرۈپ كىلىش ئۈچۈن، تىزراق مېڭىپ قاپتىمەن، تورموزنى قاتتىق تۇتسام بەلكىم سىلىنى سوقاپ سالماس ئىدىم، ئەمما ماشىنادىكى ئادەملەر دەرىزىدىن ئۇچۇپ چىقىپ، نەچچە ئادەمنىڭ ھاياتىغا خەۋپ يېتەتتى، ئاۋۇ يەردە قاتناش چىرىغى بولغان بولسىمۇ،  قىزىل چىراق ياكى سىلىگە ياناتتى ياكى ماڭا ياناتتى، بەلكىم بۇ ئەھۋالمۇ يۈز بەرمەستى، قانداقلا بولمىسۇن، ئىككىلىمىزنىڭ تەلىيى باركەن، خۇدايىم ساقلىدى....»

Bidar-Qutlan

	يۇقۇرى رەھبەرلىكنىڭ ئاقسۇ ۋالىلىرىدەك خەت ساندۇقى بالدۇراق ئومۇملاشقان بولسا، خەلقنى خوشال قىلغان جاپاكەش كىشىلەرگە شۇ رەھبەرلەر ئاقىلىق رەھمىتىمىزنى بىلدۈرەلىگەن بولساق، ھەل بولمايۋاتقان ئىش، ناھاق بولغان ئىشلارنىمۇ پاش قىلىپ، ئۇنى ئادىل بىر تەرەپ قىلدۇرالىساق، جەمىيەتنىڭ تەرەققىياتى يەنە بىربالداق يۇقۇرى كۆتۈرىلەمدىكىن دەيمەن.

POLAT_ALANDAR

	ھەقىقەتەن  جاپالىق

POLAT_ALANDAR

	ھەقىقەتەن شۇنداق